الموضوع: عملية ربط المعدة .. ادخلوا

بسم الله الرحمن الرحيم

السلام عليكم ورحمة الله وبركاته

أنا من راس الخيمة وحاب اني اسوي عملية ربط المعدة

وين أحسن مكان اسوي فيه عملية ربط المعدة

وكم تكلفة العملية

وشو نسبة فشل العملية

وهل هي خطيرة

ومنو أحسن دكتور

وهل في حد سوا قبل العملية او يعرف حد سوا العملية وعايش حياته ونحف

وشكرا

مرحبا أخوي

أعرف وحدة سوت عملية ربط معدة

ضعفت وايد لكن بعد ما ضعفت استوى أي شيء تاكله ترجعه

الحرمة تعبت وايد من الربط ومن كثر ما ترجع صارت ترجع دم!!!

تبغي نصيحتي

راجع عند خبير تغذية ثقة

خلّه يكتبلك حمية على شكل برنامج غذائي أسبوعي

ولا تنسَ تمارس الرياضة يوميا ولو المشي ساعة كل يوم

والله ما ينصحون بها
وياخوي اربط إيدك عن الأكل أحسن

مستشفى الإمارات في دبي ..

عندهم دكتور أيي زياره كل شهر ..

أنا واحد من ربعي مسونها هناك .. والحمدلله من 170 الحين وزنه 105 في 8 شهور .. يعني بينزل تحت ال100 في أقل من سنه .. بس أهم شي انك تسوي رياضه وتراجع المواعيد ..

والله الغالي انا مسوي العملية ونجحت اويايه 100% وخفيت 51 كيلو .. ومسونها عند دكتور ألماني اسمه اندريه في مستشفى زايد العسكري ونسيبي بعد مسونها بس هذاك صدق مصخها لانه وايد ضعف .. بعد العملية يبالك تمضغ عدل يعني تعلج عدل و تخلي الشرب اكثر من الاكل لانك يوم تاكل كذا مره لقمه ورا لقمه تحتاج كمية من الماي تنزل الاكل داخل المعدة وعلى هالأساس تحس بشبعة بسرعة وفي نفس الوقت عملية مضغ اللقمة فالفم لمدة 20 ثانية بحد ذاتها تؤدي بالغرض الهضمي مما يسهل عملية الهضم على المعدة ومن ثم يتم طرد الفضلات خارج الجسم في مدة زمنية أقل من السابق ..

نصيحة:
*الرجاء انتقاء الأكل المناسب الذي لا يؤدي التخمة السابقة والابتعاد عن الارز تماما والذي هو سبب رئيسي لبروز الكرشه ..

الشعور الجميل:
*احساس جميل لا يوصف في فترة ما بعد العملية .. احساس بالشبعة الشبه دائمة .. احساس بالنشاط الدايم الذي لم اشعر به منذ الولادة .. ذهاب 99% من الامراض التي كنت اعاني منها فالسابق (الحموضة , الحارق , عسر الهضم , صعوبة فالتنفس عند النوم , وخزات غريبة في منطقة القلب .... الخ) .. تعدي مرحلة الاحراج من السمنة عند الخروج من البيت .. سهولة في ممارسة الرياضة عند الرغبة بالقبام بذلك ..

اخوي الكريم انا بكلمك عن نفسي انا ولله الحمد

لا عمليات ولا أدوية ولله الحمد ونزلت بشكل كبير بفضل الله وبفضل عزيمة النفس

النفس رديه ومن تتبعها تفرك في الهوون

نصيحتي لك اخوي الكريم

1- وقف عن العشاء بتاتا
2- توقف عن السكريات بانواعها حتى شرابك للكوفي الشاي اي نوع من هاي الانواع خله بدون سكر وانا انصحك يكون شرابك هوه شاهي اخضر بدون سكر وبتحبه بعد ما تتعود عليه.
3- مارس رياضة المشي مبدئيا لين ينزل وزنك بحدود مناسبه وبعدها ابدأ بالجري التصاعدي.
4- الغازات والاكل لي فيه دهون انساه لفتره وعقب ما توصل لوزن طيب تقدر ترد عليه بشكل مبسط.
5- خل حافزك انك كل ما تنقص وزن معين قول يعني فيه امل تنزل اكثر وصدقني القناعه النفسيه اهم شي.

