مرحبا

انا حاليا اتعامل مع ارامكس بس طبعا الدفع مسبق و الاستلام لاحقا و السبب اني قبل كنت اتعامل مع شركات للدفع عند الاستلام من قبل 5 سنوات و ليومكم ها و لله الحمد


بس لا تنسون مب دايما يكون من شركات الشحن الاهمال ترا في بعد زباين لما ما يكونون دافعين ما يفتكرون وايد

بس

انا اشوف الجاد بيدفع قبل و بتشوف هو بيتصل لاسنتلاك الطلب

و انا ولله الحمد اتعامل مع ارامكس و السبب ع الاقل الزبون اذا اتصل يحصل له على موظفين من خدمة العملاء مب مثل شركات ثانية ما عندهم حتى موظف بداله

ها وجهه نظري



مع ان نسبة مبيعاتي قلت بس اشوف الناس بدت تتقبل الفكرة

وانا فاتحة حساب في بنك دبي التجاري

و وبنك الامارات و دبي الوطني و بعد اتحاد البنكين مثل ما اتعرفون و الحين يعتبرون اكبر بنك في الشرق الاوسط المهم وايد مكائن مننشرة في الدولة الزبون يقدر يودع بصورة الية خلال 24 ساعه

ولو الزباين يستخدمون ميزوة التحويل اون لاين من البنك نفسه بيكون اسهل و اوفر بعد

انا اييد سياسة الدفع المسبق لأن الزبون يكون جاااااااااااااااااااد و لما الطلبيات كانت ترجع قبل كنت اتغرم بقيمة التوصيل يعني لا ربح و بعد ادفع التوصيل

و اتمنى اني افدتكم بتجربتي

بنظري وبكل صراحه ...انه شركة الامبوست هي الافضل ..بمجرد انه اطرشون الغرض اليوم وباجر بالكثير ساعه 1 الظهر الطلبيه عند المشتري افضل من المناديب اللي ايي بعد اسبوع او اكثر ومرات اقل يعني مثلا واحد وراه سفره مثلي وصارت معاي مرتين يخلوني أأجل السفر مرتين بسببهم وعاد نصبر عليهم ايام لين ايييون ومن يوصلون مايستحملون يتريون المشتري يوصل لهم لمدة خمس دقايق تلقونهم حارقين التلفون كل شوي ها يالطيب وينك وصارت وايد يعني نحن ننذل ونتريا بين 3 ايام والاسبوع عادي وهم مايقدرون يتريونا 5 دقايق اما الامبوست تقولهم اليوم مابقدر اييكم باجر بستلم يقولون حياك باي وقت بس لمدة اسبوع وبعدها ترجع البضاعه للبايع

وبخصوص الدفع انا افضل بالاول نص وبعد الاستلام نص حتى يضمن حقه لانه في بعض اللي ينصب يستلم المبلغ ويتهرب بحجة انه الطلبيه من برع البلاد ومن هالرمسه ... وبعد يوم المشتري ينصدم انه تنباع نفس السلعه وبالمكان الفلاني وبسعر اقل حتى .,.

السلام عليكم ورحمه الله وبركاته

أنا بصراحه جربت كذا شركه كل واحد يتميز بشيئ من ناحية السرعه أو من ناحية الأمانه أو من ناحية التعامل .
بس هي شركه وحده ما شفت منها لا سرعه ولا معامله طيبه ولا دقه ( الهوت لاين ) هذا الكلا من باب التجربه الشخصيه شركه نظامها صفر على الشمال.

بصراحة اشكر كل الي شاركو في رايهم عن الشركات وطرح مشاكلهم وانا بصراحة لم اتعامل الا مع شركة امبوست ممتازين . وبصراحة استفدت كثيرا منكم

يسلموووووو

كلهم مخاوين شمه خخخخخخخخخخخخخخ

انا اتعامل الحين ويا شركة اسمها الانطلاق
شغلهم حلو وممتاز واحيانا يوصلون البضاعة نفس اليوم لو كان الزبون في نفس المنطقة

وقلت بفيدكم هذا رقم المحاسب اللي ينسق الطلبيات

0508270443

راك اكسبريس
25 درهم

انا مش تجار بس زبون لجميع الشركات ...ما شالله المنتدى بالنسبة لي سوبرماركت كبير وتعاملت مع جميع الشركات ...

احسن وحدة الارامكس والامبوست ...الارامكس يرسلون لي البضايع الصغيرة ب 14 درهم والكبيرة شوي ب 24 درهم وهذا ارخص شي بالسوق ...والحلو انهم دقيقين جدا في المواعيد ..يقول باجر الظهر ...يوصل في نفس الموعد ...

الامبوست بعد جيدين وما حصل منهم تأخير ...

ايليت: اتعس شركة تعملت وياها وسويت بلوك عليهم ...ياخذون 35 درهم للتوصل بعد يوم ...لكنهم تأخروا اسبوع كامل وانا اللى حاشر نفسي اتصل بالمندوب ويذلني بعد يقول الساعة كذا بوصل وما يوصل عقب يقول باجر وعقب يقول واحد ثاني اخذ الطلبية والشركة ما نفع وياها الشكوى ...

هوت لاين : بعض المندوبين عبط بصراحه ...واحد منهم استبهل علي واخذ 30 درهم للتوصل مع ان المبلغ هو 25 درهم واتصلت بالشركة وهزأتهم وهزأت الشخص وخليت يرجع البيت ويرجع ال5 دراهم اللى سرقها بس حسافة رجع وانا في الدوام ولا كنت بدوس في بطنه .... هذا واحد ...وفيه غير يتصلون وياخذون العنوان ويقولون بكره بنوصل لك البضاعة ويختفي 3 او 4 ايام ويتصل في وقت غلط مثلا يوم الاجازة يتصل الساعة 8 الصبح ....ياخي وقت الدوام ما تتصلون الا الظهر ...ما تعرفون الا الصبح وقت الاجازة ....ويوم ترجع تتصل فيه يقول انا بعيد الحين باجر بتصل ولا تسمع منه خبر الا بعد اسبوع ويعيد الكره ....مع اني اطرش لهم خريطة البيت بالصور على التلفون ...والاغلبية ماشالله يوصلون بدون ما يتصلون مرة ثانية ....

هذا اللى عندي من وجهة نظري كزيون في سوبر ماركت منتدى الامارات