حوراء للعطور

انا اول تعامل لي مع tnt بعض مندوبينهم اوكي والبعض الاخر يوصل البضاعه منهااااااره ومتكسره

عقب غيرت حولت الى ارامكس وارامكس ما يهتمون بالكستمر العاديين لانهم يتعاملون مع شركات كبيره وتعاملهم جدا وقح
يتأخرون رغم ان رسوم التوصيل 40 درهم وقمة الاستهبال واذا بنطلع عدة كراتين لشخص واحد ,, يوصل كرتون وعقب فتره يوصل الباقي ليشششش



امبوست صح كان تعاملهم سريع جدا بس المشكله ان يتاخرون عالكستمر اسبوعين وثلاث وانا وايد عانيت من هالشي والكستمر مايخبروني ان الطلبيه متاخره فافر الفاتوره وعقب اتفاجا انها متاخره ولما اتصل الشركه يقولون ماعندنا بياناتج فالسستمر لازم رقم الفاتوره
( ارامكس كل بياناتي فالسستم وبالضبط من والى والمناطق وكل شي )
وبعدين اطرش للكستمر مره ثانيه واتفاجأ يوصلون الاولى والثانيه معاهم
يعني استهبال


وهالشركات ماعندهم سلم واستلم


هوت لاين عندها سلم واستلم وشركه ممتازه بصراحه وايد يتعاملون وياهم
لكن مرات يبخونها ماعرف شو السبب
بس الحلو ان عندهم سلم واستلم ونفس القيمه 25 للي يشترون الفواتير
30 للي ياخذون اقل من 10 فواتير
عيبهم بعض المندوبين يتصلون فالكستمر يقولون ربع ساعه وبكون عندك والكستمر يتريا فوق 5 ساعات ولا من سمع ولا من دري




راك اكسبريس بعطيكم راي فيهم عقب فتره لان اول مره اتعامل وياهم
لكن دوم اطلب من النت وهم يوصلون لي

DXB MARKET

هوت لاين رائعين
اليوم طرشت رقم وعطيتهم اسم الاماراه والمكان بالضبط
بنفس اليوم وصوولوه
طبعها احسن تروحون لين عندهم عشان تعطونهم طلبياتكم

شذى الروح

UaE FoX

اخواني بخصوص شركة هوت لاين .. اشوف اغلبكم يشتكي من نفس الحركة .

انا اتعامل ويا مندوب الشارجه والصراحه ماشاءالله عليه ماعليه كلام.

بس ممكن اتوضحوون المندوب الي تتكلمون عنه مندوب أي إماره بالظبط ؟؟

اتوقع المشكله من نفسية المندوب نفسه مب من الشركه !! ولو كان مندوب امارة معينه هو الي مخرب التوصيل يمكن يكون في مجال انه حد يقدم شكوى عليه للشركة ويمكن يصطلب.

والله يوفقنا اجمعين .

تاجر بوظبي

هوت لاين : تووووبه اتعامل معاااهم ... يطنشون اتصالاتنا ومايردون بسرعه
اول ما يوصل عند البيت يحرق التيلفون ما يقدر ينتظر وهم عادي عندهم يتأخرون بالايام
ويذلون اصلنا لحد ما ييبون بيزاتنا

كلام صيحييييييييييييييييح 100% على فكره كل الزباين اللي خذو من عندي في كل الإمارات نفس الكلام .

الأخ UaE FoX المشكله في الإداره الرئيسيه وبعض المندوبين و أهم إماره عند أي شركه اسألهم بتسمع أن الضغط دائما علي بوظبي والعين فالمشكله في الإداره لو كانت زينه كان غيرت المندوبين التعبانين وكان طرشت المبالغ أول بأول مثل راك اكسبرس بصراحه تعاملهم ممتاز أنا أتكلم عن بوظبي .

من اخر مواضيع العضو: تاجر بوظبي
* عندي مشكله مع نوكيا E66
* خصائص شهر رمضان
* كيف تكسب المرأة زوجها وتجعله خاتم في إصبعها!؟

UaE FoX

اخوي بس كيف نظام شركة راك اكسبرس ؟؟

يعني عندهم كوبونات نفس هوت لاين ولا

وعندهم فرع في الشارجه ؟

ويعني من هالسوالف .. اتمنى حد يقدر يفيدني

ومشكوورين ع التواصل الطيب

تاجر بوظبي

أخوي UaE FoX راك اكسبرس فرعهم الرئيسي في راس الخيمه بس اعتقد بيفتحون في دبي فرع ثاني لكن عندهم توصيل كل مكان وبدون نصب مثل الهوت لاين تشتري كوبونات 25 وإذا بدون كوبون 30 أما راك اكسبرس 25 درهم بدون كوبون و هذا رقمهم 0501967488 والمبالغ توصلك لين عندك من غير ماتتصل فيهم .

من اخر مواضيع العضو: تاجر بوظبي
* عندي مشكله مع نوكيا E66
* خصائص شهر رمضان
* كيف تكسب المرأة زوجها وتجعله خاتم في إصبعها!؟

UaE FoX

مشكور اخوي على سرعة الرد


انزين يعني اذا عندي طلبيات اقدر اتصلبهم والمندوب اييني وياخذ الطلبيات ولا لازم اسير لهم ؟؟

لاني من الشارجه

ومشكوور مره ثانيه ع التواصل والسموحه على كثرة الاسئلة

تاجر بوظبي

أخوي UaE FoX المندوب اييك لين باب البيت الرقم اللي حطيته رقم المسؤول اتصل فيه وكلمه وبيطرشلك مندوب لين عندك وخذ راحتك اخوي في الأسئله .

من اخر مواضيع العضو: تاجر بوظبي
* عندي مشكله مع نوكيا E66
* خصائص شهر رمضان
* كيف تكسب المرأة زوجها وتجعله خاتم في إصبعها!؟

UaE FoX

تسلم اخووي ع الرد السرييع وماقصرت