السلام عليكم والرحمه
اخواني اريد أوضح شي ولكن لاتفهموني غلط وعسب ما تفهموني غلط انا ما بحط اسم الشركه عسب محد يقول اني أسوي دعايه
ترى اللي يحددلك سعر الفوت هذا يبا يغش في المواد
عيل كيف انا بحدد سعر الفوت بدون ما أعرف شو طلباتك ونوعية المواد
مثلا اذا تبا اسمنت من رأس الخيمه بتحصله رخيص لكن اذا كان المالك يبا أسمنت الشارجه هذا الكيس من 22 الى 26 في السوق
كيف ما يكون في أختلاف طبعا تقيش هذا على الطابوق والتمديدات حتى نوع الصبغ
وبالنسبه للأخ اللي يسأل عن أختلاف الأسعار بين إماره وأخرى ترى السبب الرئيسي هو إشتراطات ومواصفات البلديه
مثل مواصفات العزل الحراري وتمديدات الغاز الطبيعي
بس بصراحه مهما حاولت تراعي ترى الغش موجود وبيتك اذا كان زين تراه من المقاول لان عنده ذمه وضمير مب عسب انك شاطر وتعبان في التدقيق . ( حتى الإستشاري ولو كان عدنان سفاريني ما يقدر يزخ المقاول الغشاش )
واسمحولنا