ca$h

تحياتي لجميع الاخوان اللي شاركوا فالموضوع ...

بالنسبه للبلد التي سيقام فيه المشروع ،، لو كنت متابع اعلان الشركة عن مشاريعها في سيتي سكيب دبي في اكتوبر الماضي لعرفت البلد !!
اما بالنسبه لمشروع الاردن ،، فهذا المشروع توزع على الاحباب والاقارب قبل ان يرى النور وهو بعده على المخططات ، وبعد الاعلان والدعايات وفتح باب الشراء للجميع ،قله قليله اللي حصلت بعض الوحدات بعد حب خشوم لنفاذ الكميه والاخرين طبعا اللي مالحقوا على توزيع الكيكه و يريدون يشترون، يبيعون عليهم باسعار اعلى مع ( البريميوم ) ، لدرجة ان بعض الاصدقاء والمقربيين حصلوا بدل الفيلا عشرين والبعض اكثر وناس كانت تصارع على شقه وماحصلت ،، هل يعقل ياجماعه كل المشاريع المكونه من الآف الوحدات تباع في ساعات قليله خلال طرحها للبيع في معارض سيتي سكيب ، الا اذا كانت اغلبها مباعه سابقا ومدفوع فقط 5% من السعر وللاحباب شيك مؤجل مافيه مشكله لغاية مايبيع
يااخوان انا لااعيب في الشركة ولا مجلس الادارة ولكن في الطريقه التي تدار فيها الامور وتسريب معلومات مهمه عن الشركه لناس اخرين للاستفاده ولاتنسون ان الشركه فيها سكرتيرات ومستشارين ومحاسبين ومدراء مبيعات مطلعيين على الكثير من الامور في الشركه وبالتالي لابد ان يستفيدو من هذه الفرصه. والسموحه على الاطاله

طارق

السلام عليكم ورحمة الله وبركاته

يا أخي المشروع الوحيد الذي تم الإعلان عنه هو برج في جدة بالسعودية يعني كم مساحة الأرض بتكون ؟؟؟؟ مليوم قدم مربع . لكن هذا يبرر أسلوبك في تضخيم وتهويل الأمور حتى تصل لأهدافك .
هذا الرابط يحمل خبر المشاركة في سيتي سكيب والإعلان عن مشروع جدة :
ط¯ط§ط± ط§ظ„ط®ظ„ظٹظ€ظ€ظ€ظ€ط¬-ط§ظ„ط®ظ„ظٹط¬ ط§ظ„ط§ظ‚طھطµط§ط¯ظٹ-Cityscape-“ظ…ظ†ط§ط²ظ„â€‌ طھظƒط´ظپ ط¹ظ† ظ…ط´ط±ظˆط¹ ظپظٹ ط¬ط¯ط©

بالنسبة لمشروع عمان لو إفترضنا جدلاً إنه كلامك صحيح (وهو أبعد ما يكون عن الحقيقة لأنه أهدافك من كتابة الرد واضحة جداً) يا أخي خلهم يبيعون لعيالهم أو لأنفسهم حتى ولو إنباع المشروع لشخص واحد فقط المهم إنه المشروع إنباع بالكامل وهذا بيختصر جهد ووقت ومصاريف مما ينعكس على زيادة الأرباح ..

وبخصوص أنه (ناس كانت تصارع على شقه وماحصلت) والله هذي شهادة ودعاية قوية للشركة ومدى رغبة الناس في التملك بمشاريعها .

أما بخصوص أنه (كل المشاريع المكونه من الآف الوحدات تباع في ساعات قليله خلال طرحها للبيع في معارض سيتي سكيب) يا أخي شوف إعمار والدار وصروح وتعمير ... ألخ مشاريعها مكونة من آلاف الوحدات وتباع في ساعات قليلة خلال طرحها للبيع ... ولا عندك عيون تشوف وآذان تسمع عن أخبار منازل وبس وباقي الشركات تغض بصرك عنها (وهذا دليل آخر على أهدافك وأهداف غيرك من وراء كتابة الردود)

وآخر فقرة الصراحة ضحكتني (ولاتنسون ان الشركه فيها سكرتيرات ومستشارين ومحاسبين ومدراء مبيعات مطلعيين على الكثير من الامور في الشركه وبالتالي لابد ان يستفيدو من هذه الفرصه) الصراحة معاك حق شركة منازل الوحيدة على مستوى الدولة التي فيها سكرتيرات ومستشارين ومحاسبين ومدراء مبيعات ، أنا للأمانة يعني (هههههه) سألت وتأكدت من إنه شركة إعمار والدار وصروح وكل الشركات المدرجة فالسوقين ، ما فيهم سكرتيرات ولا مستشارين ولا محاسبين ولا مدراء مبيعات مطلعين على أي من الامور في هذه الشركات وبالتالي فلا نجد أي إرتفاع كبير أو إنخفاض كبير لأسهم هذه الشركات قبل صدور أي خبر بثلاثة أو أربعة أيام أو أسبوع .

