مشكوور ياخوي كبيروووووووووووووووووو عالموضوع
رأيي:
القنوات التلفزيونية الإخبارية تستعين بعدد معين ( وقليل نسبيا) من المراسلين في مختلف الأماكن
ونفس الشي في إذاعات الراديو ...
هذول الوسيلتين يعتمدوا على المراسلين (اللي عددهم قليل واللي مايملأوا المساحة كاملة)
بمعنى آخر:
مراسل برأس الخيمة ،، هذا المراسل من منطقة (السيح) ،، وفجأة حصل شي في منطقة (شعم أو غليلة)
سؤالي هو : كم من الوقت بياخذ المراسل ليم يوصل لشعم .؟؟؟ لو كان عنده بورش بياخذ نص ساعة خخخخخخخخخ
وطبعا النص ساعة هذه كفيلة بأن يحصل ألف شي وشي أثناءها ،،، وإذا كان مظاهرة مثلا ،، بتكون انتهت بنص ساعة ،، يعني الريال اللي حليله ياي مسرع بيلاقي كل شي انتهى ...
هذا الكلام ينطبق على القنوات التلفزيونية والإذاعات اللي تستعين بالمراسلين ..
لكن
الانترنت
والمنتديات
وهذا المنتدى اللي هو جزء من حياتي اليومية ..
بهذا المنتدى توصل الأخبار أسرع
مايحتاج مراسلين أبدا
عندنا مثلا عضو من منطقة (شعم) وعضو من منطقة (السيح) وعضو من منطقة (الدقداقة)
وهذول الأعضاء بينقلوا لنا الخبر بأسرع وقت وبكامل التفاصيل (( نقل الخبر قبل أن يصل حتى إلا بعض أهالي المنطقة))
ونحن بدورنا فورا نشكر ذاك العضو ونشجعه على سرعته ودقته بنقل الأحداث ..
ما أبغيكم تقولوا أني قاعد أتفلسف ،،، وعندي مختصر الكلام
قبل أيام طاحت أمطار الخير بالعين
وطبعا شفتوا كل الصور الحديثة (الفرررررش) لهذه الأمطار
والدليل الثاني:
لما حصلت الحرائق في دبي (الله يحميها من كل شر)
ساعتها الاخبار والصور والتفاصيل كانت كلها بالمنتديات
ياخوي كبيروو المستثمرين حتى الصور مال الحرائق كانت واضحة ماشاء الله (الصور مال كاميرة ال‘ضاء)
موي شرات الصور اللي حاطينها بموقع الجريدة (صورهم أبدا موب واضحة،، يمكن خذوها من الأرشيف هههههههه خخخخخخخخخ)هذا رأيي ووالسموحة منكم
(أعتذر لأني تكلمت عن جزء صغير من موضوعك الكبير ياكبييييير المستثمرين)
أخووووكم
القلم الحر