almayed

اولا اسعار الذهب اليوم تاريخ ....|14 |11|2008
سعر الاونصه (الاوقيه) حاليا 728.91دولار حسب الاسعار العالميه
اخيرا ارتفع

• الذهب البحريني وهو متعدد العيارات ولكن السائد بالامارات عياران الاول 18 والثاني 21
• الذهب السعودي وهو متعدد العيارات
• الذهب الكويتي وهو متعدد العيارات
• الذهب السنغفوري وهو متعدد العيارات
• الذهب التركي متعدد العيارات ولكن السائد بالامارات هو عيار 18
• الذهب الايطالي متعدد العيارات ولكن السائد بالامارات هو عيار 18 ويعتبر الافضل
• الذهب الروسي وهو ذو عيارين فريدين عيار 14 وعيار 9 ولا يوجد بالامارات منهم الا القليل
• الوان الذهب السائده بالاسواق
• الذهب الاصفر يكون خالص ولونه الطبيعي عند خروجه من باطن الارض
• الذهب الابيض نوعان الاول يمزج بمادة القصدير او مادة الاديوم ويعطي الذهب لونا ابيض
• اما النوع الثاني وهو الذهب الي يمزج بالبلاتين وبالبلاتين هو عباره عن معدن ابيض اللون وهو اغلى من الذهب ويعد الحينه من السلع العالميه بالتجاره
• ويوجد عدة الوان الاحمر ولاسود ولكن قليله جدا وتكون عيار 18

• اولا سعر الاونصه جرب هالموقع يبين لك الاسعار بدقه (Gold Price)
• ثانيا : ضرب 13.78 ( هذا الرقم ثابت بالحسبه)
• ثالثا : يكون عندك ناتج طبعا هذا الناتج متغير ومرتبط بسعر الاونصه
• رابع تقسم العدد على 116.64 (ثابت)
• الناتج يكون سعر الذهب عيار 24

--------------------------------

• طريقة حساب عيار 22
• اولا سعر الاونصه ( متغير حسب الاسعار العالميه )
• ثانيا تضرب 13.78 (ثابت)
• ثالثا تقسيم 116.64 (ثابت)
• رابع ضرب 0.920(ثابت)
• خامسا يطلع لك الناتج لعيار 22

• طريقة حساب عيار 21
• اولا سعر الاونصه ( متغير حسب الاسعار العالميه )
• ثانيا تضرب 13.78 (ثابت)
• ثالثا تقسيم 116.64 (ثابت)
• رابع ضرب 0.875(ثابت)
• خامسا يطلع لك الناتج لعيار 21

• طريقة حساب عيار 18
• اولا سعر الاونصه ( متغير حسب الاسعار العالميه )
• ثانيا تضرب 13.78 (ثابت)
• ثالثا تقسيم 116.64 (ثابت)
• رابع ضرب 0.750(ثابت)
• خامسا يطلع لك الناتج لعيار 18

بعطيكم مثال بسيط بالصور


سعر الاونصه



نضرب سعر الاونصه ب 13.78 رقم ثابت بالحسبه





116.74 عدد ثابت

الحينه تاخذ سعر الذهب وهم اول اربع ارقام 86.20 مثلا



عشان تطلع سعر عيار 22 تظرب الناتج ب0.920



الحينه طلع لنا سعر عيار 22



عشان نطلع عيار 21 نضرب الناتج ب0.875



الحينه طلع لنا سعر عيار 21



الحينه نضرب الناتج ب 0.750 عشان يطلع لنا عيار 18



هذا هو سعر عيار ال18



------------------------------------------------------------

• اولا سعر الاونصه ( متغير حسب الاسعار العالميه )
• ثانيا ضرب الدولار ( متغير بس بالغالب يكون 3.67)
• ثالثا يطلع سعر الاونصه بالدرهم الاماراتي (متغير)
• رابع تقسم العدد الموجود على حجم الاونصه (31.1) (ثابت)

واظغط على علامة الضرب عشان يطلع لك الناتج صحيح لا تستخدم علامة = لانه بيطلع الناتج بدون كسور بشرحها لكم بالصور وبعلمكم بعض اسرار الحسبه

عقب ماحطينا لكم شرح بالصور بطريقة الحسبه



سعر الاونصه حسب الاسواق العالميه



نضرب سعر الاونصه بالدولار المريكي وهو بعد التحويل الي الدرهم غالبا مايكون (3.678 هذا هذا متغير بناء على سعر الصرف)