ولا تنسى لا تستعجل النتايج بتييك فتره يوقف فيها وزنك ولا راح ينزل ومب مشكله استمر وبتلقى النتيجه.
6- راح تتعب نفسيا وراح تحس بانهاك جسدي لكن حاول انك ما تتكاسل.

7- جسمك راح يحتاج فيتامينات روح الصيدليه واطلب منه حبوب تعوض الجسم بالفيتامينات في نوعين شراب او حبوب واسمها سايندونيك لون العلبه صفرا بس خذلك لفتره معينه لا تاخذهن وايد اخوي وفي اليوم حبه.


شد حيلك واذا في اي شي رالني على الخاص اخوي الكريم

المشاركة الأصلية كتبت بواسطة بو شهد

والله الغالي انا مسوي العملية ونجحت اويايه 100% وخفيت 51 كيلو .. ومسونها عند دكتور ألماني اسمه اندريه في مستشفى زايد العسكري ونسيبي بعد مسونها بس هذاك صدق مصخها لانه وايد ضعف .. بعد العملية يبالك تمضغ عدل يعني تعلج عدل و تخلي الشرب اكثر من الاكل لانك يوم تاكل كذا مره لقمه ورا لقمه تحتاج كمية من الماي تنزل الاكل داخل المعدة وعلى هالأساس تحس بشبعة بسرعة وفي نفس الوقت عملية مضغ اللقمة فالفم لمدة 20 ثانية بحد ذاتها تؤدي بالغرض الهضمي مما يسهل عملية الهضم على المعدة ومن ثم يتم طرد الفضلات خارج الجسم في مدة زمنية أقل من السابق ..

نصيحة:
*الرجاء انتقاء الأكل المناسب الذي لا يؤدي التخمة السابقة والابتعاد عن الارز تماما والذي هو سبب رئيسي لبروز الكرشه ..

الشعور الجميل:
*احساس جميل لا يوصف في فترة ما بعد العملية .. احساس بالشبعة الشبه دائمة .. احساس بالنشاط الدايم الذي لم اشعر به منذ الولادة .. ذهاب 99% من الامراض التي كنت اعاني منها فالسابق (الحموضة , الحارق , عسر الهضم , صعوبة فالتنفس عند النوم , وخزات غريبة في منطقة القلب .... الخ) .. تعدي مرحلة الاحراج من السمنة عند الخروج من البيت .. سهولة في ممارسة الرياضة عند الرغبة بالقبام بذلك ..

يعني تنصحني بالعملية ؟

وهل هي زينة لشخص مقبل على الزواج ؟

والعملية كم ساعة ؟

وهل لازم ترقد بالمستشفى ؟

وشي مستشفيات خاصة تسوي العملية

وكم تكلفة العملية

وشكرا

المشاركة الأصلية كتبت بواسطة شمس الضحى

مرحبا أخوي

أعرف وحدة سوت عملية ربط معدة

ضعفت وايد لكن بعد ما ضعفت استوى أي شيء تاكله ترجعه

الحرمة تعبت وايد من الربط ومن كثر ما ترجع صارت ترجع دم!!!

تبغي نصيحتي

راجع عند خبير تغذية ثقة

خلّه يكتبلك حمية على شكل برنامج غذائي أسبوعي

ولا تنسَ تمارس الرياضة يوميا ولو المشي ساعة كل يوم

شكرا على المرور

ولكن ياما سرنا وياما سوينا حمية ولكن دون فايدة

المشاركة الأصلية كتبت بواسطة عز الطلب

مستشفى الإمارات في دبي ..

عندهم دكتور أيي زياره كل شهر ..

أنا واحد من ربعي مسونها هناك .. والحمدلله من 170 الحين وزنه 105 في 8 شهور .. يعني بينزل تحت ال100 في أقل من سنه .. بس أهم شي انك تسوي رياضه وتراجع المواعيد ..

شكرا اخويه

كم تكلفة العملية ؟

وشو اسم الدكتور

وكم تستغرق العملية

وهل العملية زينة للي مقبل على الزواج؟

المشاركة الأصلية كتبت بواسطة بوحمده

والله ما ينصحون بها
وياخوي اربط إيدك عن الأكل أحسن

ربطت ايدي

من اليوع قمت آكل بريولي