مراحب بالاخوان

ابا اعرف ليش التنظيم العقاري اشوفه دائما يساند الشركات وما احسهم يهتموا في المصلحة اتلعامة

وثاني شي هل التنظيم العقاري تابع لحكومة عجمان حقا؟؟ لان الغالبين العطمى من موظفيه زلمات حتى المدير

وبما ان شركة سوان كنسلت برج كمفورت تقريبا- فبإذن الله مابيتوفقوا في سكاي

الله يعين احس ان نحن مظلومين ومب قادرين نسوي شي يعني انشوف نصب غالب الشركات العقارية عيني عينك والكل يعلم وحكومة عجمان وغيرها الي هي مسؤلة عن مراقبة هالشي لا تحرك ساكن بالعكس المشوار الي تتعنى عسب اتسيرلهم خسارة ع الفاضي- لو الوضع كان في دولة اوروبية بتشوف الامور تنحل بسرعة بس بعض المسؤلن عندنا مايراكض في شي الا اذا هو خسر من جيبه الخاص او حد من اهله

الله يستر ويوفق حكامنا ويحفظ بلادنا وشعبها والسموحة

اخوي حتى لو المشاريع اتكنسلت لا تتوقع انه الشركة بتتصلبك و بتقول تعال خد فلوسك
مدير الشركة قالها باللفم المليان ( نحن ما انرجع فلوس لحد من غير ما نخصم ال 10% من السعر الاجمالي ) سواء انت كنسلت العقد او نحن كنسلنا.. اصلا ها المخلوق اتجرأ و قال هالكلام لانه يعرف انه التنظيم العقاري في جيبه
انا عني شخصيا بشتكي عن طريق المحكمه و مع احترامي للاخوان بس انا مستغرب انهم قاعدين ينتظرون الشركة تبدا فالبناء !!! يعني كل حد فينا يعرف انه التملك الحر في عجمان صفقات فاشله..والله انا البارحه مريت ع موقع البناء فالمرموقه و طبعا مافي شي او اني انا عمي وما اشوف..البنايات الفاضيه داخل عجمان صارلها كم سنه واقفه و نحن يالسين نتريا كمفورت و سكاي يعني منو العاقل اللي بيسكن فالمرموقه في الخلا و بيودر البنايات داخل عجمان واللي كل شي قريب منها...اللي اقصده من كلامي انه خلونا على كلمه وحده و نسترد المبالغ بأي طريقه لانه بنخسر اكثر لو استمرينا وياهم
و السموحه منكم

يا متضررين الراشد للعقارات و المرموقه و متضرري عجمان ((شركة R Holding) التي هي ملك الشيخ راشد حاكم عجمان تستبدل شققكم بعجمان بشقق بمدينة الامارات مبنيه الي الدور العشرين مثلا و المشروع ماش و يستكمل البناء فيه و مسجل في هيئة التنظيم العقاري و لهم حساب ضمان ..و سعر القدم المربع 430 درهم ..فمن يريد الاستفاده فليذهب و يدفع نفس طريقة الدفع مع شركته القديمه و لكن أولا تسدد ما المستحقات المتاخره و الاقساط المتأخره و لن يقبل بغير ذللك ... لحد هذا الكلام فانه جميل....!!!!

للأمانه أنا بس شاكك في شيء لاني ذهبت هناك ..

قست المساحات من الرسومات للشقه الي اعطوني اياها و المساحه الي بيحسبو عليها لقيت في فرق ممكن 200-150قدم بالنسبه لي ... يعني تقريبا 70000درهم و هو المبلغ الي دفعته ..و اعتقد ان هذه الطريقه في كل شركات الاستبدال ...خلي بالكو ... أنا فهمت دلوقتي اللعبه ...مفيش حد يهمه غير مصلحته طبعا ..حتي و لو شركة الحاكم نفسه....يعني ضربين مساحات و المبلغ الي انت دفعتو لشركتك القديمه ما بيحطوه في حسابتهم أصلا ..يعني جت جت ماجاتش أحنا واخدين حقنا ((ده كلامهم طبعا )))...خلي بالكو يا جماعه ..و لو حد عرف حاجه ثانيه يبقي يقول لنا

