مرحبا بالجميع
اذا قارنه بين المنتديات ووسائل الاعلام اي منهم امثل صوت الشعب بدون مقارنه بتطلع المنتديات
ليش؟ لانه وسائل الاعلام تطرح الي هي تبا تطرحه او مجلس ادارتهم يبغي يوصله للشعب بدون اخذ رأي افراد الشعب واذا فرضنا سووا استبيان وكان في رأي أخالف رايهم مشوا على سياستهم وكأنهم ماسمعوا شي
اخواني وخواتي اصحاب المنتديات...اخواني وخواتي الأعضاء
انتوا من خلال المنتديات رفعتوا الضغط عن الكثير الكثير من الناس الي متواجدين على ارض زايد ولا الي مغتربين ولا العرب الي ف العالم لانهم من خلال المنتديات بس الواحد يروم يقول الي احسه والي يبا يوصله بدون اي خوف او ارتباط باي جهه او اسم
انتوا قدمتوا للناس معلومات عن
الاسهم
الاقتصاد
الارقام سيارات وتيلفونات
سلع عاديه
منتدى عام لمناقشه كل الامور الي تنعرض ف الجراد
منتدى اسلامي لتنوير الناس
بورصات
عقارات الامارات
عقارات خارجيه
والمزيد المزيد لين نوصل للشكاوي والأقتراحات
وفوق ها كله حطيتوا لكل قسم مشرف او مشرفه ينصحون الناس ويوجهوووونهم وكل واحد له ميول ف هالاشياء احط سؤاله ويلقى الرد بدون اي نوع من الكلل او الملل او مقابل
حتى ف سالفت المحافظ انتوا كنتوا اول منتدى على الانترنت ينصح الناس بعدم الدخول لاي محفضه ونزلتوا مواضيييع وحذفتوا اردود عشان مايمشون الناس وراهم
بس ف الجانب الاخر ماحصلنا شي مكتوب في الجرايد الا لما طاح الفاس ف الراس وانزخ الريال ...
والناس تكتب وتنتقد وتشجع وتعطي رايها وتحترم وتشكر وتفيد وتستفيد بدون اي نوع من القيود او الخوف
انا الصراحه اشكر ادارة هالمنتدى الموقر على هالفرصه الي خلتنا نجتمع كمواطنين وعرب ف مكان واحد وكأنه عايله كل واحد يعرف الثاني وكل واحد ينصح الثاني ونحنه حتى مانعرف ملامح بعض ومايجمعنا الا النيكنيمات...
وابا اشكرها على المشرفين الي صدق متميزين سواءا ف الردود او المعلومات الصريحه الي اوصلونها للناس ولأنها عرفتني على عدنان والي هو مشرف عقارات دبي لانه انسان صادق بكل مافي الكلمه من معنى واستفدت منه ف وااااااااااااايد اشياء سواءا ف المناقشات العقاريه او عروض البيع والشرا او الاسأله الي دوم احشره فيهم وماجد حسسني انه ملان او مضايج
طولت وعورت راسكم
اسمحولي وبالتوفيق