يا أخي إتقي الله فيما تكتب أنت وغيرك ...

يا إخواني لا تخلون الجشع والطمع والحسد يعمي عيونكم وقلوبكم ...

الله عز وجل ممكن يسامح أي عبد على أي خطأ أو ذنب حتى الكبائر ، إلا حقوق الناس .

إتقوا الله يا أخواني فيما تكتبون .

اللهم إنا نجعلك في نحورهم ونعوذ بك من شرورهم ، اللهم إنا نجعلك في نحورهم ونعوذ بك من شرورهم ، اللهم إنا نجعلك في نحورهم ونعوذ بك من شرورهم ، اللهم إنا نجعلك في نحورهم ونعوذ بك من شرورهم .

حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل ، حسبي الله ونعم الوكيل .

ca$h

اخي العزيز شوي شوي على عمرك ،، هذا نقاش ولا وعض ديني ماخليت ايه ولا حديث ماكتبته الله يهديك .. الموضوع باختصار اختلاف في الراي حول الشركه لا اكثر ،، ليش مسونه حسد وطمع وجشع
وبعدين حسد على شوه كل الشركات ماكله تبن وانته تدري ، بس الكلام والموضوع كان عن منازل ، وانته مقتنع ان فئه قليله تاخذ المشاريع لها ولعيالها والبقيه لا ، ليش الشركه فيها مؤسسين ومساهميين وهم مستثمرين فالشركه ولهم حق في هذه المشاريع ولا تقتصر على فئه معينه ، تدري ان فيه موسسين ماحصلو شي من هذه المشاريع وناس من خارج الشركه واجانب حصلوا وباعوا بدون مايحطون فلس كله على الورق احجز وبيع وانته يالس ،، بعدين ادري ان كل الشركات فيها سكرتيرات وخلافه ولكن القصد اللي انته مافهمته ان في مشاريع مهمه مفروض مايطلع عليها الا المهمين فالشركه واصحاب الثقة حفاظا على مصلحة الشركه مب كل من هب ودب يعرفها فالشركه ويخبر اللي يعرفه ويستغلها لمصلحته
اخيرا فيه مشاريع تم الاعلان عنها ولكن لم يعلن عن تفاصيلها في عدة دول عربيه مثل تونس ومصر ولبنان ولكن الازمه العالميه ستؤجل هذه المشاريع حتى اشعار اخر وهل تعتقد ان الاعلان والتنفيذ يتم في نفس الوقت ،، عنما تخطط الشركه لمشروع تاخذ وقت تدرس المشروع ومكان المشروع والجدوى منه وكل هذا ياخذ وقت خلال هذا الوقت فيه مطلعين على هذه المشاريع ويعرفون بها يستغلون هذه المعلومات بالشراء في نفس المنطقة التي سيقام فيها المشروع وذلك قبل الاعلان عن اقامه المشروع
وشوف انته الاسعار كيف ترتفع في هذه المنطقه بسبب اقامه مشروع فيها وتضطر الشركه الشراء من اصحاب هذه الاراضي وباسعار اعلى وشوف من المستفيد !! فالنهايه نحن نتناقش لتوضيح الامور ليس الا

طارق

يا أخي العزيز حيرتني وياك !!!!! يعني إنت الحين تتكلم عن شركة منازل بشكل خاص ولا عن الشركات العقارية بشكل عام ؟؟؟؟؟؟؟

إذا كنت تتكلم عن شركة منازل بشكل خاص فمشاركتي السابقة هي كافية للرد عليك .

أما إذا كنت تتكلم عن الشركات العقارية بشكل عام ، فأعتقد إنه في كثير مواضيع مطروحة في منتدى الأسهم الإماراتية تتحدث عن الشركات العقارية بشكل عام وشركات عقارية بشكل خاص ... فلماذا دخلت على الموضوع الخاص بشركة منازل في منتدى بيع وشراء الأسهم وبذلت جهد كبير وقضيت وقت طويل للكتابة والرد بشكل مطول ، مع العلم بأنني بحثت في مشاركاتك السابقة ولم أجد أي مشاركة لك تتضمن حديثك عن وضع الشركات العقارية بشكل عام أو خاص ، وحتى ردودك على المواضيع كانت بشكل مختصر إلا الموضوع الخاص بشركة منازل ؟؟؟؟؟؟؟

وعلى هذا الرابط مشاركة لك في موضوع خاص بشركة رأس الخيمة العقارية :

راس الخيمـــــــه العقـــاريــــه ؟؟

ردك على الموضوع كان : اسهم اكتتاب وبدون علاوة اصدار بعد ،، سوق العجب ،، المفروض يمنعون بيع الاسهم تحت قيمتها الاسمية

