السلام عليكم أخواني ,
اولا أشكر صاحب الموضوع على طرحه
أخوي دعيثر كلامك سليم 100% نحنا ماوصلنا مرحلت الصيد الجائر بعدنا
وأنواع السمك اللي تتكلمون عنها يا أخوان مثل الخباط و التبان والقباب والجنعد ياجماعه تراها ما تتكاثر عندنا واللي صار في راس الخيمة أخويه صلاح ممكن تصير مره مرتين بس بعدها ما تأثر في كميات السمك على مستوى الخليج لأنه هاللأنواع من السمك يمر على إيران ودول الخليج ويطلع لين سواحل عمان ويتجه جنوب لين اليمن ويرجع يتوجه تقريبا لقارة أستراليا ولكن عمره مايتكاثر هنيه عندنا .
خلنا نفترض انه تم فعلا منع جميع أساليب الصيد بالألياخ لهذه السمكه من يضمن عدم صيده على سواحل إيران او عمان او حتى دول الخليج المجاوره ؟
أنا أقولك بيئيا بشو تبداء :
اول شي تكسير المرجان بالمسدسات وتدمير الميافر مربي الهوامير والشعري مثل ما قال أخونا دعيثر
وبعدين عندك كراف الربيان ( الربيان العربي) صغير الحجم . في إمارة أبوظبي ممنوع منعا باتا وماأدري عن باجي اللإمارات ولكن بإعتقادي لا يزال يمارس بطريقه غير شرعيه والله أعلم.حيث انه غذاء أساسي لعدة فصايل وأنواع من السمك.
وعندك صيد العومه لازم يمنع صيدها أخوي لأنها غذاء مهم جدا للكثير من الأسماك مثل الخباط والتبان والقباب والجش لازم الواحد يسأل نفسه منطقيا ليش هالنوع من السمك يدخل خليجنا عشان العومه يا أخوان.
وأكبر مشكلة بيئية واللي انتوا مول ما تطرقتو إلها
هي الصيد بطريقة القاراقير او الدوابي.
خلنا أنقول كل لنج عندها بس 80 قرقور أو دوبايه
كل يوم تطلع 100 لنج كل لنج ما بقول في شهر لا في سنه وحده ضيعة قرقورين او أثنين بس أضرب أثنين في مئة الناتج مئتين 200 قرقور في البحر محد يعرف مكانهن
كم الكمية اللي يستوعبها القرقور؟
كم المده اللي بيتم فيها تحت البحر؟ لين يصدي ويتكسر طبعا مش أقل عن سنتين
هذي هي الكارثه البيئية .
وعلى فكرة هالأرقام مجرد حسبه من عندي طبعا
ولا لو ترجع قانون أبوظبي يسمح ب120 إلى 125 قرقور
وشوف باجي اللأمارات .
وفي شي مهم نحن وإيران نغرف(نصطاد) من نفس الخليج ولو تشوف كيف يجلدون البحر هناك بالكرافات خصوصا بتعرف كيف انه الصيد عندهم يؤثر علينا.
وشكرا لك أخوي على طرح الموضوع مرة ثانيه ولكم تحياتي.
وسامحوني على الإطاله
ودمتم بود
من اخر مواضيع العضو:
R.AlRomaithi
*
مطلوب برنامج تحويل