بسيطة ...............
السمك المجمد الصيني سيغزو السوق فلا داعي للقلق.!!!!!!!!!!!!!!

والله قولو حق وزير الثروة السمكية فلحين يحطون على السماجة يوم جذة ويوم جذة على الفقير بس
اما التجار كلو السمج وحفروة بعد

السلام عليكم يالربع

عندي الجواب الشافي والكافي والوافي والدافي لمشكلة قلة السمك
وهذي وجهة نظر واحد متربي في البحر وبس يعني مثل اللوهه

شوفو الحسبه البسيطه واحكمو بروحكم

كل هذا الاشكال سببه القراقيروالنفايات البلاستيكيه وانا اسميها القاتل الصامت للبيئه البحريه

يوجد سنويا اكثر من 60 الف قرقور ضائع في البحر والرقم الصحيح اكبر من هذا بوايد واسالو اي واحد عنده لنج قولو له قم قرقور ايضيع عنك في السنه واضربو الرقم في 1000 لنج وطراد في البلاد كلها راح تشوفون رقم غريب وعجيب

المهم لو عرفنا ان القرقور يتم ضايع في البحر 5شهور قبل ما يخترب ويتكسر

راح نفترض ان في الفتره اللي ضاع فيها القرقور دخلن 30 كيلو سمك وماتن بس 30 اما الرقم الصحيح اكثر وايد واسلو هل البحر بيخبرونكم

30كيلو*60000قرقور =مليون وثمانمية الف كيلو اعدموا في سنه وحده الله المستعان

هذي مجرد حسبه بسيطه بارقام اقل عن الواقع بكثير

السبب الثاني هو النفايات البحريه

قبل شهر تقريبا قمت بعمل دراسه بسيطه عن حجم النفايات البحريه اللي يرمونها جميع مرتادي البحر
من الصيادين والمتنزهينفي المينا الحر وشوفو النتايج بحكم وظيفتي

وزعنا اكياس بلاستيكيه على اصحاب اللنجات وكان العدد 110لنج يعني 110 رحله بحريه في 22يوم ومن ثم اجبرناهم على ارجاع الكيس في نقطة التفتيش في الميناء الحر

وكانت التيجه اكثر من 300 كيلو نفايات بلاستيكيه كان مصيرها الى البحر والاقواع اي بمعدل 2.7 لكل لنج .

تعالوا الحين اضربوا 2.7كيلو في مئة الف رحله بحريه في السنه الواحده في امارة ابوظبي وهذا الرقم من خفر السواحل يايبنه في نقاط التفتيش بس يعني مب كل الرحلات مسجله

2.7كيلو *100000 رحله بحريه = 270 الف كيلو نفايات بلاستيكيه يرمونها في السنه الله المستعان


يعني الاف الاطنان سنويا يعدمونها بسبب الصيد الخطاء وما راح اقول الجائر لانه نحن ما عندنا صيد جائر

والاف الاطنان من البلاستيك يرمونها في البحر سنويا يعني التوازن عكسي واصبح البحر اكرمتوا زباله


والسبب قلة الوعي البيئي

والموضوع طويل وما اقدر اكمل لاني عيني عورتني ومبارك عليكم الشهر الكريم

والسلااااااااااااااااااااااااااااااام

يزاك الله خير على هالمعلومات والتوضيح بس اعتقد انه مخلفات السفن والبواخر والتدريبات العسكريه والذخاير الي يتم استخدامها والالياخ لها دور كبير بعد ولا شو رايك.وشكرا

مخلفات السفن والتدريبات العسكريه والالياخ انا اعتقد من وجهة نظر علميه واحصائيه

ممكن يكون لها 20 الى 25 % من تناقص المخزون السمكي

لان الليخ مهما اخترب او ظاع تاثيره يكون لكم يوم بس والرمايه تكون في مناطق محدده ايضا
وال
الدمار الاكبر الحاصل في بيئتنا البحريه هو من الصيادين انفسهم وانا واحد منهم ومحترف بعد

عن طريق النفايات البلاستيكيه اللي يرمونها جميع مرتادي البحر و اللي مزرت الاقواع

القراقير الضائعه لان اثرها يتم فتر طويله واسمها العلمي المقابر الدائمه

انماط الصيد الخاطئه مثل صيد الاسماك الصغيره وتكسير الشعب المرجانيه (الفشت)

عندنا في منطقة البطين الهنود خاربين البحر بما حوى والارباب لا محتاج مكدة البحر ولا شي كله حق الهندي والهندي لا يهمه نظافه ولا بحر ولا شي تعالو وشوفو يوم يبرزون القبقوب شو قد سمج خايس وياه ياخذونه ويرمون على السيف بعد مب في الزباله حسبالهم هذي بلادهم الله المستعان

اقامة المشدات بطريقه غير علميه يعني الربع الله يهديم يجمعون اي كشرات بلاستيكيه وغيرها وتتحلل في البحر وتسوي مشاكل خطيره ما في مجال للشرح

اصحاب اللنشات الاولين يوم كبروا سلموا اللنج حق الهندي والهندي لا يهمه بحر ولا بلاد ولا من يحزنون

بس انتظروا علي فتره بعد ما اكمل الدراسه اللي اسويها راح تعرفون ليش وايد قل السمك


والسلااااااااااااااااااااااااااااااااااااااااااااا ااااام وعليكم