ليش يا أخي العزيز المفروض يمنعون بيع الأسهم تحت قيمتها الإسمية ؟؟؟؟ ولا عشان عندك أسهم في راس الخيمة العقارية المفروض يمنعون !!!!! ليش ما طرحت نفس وجهة نظرك إللي طرحتها في موضوع شركة منازل ؟؟؟؟؟ ولا شركة راس الخيمة العقارية مستثناه من وجهة نظرك ؟؟؟؟

ومرة ثانية أذكرك أن تتقي الله فيما تكتب .

ca$h

تقوله شرق يقولك غرب ،، الموضوع مطروح من البدايه عن منازل في قسم بيع وشراء الاسهم وماكان الموضوع يتعلق ببيع كميه او شرائها وانما كان موضوع تقييم للشركه فعلى هذا الاساس تمت المشاركه مثل المشاركات الاخرى شي يمدح وشي ينتقد ،،
وانته ليش زعلان من الناس اللي تقول رايها ،، يعني عشان عندك اسهم فالشركه لازم نمدحها ،، وبعدين انا علقت على موضوع راس الخيمه العقاريه كاي واحد ثاني ومومعناته اني اذا قلت لازم يوقفون التداول على الاسهم اللي تحت الدرهم يعني عندي اسهم في راس الخيمه العقاريه ،،كان القصد حمايه المساهميين في هذه الشركات من قبل السوق والهيئه،وعلى مااعتقد ان فيه شركات وقفوا التداول عليها لحمايتها من الانهيار والافلاس وابشرك، لاعندي لا في راس الخيمه العقاريه ولا في منازل
و بعدين اذا انته واثق ومطمن من الشركه شو عليك من القيل والقال !!

الإمارات

الاخ كاش

صدقه طارق انت تركت كل الشركات وقبضت منازل ليش ؟؟؟؟

ودرت الشركات الي فيها امور اكبر ومسكت منازل ؟

واذا ويوم قالك اية قرانيه ليش زعلت ؟؟؟

سبحان الله ناس غريبه واطباع غريبة

اقولك شي خاف من ربك ويوم بتتكلم في هذي الامور تكلم مع دليل واضح وقاطع

ولابتصير غابة ولكل راح ياكل فالثاني

مثل ماسويت حضرتك

حنظل

صدف انكم غريبين، كاش ليش مسكت منازل، الإجابه : لأنه الموضوع عن منازل، الريال ماقال شي غلط، كل الي يقوله صح ابصح، وليييييييييييييييييييييييييييييييييييييييييييييشش يتكلم عن اي شركه ثانية اذا نحن نتحدث عن منازل، انا املك في منازل، وانا عارف انه الكلام الي يقوله صح ابصح، والريال ماقال شي اكبير ، قال انه في تلاعب، بس التلاعب الي قاعد يصير في منازل انحس فيه اكبر مقارنة بحجم مشاريع الشركات العقارية الاخرى، وصدقني موب انا ولا كاش ولاغيري ممكن انه ينزل من قيمة السهم، الشركة مشاريعها جيده، وهي تعد من بين افضل الشركات العقارية، لكن وذكر فان الذكرى تنفع المؤمنين، يعني خلهم اشوي يصلبون اعمارهم بالمختصر المفيد.

طارق

أي شرق وأي غرب اللي إنت تتكلم عنه ...

يا الحبيب إنت قريت إسم الموضوع ولا دشيت بس شفت كلمة منازل ؟؟؟؟

يا الحبيب الموضوع هو : أصحاب منازل دخلو يعني الموضوع خاص بالمساهمين فمنازل بس ...

أنا بالنسبة لي أملك كمية كبيرة في منازل عشان جي مهتم وايد في مواضيعها ....

بس إنت أمرك عجيب ياخي إذا إنت ما عندك أسهم في منازل ليش وايد مهتم ؟؟؟؟؟؟؟؟؟؟ بس أرجوك لا تقولي إنه قلبك يعورك على مساهمينها وتارك كل الشركات الموجودة في الإمارات ....

أرجوك تجاوب على أسئلتي وما تتهرب من الإجابة :

1- الموضوع عنوانه : أصحاب منازل دخلو : شو سر مشاركتك فالموضوع مع أنه العنوان واضح ؟؟؟؟؟؟

2- شو سر إهتمامك الزايد في شركة منازل وإنت ما عندك أسهم فيها ؟؟؟؟؟؟؟

ca$h

اسمحلي يالطيب :
انا ماانتبهت للعنوان انه لاصحاب منازل بس !!
وما فيه سر لمشاركتي ولاشي
كنت اظن انه موضوع موجه للجميع يشاركون فيه وقلت اللي عندي ،، وتحياتي لك ولاصحاب منازل

ضيف

الله يعينكم