يوم السبت، كنت ساير العراق رحلة عمل. الرحله كانت ترانزيت عبر الأردن. و لأن الوقت بين الرحلتين كان أكثر من 6 ساعات. قررت أنا و اللي وياييه إنا نسير نتمشى في الأردن. إثنينه من اللي ويانا كانوا أردنيين، فإقترحوا علينا نسير مركز مكه.
بصراحه المركز ما عليه كلام. بس إللي إستوقفني، الأسعار. قسما بالله الأسعار عندهم نااااار. كل شي تلقاه (على الأقل) يساوي أعلى سعر عندنا في الإمارات. يعني السعر اللي إحنا نشوفه غالي في الإمارات، لقيناه أرخص سعر و يعتبر سعر خيالي.