الحينه طلع لنا سعر الاونصه بالدرهم الاماراتي



الحينه نقسم الناتج على وزن الاونصه وهو ثابت (31.1)



طلع لنا سعر الذهب بالامارات عيار 24



الحينه عشان نطلع سعر عيار 22 نضرب الناتج ب (0.920)



طلع لنا الناتج وهو سعر عيار 22



الحينه نضرب الناتج ب(0.875) راح يطلع لنا سعر عيار 21



طلع لنا سعر عيار 21



الحينه نضرب الناتج ب(0.750)راح يطلع لنا سعر عيار 18



الحينه طلع لنا سعر عيار 18

• اولا لا تشتري الذهب عيار 18 لانه راح يخسرك وايد لما تبيعه
• ثانيا لا تشتري الاطقم اللي فيها فصوص ( كرستال ) لانها وايد تخسر لما تبيعه والمشتري ماراح يحسب قيمة الكرستال او الفصوص انما راح يحسب بشكل تقديري حجمها وينقصه من حجم الذهب
• ثالثا الابتعاد عن الذهب الابيض لانه يخسر مايفيد ابد طبعا للمستثمرين هالرمسه
• رابعا ابتعدوا قدر الامكان من اختيار الذهب الملون والذهب اللي فيه فصوص كثير لأنها تقلل من قيمة القطعة عند بيعها

• هذا شكل الاونصه ( غالبا)

• هذا شكل السبيكه

• س : ليش سعر الذهب متقلب ؟
• ج : لانه سعر الذهب مرتبط بالنفط كلما ارتفع النفط يرتفع الذهب اذا قل يقل معاه ويعتمد على الدولار بعد اذا ارتفع الدولار يقل سعر الذهب
• س: هل سعر المصنعيه ثابت ؟
• ج : لا مايكون ثابت لانه مافي اي محل بدولة الامارات يقدر يحصي عدد المصنعيات وكل محل يتعامل مع عدة ورش +مصانع فعشان جي مافي اسعار ثابته ابد
• س: كم عدد المصانع بالامارات ؟
• ج : ماشي اي مصنع انما يوجد ورش وهي لداماس وال علي وهذيلا هم الاشهر
• س:ماهي الاساسيه اللتي من خلالها اشتري الذهب ؟
• ج:
• 1 سعر جرام الذهب
• 2 نوع العيار اللي اخترته
• 3 سعر المصنعيه
• س: هل يوجد تلاعب باسعار المصنعيه ؟
• ج نعم يوجد تلاعب وعلى حسب البائع
• س: كيف اعرف العيارات واميز بينهم ؟
• ج : 1 عيار 24 فقط للسبائك
• 2 يكون مكتوب على القطعه 22 او هذا الرقم وهو يعني النقاوه 0.920
• 3 يكون مكتوب على القطعه 21 او هذا الرقم وهو يعني النقاوة 0.875
• 4 يكون مكتوب على القطعه 18 او هذا الرقم وهو يعني النقاوة 0.750
• س : عدد الوان الذهب ؟
• ج: طبعا ذكرت شرح فوق لنوعين وهم السائدات بالامارات ولكن الحينه بقول بالتفصيل
• 1 اصفر هو ذهب خالص ولكن في قليل من النحاس
• 2 احمر ذهب خالص ويوجد فيه كميه اكبر من النحاس
• 3 ابيض ذهب خالص مخلوط فيه مادة الاديوم او البلاتين ومادة الاديوم تكون غالبا للاطقم الي فيها فصوص عشان تمسكها اما مادة البلاتين تكون للطقم الساده والخالي من اي فصوص
• 4 الاسود ذهب خالص ولكن يكون معالج كيميائيا او بالليزر ويكون سحطه مائل للسواد
• س: هل تحسب قيمة الفصوص او الالماس في الاطقم عند الشراء ؟
• ج : اكيد تحسب عند الشراء ولكن عند البيع لا تحسب الفصوص ( الكرستال ) انما الالماس يحسب ويضاف على سعر القطعه

طبعا هذي الاساله انا كنت اسالها التجار اول مادخلت هذا المجال واساله مهمه جدا واللي عنده اي سوال يتفضل

