السلام عليكم ورحمة الله وبركاته.

بدخل دخول قوي شوي.

الحين انت تعرف بشو هذا الشخص يمر به؟

المعاش اللي تستلمه من وين اييك؟

كثير منهم يداومون بعاد عن اهاليهم لمدة شهر او اكثر في هالغاز والخطر والتراب والحر.


بعطيكم مثال جزيرة داس فقط:
تدري ان في داس فيه غاز H2s يقتلك خلال دقايق بسيطة. هذا الغاز له رائحة البيض الفاسد (تزوع لو مب متعود عليها) ولو انقطعت ريحته عنك اعرف انك تنتهي.
بس طبعا له معاملة خاصة في داس للتخلص منه.

هذا الشخص محاط بخطر شديد وما في مفر. يعني الريال في جزيرة. لو صار اي شي لا قدر الله, وين بيشرد.
وشغال بين هالمصانع والازعاج وخطر المكاين وتلوث الجو. هذا شخص محبوس ما عنده غير الشغل, المطعم. المسجد والغرفة.
هذا في داس فشوا ببالك اللي يداومون في الرقوق البحرية او الصحرا

تقارنون هذا الشخص بشخص يشتغل في بوظبي يالس في مكتب وبين اهله وبأمان يسير وايي وين ما يبا يسولف ويا ها ويسولف ويا هاي. ماشي شغله الا اتكشخ عشان تشوفه هاي انه حلو او تتكشخ عشان يشوفها ها انها حلوه. ( البعض وليس الكل).

كيف تريد تساوي معاش اللي يشتغل بأبوظبي ومعاش اللي يشتغلون بالبترول. وكيف تريد اللي يشتغل في البترول يسكت ويشوف ان معاشات اماكن الراحة اكثر بكثير عن معاشه.

وطبعا نحن ما نطالب بنقصانهم, الله يبارك لهم في مالهم. ولكن نطالب بتقدير عملنا.

كلامك فوق الصح

مقدرين ياخوي ونتوا مانحطيتوا فهالمكاان الا لانكم اكفاء وقد المسؤوليه

اخويه ماحد يابك غصب عنك وشغلك هناك وين ما اتكون

انت بنفسك قدمت ورضيت بالوظيفة والراتب

اما عن اماكن الراحه اللي تقصدها منو قالك انها راحه

انا ماسك مدير ادارة واشتغل الليل والنهار مجهود بدني وذهني

وبعدين انا يوم اتخرجت كان معاشي 5800 وربعي اللي في البترول كان معاشاتهم فوق 18000

وماحد اتكلم والامور عادية وكانوا يركبون احسن السيارات وساكنين ماشالله في فلل والمستشفيات

ببلاش ونوادي ببلاش كل شي ببلاش ونحن على هالمعاشات وعايشين الواحد ايقول الحمدالله ان عنده

خير ونعمة ولكن اذا واحد ما كان عنده غير راتبه وشغال في دائرة حكومية شو كان يسوي

ما اقول الا الله المستعان

لكن الحين انتم ياللي في البترول حاسدينا بعد كل هاي السنين على النعمة اللي يتنا

عيل صدق يوم قال المثل

الخبزه في يد اليتيم عجبة

والسموحه

^
^
^
^

انا ما ادري ليش المقارنه

الحينه اللي في البترول ويداوم داخل بوظبي كان يستلم اكثر عنا

حتى المدرسين في المعهد التابع لادنوك كانو يستلمون اكثر عنا وعن المدرسين الاخرين

وبعدين اللي في البترول وما عاجبه المعاش

حياه الله

يفنش وايي يداوم عندنا

والدواير تستقبل الخبرات

===============

ترى اسولف

بالعكس انا اخواني في البترول واتمنى لهم الزياده ويكون معاشهم اكثر عنا بعد

( عسب نتسلف منهم هههههههه)

1000%.....

كلامك سليم مليون %..
اتعرفون اعارة الاجنبي بكم و في اليوم الواحد؟
.
بحكم خبرتي في مجال توريد العمال لشركات البترول..
.
الأجنبي يحصل في اليوم الواحد اذا رتبته مهندس و فوق ..يوميا بين 5000 درهم الى 20000 درهم.
.
أنصحك اتقدم السيفي مالك لشركات البترول العالمية و بتشوف الفرق اذا تقدر اتروح Oil Rig
.
بيطلبونك لمدة 40 يوم بتضرب عليهم راتب يومي مب أقل من 5000 درهم.
.
بالتوفيق يا أخوي

الدوام في الدوائر الحكوميه من 7ونص لين 2 ونص
الدوام في شركات البترول الرسمي من 7 لين 3 والشفتات من 6 الصبح لين 6 المغرب

الدوائر الحكوميه دوائر مصاريف يعني اخر السنه مافي ارباح
شركات البترول المصدر الرئيسي لدخل البلاد واخر السنه تحقق ارباح كبيره

الدوائر الحكوميه ضغط العمل مب كبير وتقدر تلاحظ هالشي من خلال زيارة اي دائره
شركات البترول ضغط في العمل والشغل وايد هذا غير الشباب اللي في الحقول وفي الجزر والرق... الله يعينهم
بعد كل هذا اعتقد تقدرون تحكمون منو لازم يكون معاشه اكثر

على فكره بعد الزياده الاخير بيكون حامل البكارليوس في الدوائر الحكوميه المواطن بيستلم اكثر من 30 الف و غير المواطن يستلم 16 ونص على الاقل

بينما المواطن حامل البكارليوس في شركات البترول يستلم 19 الف تقريبا

انا ما اعتقد ان الوضع راح يستمر بهالطريقه لان الكفاءات راح تطلع من شركات البترول وهالشي ما راح يرضي المسؤولين خاصه ان شركات البترول عندها مشاريع كبيره جدا ومحتاجه لكل الموظفين ولكل الكفاءات واكيد راح يتعدل الوضع ويكون متساوي على الاقل

اما بخصوص سؤالك فانا اقولك بالفعل الكثير من موظفين الدوائر الحكوميه قامو يتفاخرون على موظفين شركات البترول ان معاشاتهم اكثر من معاشات ربعهم اللي في البترول وان هم يشتغلون اقل ويحصلون معاشات اكثر من البترول وبالفعل الشباب اللي في شركات البترول وخاصه اللي في الحقول مضايقين من هالشي خاصه ان الغلا والزياده في الاسعار راح يشمل الكل ...والسموحه اني طولت عليكم بس هذا اللي صاير