السلام عليكم ورحمة الله وبركاته

والصلاة والسلام على اشرف المرسلين وخاتم النبيين سيدنا محمد وعلى اله وصحبة وسلم

وبعد

بصراحه يا اخوان انا لاحظت في الفترة الاخيره ان في اشخاص يعرضون ارقام عنده ولكن باسعار خيالية

فنظرا لخبرتي الطويلة في بيع ارقام السيارات حبيت اعرض عليكم الاسعار المقترحه او بمعنى اخر اللي

ماشية في السوق الحين ونحن انبيع ونشتري على اساسها وبعد للاخوة اللي بيشترون واللي بيبيعون

وذلك حتى تتم الاستفادة للجميع مع تمنياتي لكم بالتوفيق


الارقام الحمر الرباعيه

اذا كان رقم مخربط فهو يسوى من 15 الى 18 الف
اذا رقم بدايته ونهايته نفي الرقم يسوى من 17 الى 20 الف حسب الرغبة
اذا رقمين عدال بعض متشابهة والرقمين الباقية متخربطة من 18 الى 22 الف
اذا رقمين متشابهين و واحد غير والاخير نفس الرقمين الاوليين من 20 الى 27 الف
اذا دبل دبل يسوى من 28 الى 40 الف

وطبعا في النهاية كله حسب الرغبة اذ ممكن رقم ينباع باكثر حسب رغبة الشراي

وانشالله النا لقاء بخصوص ارقام اخرى من فئات اخرى

واخر شي اقوله ياجماعة الخير كل واحد حر في حلاله وما اريد حد ينتقد او يزعل

والسموحه

ان شالله قريب

مشكور يالظبياني...لكن الناس تعرض وأسعار غير معقوله

مشكور على الموضوع

المشكلة ان الناس اللي عارضين 90% منهم ماخذين الارقام من عند اشخاص ويبون يبيعونها ويربحون منها وبالتالي ماتلاقي حد يشتري

لكن ما اقول الا الله المستعان

الارقام الحمر الرباعيه

الارقام الحمر الرباعيه

اذا كان رقم مخربط فهو يسوى من 15 الى 18 الفحسب الرغبة
اذا رقم بدايته ونهايته نفس الرقم يسوى من 17 الى 20 الف حسب الرغبة
اذا رقمين عدال بعض متشابهة والرقمين الباقية متخربطة من 18 الى 22 الف حسب الرغبة
اذا رقمين متشابهين و واحد غير والاخير نفس الرقمين الاوليين من 20 الى 27 الف حسب الرغبة
اذا دبل دبل يسوى من 28 الى 40 الف حسب الرغبة
اذا الاربع ارقام متشابهة من 70 الى 120 الف حسب الرغبة

الارقام الزرق الرباعيه


اذا كان رقم مخربط فهو يسوى من 5 الى 8 الاف حسب الرغبة
اذا رقم بدايته ونهايته نفس الرقم يسوى من 8 الى 10 الاف حسب الرغبة
اذا رقمين عدال بعض متشابهة والرقمين الباقية متخربطة من 9الى 12 الف حسب الرغبة
اذا رقمين متشابهين و واحد غير والاخير نفس الرقمين الاوليين من 13 الى 18 الف حسب الرغبة
اذا دبل دبل يسوى من 20 الى 35 الف حسب الرغبة
اذا اربع ارقام متشابهة من 60 الى 90 الف حسب الرغبة


الارقام الرباعية الرمادية

اذا كان رقم مخربط فهو يسوى من 2 الى 3 الاف حسب الرغبة
اذا رقم بدايته ونهايته نفس الرقم يسوى من 3 الى 4 الاف حسب الرغبة
اذا رقمين عدال بعض متشابهة والرقمين الباقية متخربطة من 4 الى 6 الف حسب الرغبة
اذا رقمين متشابهين و واحد غير والاخير نفس الرقمين الاوليين من 8 الى 10 الف حسب الرغبة
اذا دبل دبل يسوى من 10 الى 18 الف حسب الرغبة
اذا اربع ارقام متشابهة من 40 الى 50 الف حسب الرغبة


هذا والله ولي التوفيق

الارقام الحمر ( الفئة الاولى بيكونن )

اذا رقمين متشابهين و واحد غير والاخير نفس الرقمين الاوليين من 20 الى 27 الف حسب الرغبة

قصدك مثل 1101 - 9919 - 9909 - 5565 - 1121 ؟؟؟؟

اذا دبل دبل يسوى من 28 الى 40 الف حسب الرغبة

يعني قصدك مثل 1100 - 8800 - 1122 -- 8899 - 4455 ؟؟؟؟؟؟؟؟

اذا الاربع ارقام متشابهة من 70 الى 120 الف حسب الرغبة

يعني قصدك مثل 1111 - 2222 -- 5555 -- 9999 - ؟؟؟؟؟؟؟

الارقام الرمادية

اذا اربع ارقام متشابهة من 40 الى 50 الف حسب الرغبة

قصدك مثل 2222 - 3333 - 4444- ؟؟؟

انا ادور 4444 رمادي وبشتريه من عندك ب 50 الف


السموووووووحة على المداخلة

لكن حبيت ابدي رايي في هالشي

لان الاسعار اللي انت حاطنهن وايد منزل من سعر السوق

لانه ما في حد عنده رقم حلو وببيعه بهذا السعر

والسمووووووووووووووووووحة مرة ثانية

شخصية مجهولة

افا عليك اخويه صراحه عجبني رايك

لكن خلني اخبرك هاي الاسعار هيه المتداوله الحين والشرايين هاذي اسعارهم الا عاد انت اتعرف القليل القليل من المريشين وانا قلت حسب الرغبة ممكن يدفع سعر عالي لانه عاجبنه لكن مايتعمم هذا السعر على باقي الارقام انا اقولك مره واحد عجبه رقم رباعي احمر وصادف ان هذا الرقم نفس الرقم اللي عند الريال لكن رمادي والرقم مخربط على الاخر ويوم عارف البايع رفع السعر لين الاربعين وهذا ماشالله عنده خير واشتراه ولكن مب معناها ان خلاص كل الارقام الرباعيه المخربطه تسوى اربعين

فهمت قصدي

انا قلت هاي هي الاسعار المتعامل فيها وبعد خلني ازيدك من الشعر بيت عقب الفئة الخامسة والاسعار اللي انباعت فيها الناس استينت وقالت خلاص لدرجة اني شفت واحد عارض رقم ثلاثي رمادي مخربط ب 500 الف

ولكن هل حد بيشتريه هني السؤال

وفي النهاية

انا قلت كل واحد بيشتري حسب رغبته والبايع بعد هذا حلاله وهو حر فيه

انا مجرد حطيت الاسعار المعقولة والمتداوله

والسموحه منك ومن الشباب الباقيين

بارك الله فيك اخوي مستثمر ظبياني

موضوعك رائع ومفيـــد

يستاهل التثبيت