السلام عليكم
شكرا أخوي على الموضوع
و الحمد الله على سلامتهم
هالمشكله انواجهها دايما في البحر .. سواء الصيادين او اصحاب النزهه يمشون بدون انوار ملاحيه
و اذا واقفين في البحر من المتعارف عليه انه يشغل النور الابيض فقط اللي يدل على انه الطراد واقف.
لكن الله يهديهم ما يتقيدون بهالامور البسيطه اللي تجنبهم حوادث كبيره
و في مشكله ثانيه حبيت اضيفها
الاسبوع اللي طاف عند مدخل الكاسر الامواج في ابوظبي . طراد ماشي بسرعه عاليه و مشغل الاناره كامله في الكبينه (أقصد الاناره الداخليه اللي تكون في سقف الكبينه من الداخل) كان بيدعم طراد ثاني لكن في آخر لحظه الطراد الثاني شغل الكشاف المتحرك و انتبه .
طبعا من المعروف انه اناره الكبينه الداخليه تعشيك و ما تخليك اتشوف عدل في الليل وفي حوادث وايد صارت بسبب هالشيء
في النهايه نتمنى السلامه للجميع
و شكرا