• اولا في الامارات اسعار المصنعيات بين 2 الي 35 درهم
• ثانيا اسعار المصنعيه ثابته انما الفائده هي متغيره من تاجر الي تاجر
• ثالثا يوجد عدد من المحلات لديها ورشه خاصه بصقل واعادة تصنيع الذهب ويقوم ببيعه بمصنعيه عاليه على اساس انها مستورده او من مصانع عالميه
• رابع يعرض صاحب المحل طقم مستعمل على اساس ان جديد وهذا يتعمد على ضمير البائع

من اخر مواضيع العضو: almayed
* (شرح) وضع صورة رمزية
* الموسوعه الكامله (باذن الله ) لتمتلك موقع

khaldoh

روعه ماشالله استفدت اكثر من هالموضوع

من اخر مواضيع العضو: khaldoh
* اطفال المطلقين شو مصيرهم

ولد_الكثيري

جزاك الله خير

من اخر مواضيع العضو: ولد_الكثيري
* فنادق مكه

حمد في فانكوفر

جزاك الله كل خـــــــــــــير أخــوي/ almayed


ارجو من الادارة تثبيت الموضوع
لانه افضل موضوع حاليا ويستحق التثبيت بكل جدارة

من اخر مواضيع العضو: حمد في فانكوفر
* وين اقدر احصل رابط سهل لتنزيل فلم "برزن بريك " الجزء الرابع
* جار البحث عن برنامج ترجمة لنوكيا6110

FRESH

بارك الله فيك اخوي معلومات قيمة

بس عندي سؤالين:

1-شو الافضل شراء سبيكة ولا اونصة؟؟

2-افضل وقت برأيك لشراء الذهب واعادة بيعه؟؟

وتسلم...

FujInvestor

تسلم أخوي المايد على هذا الموضوع القيم

من اخر مواضيع العضو: FujInvestor
* متى سوف يكون يوم عرفة لهذة السنة
* سؤال عن العقيقة
* سكايبي اوت موبايل
* سؤال عن النفيجيتر

sphinx

شراء السبائك افضل
و بالتوفيق للجميع

من اخر مواضيع العضو: sphinx
* تهنئة

almayed

اول شي احب اشكركم على الاراء الجميل
وان شاء الله كنت عند حسن الظن
بخصوص الاخ اللي سال عن الافضل بين السبيكه والاونصه على حسب خبرتي مافي فرق الابالشكل وبالوزن
سبيكه او انصه كلهم احسن من المشغولات الذهبيه للاستثمار
الوقت للشراء انا برايي تنتظر لباجر الاسعار اليوم متذبذبه كل عشر دقايق سعر حسب الاسواق العالميه بس بالاسواق المحليه لدولة الامارات اعتقد مافي اختلاف كثير
اما بخصوص البيع انتظر الين يرتفع عنا الحظر بقوم الاقتصاد من ارقاده يعني شغله شهر الين شهرين مب اكثر
اهم نقطه هي اشتر لكن حط فبالك باجر بينزل السوق الي 700 فلاتتحسف وتقول ياريت وبنفس الوقت يمكن يرتفع لل800 هذا سوق حط الاحتمالين فبالك
والله ولي التوفيق

من اخر مواضيع العضو: almayed
* (شرح) وضع صورة رمزية
* الموسوعه الكامله (باذن الله ) لتمتلك موقع

The Designer

بارك الله فيك فعلا موضوع من ذهب . اريد أسألك لو حبيت اشتري سبائك ذهب من وين تنصحنا نشتري. تقبل تحيتي

من اخر مواضيع العضو: The Designer
* سهرة الخميس
* قلبي والشيطان

almayed

والله ياخوي بخصوص السبائك انا اشتري من راس الخيمه المعذره ماعرف اي محلات خارج راس الخيمه
اذا تحب تشتري من راس الخيمه تواصل معاي وراح اعطيكم اسعارهم لانهم يلعبون لعب اعوذ بالله منه ومثل مايقول المثل ( ان لم تكن ذئب اكلتك الذئاب ) انا امثبت محل مع ان فيه اكثر بس ها انا ماسكه من ايده خخخ عرفت العب عليهم وعطوني بسعر مغري صراحه فايده على ال20 جرام عشرين درهم ارخص مكان بالامارات كلها

من اخر مواضيع العضو: almayed
* (شرح) وضع صورة رمزية
* الموسوعه الكامله (باذن الله ) لتمتلك موقع