اقتباس:
المشاركة الأصلية كتبت بواسطة ad55
عقب 4 سنوات يحق للمالك طلب العين المؤجرة.....
اللي مأجر برخص بيرفع الإيجار.....
|
بعد خراب البصرة ياخوي... الملاك المساكين اصحاب المباني القديمة راحت عليهم والطفرة انتهت واقرب واحد ممكن يخلي الشقة حسب هذا القانون هو في سنة 2010 عندها سيكون في عرض والايجارات نازلة وهذا المالك المظلوم بيستلم الشقق مكسرة ومستهلكة ومحتاجة لاعادة تجديد بعد ما شبع المستأجر الوافد من تأجيرها من الباطن وتحقيق ارباح مضاعفة على حساب المالك.... مع احترامي للقانون القديم فقد اضر بكثير من الملاك اصحاب المباني القديمة.. قلنا الف مرة لابد من علاقة صحية ومنطقية بين الملاك والمستأجرين مش قانون كل موادة تفسر لصالح المستأجر.. الايجارات ارتفعت الف بالمائة والقانون يحكم عليك زيادة 5% فقط لاتودي ولا تجيب... عمارة مالكها شاطر وتحايل على القانون وقدم اسباب واعذار استطاع يحبر المستأجرين ويخلي البناية و يأجر الشقة من جديد ب200 الف ومالك ثاني محترم القانون وصابر وبنايتة بجنب بناية الاول يأجر شقة مشابه ب 40 الف درهم ..وين العدل ومبدأ العرض والطلب في مثل هذه القوانين... وعلشان هذا شفنا المحاكم ولجنة المنازعات متروسة من القضايا.. نتمنى ان يتم تطبيق القانون الجديد بدون شروط وتفسيرات مجحفة ضد الملاك ويكفي الضرر اللي لحقهم ولحق عوايلهم طول هاالسنين على وعسى يلحقون على شي من اللي في الجدر .