السلام عليكم جميعا....بغيت رايكم لأني مب عارف شو اسوي الموضوع بأختصار عندي مكتب وساطه عقاريه جاهز من كل شي اجاره رخيص 24000 وموقعه في بنايه المصلي مول في بر دبي ما اشتغل ولا عليه اي موظف سويت المكتب علي اساس في مستثمر هندي اجتمعت وياه وحسب ماعرفت انه يمثل شركه عقاريه كبيره في الهند ويبغون مكتب وساطه عقاريه في دبي اتفقنا علي التفاصيل وسافر الهند ايرتب اموره وبعد ثلاثة اشهر اتصل يعتذر لأنه صارت ازمه عندهم . الحين شو الرأي اخواني هل ابيعه واذا بعته بكم او اشتغل في هذا المجال بس المشكله ماعندي خبره في الوساطه العقاريه المكتب بصراحه كموقع مايتفوت . ارجو انكم ماتبخلون علي بارائكم والشكر مقدما للجميع.

للرفع..........

اذا ما عندك خبرة , بيعه و فك عمرك من الصدعة

حط اعلان مكتب للايجار واجره على اي شخص يدور هالنشاط افضلك ..

السلام عليكم ورحمة الله وبركاته

مرحبا أخوى على

أخوى على لو انت متفرغ ممكن تستعين بشخص لديه خبرة فى هذا المجال... طبعا للعمل
شرط ان تداوم معه دوام كامل وان شاء الله سوف تكتسب الخبرة فى مدة قصيرة وهذا المجال ان شاء الله يكون خير حتى فى ظل الازمة

أو تعرضه للايجار فى حال عدم تفرغك

مع تمنياتى لك بالتوفيق