الموضوع: حملات للحج الاماراتية ...ولا شي مقارنة بالدول الاخرى

صبح الله بالخير

اسمحولي على العنوان اللي يعور القلب ...بس حبيت اوضح لكم نقطه لازم نتناقش فيها

انا الحمدلله حجيت ويا الوالده وعسى الله يقبل حجنا وما يردنا خائبين ان شاء الله

وطبعا دفعنا مبلغ محترم للحمله .... وما قصروا بصراحه من ناحية الاكل والنوم فقط

ولكن من ناحية المقارنة بالحملات في الدول الاخرى سواءا عربية اول غير عربيه

بصراحه للاسف الحملات الاماراتية ولااااااااااااااااااااا شي

اولا : البعثة الاماراتية او الجناح الاماراتية بمعنى اصح ابعد من باقي الحملات وتبعد عن الجمرات بنحو 3 كيلو

يعني تخيل تمشي امك 3 كيلو ساير و3 كيلو راد

ثانيا : اذا كان المخيم بعيد ليش ما توفر عربات الكلب كار (عربات القولف) اللي موفرها الجناح القطر والكويتي برغم من قرب مخيمهم من الجمرات

ثالثا : عدم وجود حراس فالمخيم(سكريوتي) كل شوي داخل علينا متسولين واغراضنا خلينا فالفندق ما قدرنا ييبها منى خوف من السرقه

رابعا ؛ الوجبات تتاخر (نحن نغسل استعداد للغداء او العشا ...والجناح العماني يغسل بعد ما خلص الوجبه

خامسا : الحمامات مشتركاه مع الجناح العماني يعني لازم توقف فالطابور وقدامك 30 او 40 شخص بالدور

سادسا : سائقي الباصات ما يدلون شي في مكه ولا يعرفون وين سايير وباقي الدول مستاجرين دريوليه من السعوديه (واهل مكه ادرى بشعابها)

سابعا : الخدمات الطبيه صففففففففففففففففففففففففففر .... انا التوى كاحلي وسرت عيادة المخيم الكويتي

ثامنا : فعاليات ومحاضرات ولاااااااااااااااااااااااشي (فيه بعض المتطوعين يحدثون بعد كل صلاه 10 دقايق) فقط

وتعال وقارن مع الجناح السعودي او القطري او الكويتي....ولا اقولك البنقالي والله يا جماعة الخير فرق السما والله

والشخص ما يكلف حتى 7000 درهم عندهم

وعندنا 30 او 50 او حتى 70 الف درهم

وعندنا الحمدلله الخير وايد والامارات تعد من اغنى الدول .... بس للاسف ما في ناس تخطط وما في ناس اطالب بحقوق الدول وحجاج الامارات

قطر دافعه فلوس علشان المكان القريب من الجمرات .... وليش نحن ما ندفع

اخر شي رحت وحجزت ايام التشريق فالجناح السعودية ودفعت 6000 درهم عني وعن الوالده وغرفه خاص لي انا والوالده

اسمحولي يا جماعة الخير وترى الكلام بعده وايد على النتقادات بس ما ابا اطول عليكم

تحياتي للجميع

ياخوي .. يزاك الله خير علاتوضيح ووضع انطباعك
وياليت توجه هالملاحظات مباشرة للمسؤولين عشان يعرفون الناس شو تواجه في السفر
الله المستعان
وتقبل الله طاعاتكم .. وحج مبرور وذنب مغفور ان شاء الله

كلامك 100% صحيح .بس نسيت نقطة اخيرة انه اعلامنا بعد عنده 0% مصداقية....... و يصورون انه كل شي سهل و الكل مستانس و مافي مشاكل !!!!!!!!!!!!!!1

بالعكس تماما ..

الوالدة وأخوي مدحو حملتهم ..

وما قصروا وياهم من محاضرات وأكل واهتمام وأمي تعبت هناك الضغط ارتفع وعلى طول يابولها دكتور والحمد لله من بعد ذاك اليوم ما تعبت ..