والله فكرة حلو-- خلاص من اليوم بسير ادرب حديد- ههه

واللله يا اخوان انها فكرة جيدة نتجمع نحن المتضررين من سكايوكمفورت ولو في مجال نييب متضررين الراشد وفي نفس الوقت انييب حد من الاعلام جريدة الخليج والامارات اليوم-بيحضرون اذا اعلمناهم

وصدقوني - بتنحل انشاء الله يوم العالم والمسؤلين بيشوفون الي صاير

اخونا عين يافع - نود تسليمك الدفعة لقيادتنا

السلام عليكم شباب و يعطيييييكم الف عافية على جهوودكم و اخص اخوي عين يافع على مجهووده المهم احنا مجموعة من المواطنيين البسطاء اللي نصبووا علينا في سكاي تاور و كالعادة كل ما تتصل يقولوون لك حظك يوم اشتريت سكاي موب اي مكان و كان سكاي تاور يتربع على شاطي الراحة الحيين و جريب يخلص المهم تعبنا من الاتصالات و ماشي فايدة اعتقد الاعلام هالايام شفاف للغاية واحنا وياكم و بحاول اوصل الرسالة لكل الشباب اللي اشتروا في هالعثرة ,,,,,للاسف صرنا كعكة كل حد ياكل منها و يفللللللللللللللللللللل


الله المستعان و احنا متحمسميييييييين لاثارة الموضوع كفاية قهر,,,,,, ومثل مايقوول المثل متعلق ولا طايح مووووووووووولية

الصراحه السالفه طالت وايد يعنني نحن دافعين الحين 30% وبعدهم ما بنوا

اول اعذارهم كانت حساب الضمان قلنا اوكي بنصبر
خلص حساب الضمان قالو مخط البرج بعده في البلديه بعد قلنا اوكي بنصبر
خلصت رخصة البنا قالو في اشوية مشاكل مع المقاول قلنا اوكي بنصبر
خلت المشاكل مع المقاول قالو في مشاكل مع الارض بخصوص جيكات مب مدفوعه انززززين بعدها شو عذرهم

انا اتوقع بعدها ماشي اعذار بينكشفون

الجماعه يالسين يماطلون اكثر مده ممكنه عشان ياخذون اكثر مبلغ ممكن

وعلى فكره انا اتصلت بمهندس وياهم في المشروع قلت له ياخي وايد اتاخرتو في البنا هل بتقدرون اتخلصونه 2012 قالي ولا 2020 واصلا مافي برج
"وشهد شاهدا من اهلها "


حسبي الله وونعم الوكيل

أنا أقووول جمعوا اكبر مجمووعه للمتضررين..

واتفقوا انكم اتروحون لهم يوم واحد..ومعاكم صحفي...

وبأسوء الاحوال اذا ما طلع حقكم...على الاقل بيطلع قهركم وبتكتب سالفتكم بالجريده وممكن تكبر السالفة أكبر ويطلع حد من حكامنا الكراام ويحل المشكلة..


والله لو الاجانب والهنوود كا بيسوونها ..بس احنا دوووم نتهااايز...

الله يعينكم ويفرج همكم..

عندي نصيحة أخرى وبسيطة..

اللي قاله المطور يقدر يسترجع امواله بعد خصم 30 % اذا كنسل العقد..

يخلص الموضووع بأسرع وقت..

لأن أهم شي الواحد سيترجع ولو جزء من فلوووسه دام ان الموضووووع معلق وقابل للنصب والهروب في اي لحظة...

او يحول المشروع لمشروع ثاني حقيقي وشغالين حتى لو دفع زيادة(هذا بالنسبة للي دافع مبالغ كبيرة)...أهم شي ما يخسر المبلغ كامل..


وموفقين ان شاء الله..

الله يوفقكم