الموضوع: تعليم طفل الروضة الجمع والطرح؟؟؟

سؤال للآباء والأمهات والمدرسات والمدرسين ، إلي عندهم عيال في الروضة الثانية Kg2
لو سمحتو أبي طرق تعليم الجمع والطرح، لإني عيزت وي ولدي وهو مطنش ؟؟؟
أخاف ما يقبلونا في الصف الاول لأني بنقله مدرسة ثانية قريبة من البيت،،،


الله لا يحرمنا من خبراتكم ومعاونتكم،،،

في إنتظار الردود ؟؟

أم راشد

اهلا فيك اخوي بو راشد

انا ما عندي علم في هذه الأمور و الأمر KG2 اللي طلع يديد ما أعرفه بعد

ولا تخاف بيقبلون ولدك إن شاء الله

بس انت يمكن ما يدخلوك الصف هاهاهاهاهاهاها

أخاف ما يقبلونا في الصف الاول

دمت بود

السلام عليك اخوي بوراشد

روح وحده من المكتبات واطلب منهم الكتب اللي تعلم الجمع والطرح للمراحل الاساسيه
وتم في البيت تلاعب ولدك على هالكتب وفي نفس الوقت تعلمه

حاول تعلمه بالاشياء الي هوه يحبها .. مثلاً ألعابه ... خله يجمعهن ويطرح فيهن ...

طبعاً الكلام الي فوق مثال .. وانته أدرى بالاشياء الي يحبها ... مب تيمعله كافي وشبس وتقوله يالله أجمع وأطرح .. صدقني ما بتحصل منهن شي بعد الجمع والطرح بيطلع الناتج صفر

الأخوان one more و dbooor و بو سعود

شكرا لردكم ،،،،

ننتظر المزيد ؟؟؟

ياخي حفظه القــــرآن احسن

kg2?

جمع وطرح؟

احس صعبه

سيري قدمي بالمدرسه او اتصلي فيهم و سأليهم لازم يتعلم جمع وطرح؟؟

احسه صعبه بالسن يتعلمون

مجرد راي



انا ولدي بسجله kG1
و ما يعرف غير المعوذات بس هذا حده ما حفظ اكثر

عيال الروضة صغار واااااايد على الجمع والطرح....
ولاتضغطون عالياهل لأن الجمع والطرح مب من مستوى طفل عمره 4 سنوات...

انا اخوي Gr1 في المواكـــــــب .. يوم كان في ال Kg ما كان ياخذ الجمع و الطرح لانه اول لازم يعرف الارقام و بعدين يجمع و يطرح ... لان اللي في الروضه بعدهـــــــــــم صغار .... حــــــرام ..

السلام عليكم
بهذا العمر يتعلم الطفل الحروف والأعداد كيف يكتبهم وينطقهم هذا أهم من عمليات الجمع والطرح وتوجد طرق كثيرة للتعليم في المكتبات على حسب عمر الطفل ومنها أشرطة الفيديو .. تحياتي للجميع