وايد وايد كانو مساعدينهم ومهتمين فيهم .. الله يعطيهم العافية


احتماال بعض الحملات مب منظمين ومنسقين عدل ..


وحج مبرور وسعي مشكور وذنب مغفور

يا حاج بيت الله
حج مبرور
وسعي مشكور
وذنب مغفور


احسن الحملات الحملة الكويتية لانهم راقيين في التعامل مع الناس

المشاركة الأصلية كتبت بواسطة emanM

يا حاج بيت الله
حج مبرور
وسعي مشكور
وذنب مغفور


احسن الحملات الحملة الكويتية لانهم راقيين في التعامل مع الناس

نفس الكلام اللي سمعته البارحه واليوم

الحملة الكويتية هم الأفضل ..



مستثمر سابق مأجور إن شاء الله

هذه الامر بخصوص الحملة ولا يختص بلبعثة الرمسية للدولة او باقي حملات الحج


لك الحق برفع شكوى عليهم وذكر البنود الرئيسية


الاكل مشترك مع الجناح الكويتي

عدم وجود خدمات

البعد 3 كيلو


وفي اعتقادي انه يجب ان يكون بينك وبينهم عقد مسبق يوضح هذه الامور ارجع الى اوراقك وسوف تجد كل الامور موضحة وبنا عليها تتخذ الامر الصحيح


ارباب

وانت الصادق
نفس الملاحطات اللي استوت لي شكلت كنت في مخيم 91 عند الشارع اللي مفترشينه الافارقه (الله يهديهم)
ربيعي خذله حمله من السعوديه هو وامه Vvipب9800درهم بس التذاكر عليه وياهم الشيخ محمد العريفي وغيره وغير انهم ساكنييين قرب الجمرات

المفروض من الحجاج اذا عنده اي ملاحظه يتصل في هيئه الاوقاف ولا يعبي الاستبيان في المطار ولا يقول الله يسامح راعي الحمله ولا ما اريد اوهقه لان هذا حقك وعلشان اللي بعدك ما يتلعوز

حج مبرور
وسعي مشكور
وذنب مغفور

شكرا أخوي على ملاحظتك الطيبة لكن الحقيقة مختلفة ...

هالسنة ارتفاع اسعار حملات الحج كانت بسبب التوسعة اليديدة في الحرم مما سبب قلة عدد الفنادق وأماكن للسكن ..

يعني اللي كان يدفع 9000 درهم العام الماضي .. حاليا لازم يدفع 30.000 عشان يحصل نفس الخدمة .. وكل حملة تختلف عن حملة .. وفيه حملات تاخذ 200.000 درهم للشخص الواحد لكن يتم توفير له الآتي:
- تذكرة درجة أولى ذهاب وإياب
- سيارة جمس موديل 2008 مع سائق خاص له ولعائلته
- فندق 5 نجوم قريب من الحرم - أمتار عن الحرم ((المكوث في السعودية))
- 5 وجبات ((بوفيه))
- خيمة مكيفة خاصة له ولعائلته + السائق ((في منى وعرفات ومزدلفة))
- رمي الجمرات وانت يالس بالسيارة ((تحت الارض ويكون خاص للـ Vip))
- الرجوع للفندق والاستعداد للعودة ..

وكل واحد وميزانيته ..

أما بخصوص مقر بعثة الحج الرسمية .. فقد قاموا باستئجار البناية اللي تتكلم عنها أخوي لمدة 5 سنوات .. يعني يوم ترجع الحملة الامارات تكون العمارة خااااالية .. وتبعد 2 كيلو عن الجمرات ((بالاقدام)) وفي منى يكون مقر البعثة بعيد شوي عن الحملات الثانية لكن يتم توفير دراجات نارية و 7 سيارات جمس وتم توزيع أجهزة الووكي تووكي لجميع الحملات لأن ارسال الموبايلات تفصل ويتم التحاور ما بينهم عن طريق هالجهاز ..

والسموووووووحة للجميع ..