السلام عليكم ورحمة الله

شباب انا عندي استفسار بخصوص برج سكاي تاور الي بمدينة المرموقة على شارع الامارات بامارة عجمان

الي لاحظته انهم لين الحين ما بدأو بالانشاء .. اللهم انهم حاطين سور حديدي بس عسب يحددون مكان البرج وغير هذا ماشي ...

وصارلي تقريبا 6 شهور اسألهم متى بيبدون يقولون الشهر الياي ... ولين الحين بعدهم ما بدوا ... مع العلم اني دافع لهم 110.000 والي هي 3 دفعات كل دفعه 5% من قيمة الشقة

اتمنى من الي ماخذين شقق بهالبرج يردون علي عسب اعرف وين وصلت له الامور ... وحتى نقدر نتجمع ونوكل محامي يرد لنا بيزاتنا اذا كانوا ما بيبدون بالمشروع .... لانا بهالحالة متعلقين ... لا انا لقينا بيزاتنا ولا انا حصلنا شقة

والسموحة على الاطالة وبانتظار ردودكم

ان شاء الله حد من الشباب يرد عنك وربنا يوفقك ان شاء الله

الله يعوض عليك ياخوي

انا نفس الشي اتصل بهم من العام كل يوم يقولون الشهر الياي..

يالله حط محامي وانا معاك

السلام عليكم ورحمة الله وبركاته ،،،






نفس الحالة وياكم أنا ماخذ شقة في هالمشروع والمشكلة أنهم لين الحينة ما بدوا بالمشروع
والقهر أنهم مطرشيلي صور الموقع وهم حاطين اللوايح والسور عالإيميل أكثر من شهرين
ولين الحينه ما زادوا شي في الموقع ولا أنهم بدوا بأعمال البناء




بس أنا زرتهم في مكتبهم اللي في أبوظبي وتلاقيت مع موظفة وقالت لي كلام ما يدخل العقل
( أونه حكومة عجمان ضمت كافة مشاريع قرية المرموقة تحت تصرفها )
وقالت لي كلام ما يسر لا عدو ولا صديق ....

وما أدري شو الحل
الصراحه أنا زهقت منهم وأريد أرد فلوسي

الله يساعدكم على مشكلتكم

السلام عليكم ورحمة الله وبركاته
بالنسبة للمشروع اعتقد انه طار فوق الريح لان صاحب المشروع مسافر منذ فترة طويلة و لم يعد واعتقد انه لن يعود واما بالنسبة للتراخيص المطلوبة للبناء فهم لحد الان لم يحصلوا عليها و لو لاحظتم اللوحة الموجودة في الموقع لا يوجد عليها رقم الرخصة لانهم اصلا لم يدفعوا لبلدية عجمان تكاليف الرخصة لانهم لا يملكون المبلغ المطلوب و العملية صارت مضيعة وقت و المسؤليين الان خارج الامارات ولا يوجد سوى موظفين ثانويين لا علاقة لهم بالموضوع انا اعتقد ان استرجاع النقود الان غير ممكن لان الشركة لا تملك اي شيء الان
انا متاكد من كلامي و من يريد التاكد يذهب الى موقع البرج و ان شاهد رقم رخصة على اللوحة انا مستعد ان اعطيه ما يريد عقابا لي

الله يعينكم

واذا ضاع حقكم ترا عند الله مافي شي يضيع

لو المشروع تابع للهارب عمران خان فاتوقع انكم تنسوون الموضوع او اتشوفون محامي يتابع موضوعكم ...

الله يعوض عليكم ويكون بعونكم

منو المطور لمدينة حميد؟؟