أبغي فزعتكم يالربع وتعطوني أفكار لمشرووع يديد ويعتمد عالمهارة ( يعني مثل تنسيق الورود..المساج ...الخ)
لأن معظم المحلات اللي عندنا محلات عبي ومطاعم
وراس المال بيكون بحدود 200 ألف
وشكرا

للرفع,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,

حياك الله اخي العزيز

المساج يدخل فيه محاذير شريعة
فالواحد احسن يبتعد عنه

بس بتى نصيحتي
انزل في السوق
وفكر وتأمل
في منتج مثلا او مشروع ما موجود في السوق
ربما مواد غذائية كثير وكذلك ملابس و و و
ولكن فكر في شيء لا يوجد في السوق
ومدى ربحيته
مع قدرتك المالية

في اي امارة

في اي إمارة؟؟؟؟

مشكورين عالردود
والمشروع ناوي أفتحه بخورفكان

عندي لك مشروع صغير مايباله مهارة يباله راس مال معقول وسيارة بيك اب وعامليين اثنين ومستودع المشروع اذا ماسويته اتمنى اي واحد من من الشباب المواطنين ايسويه على فكرة انا بغيت اسوي المشروع لكن الظروف ما سمحت وثانيا انا من دبي والمشروع يصلح في خورفكان او الفجيرة .

المهم المشروع عباره عن تأجير مستلزمات الرحلات مثل الخيام وغيرها بتوفر على ناس وايد وانته بتستفيد ,
وان شاء الله يوفق اللي بيسويه ويدعيلي .

مشكوور أخووي..
بصراحة فكرت بالمشروع بس ربيعي نفذ المشروع ويقول المشروع مربح بس مشكله وحده فيه واللي هي ان المشروع موسمي..
يعني غير أوقات الإجازات مايمشي

صحيح انه موسمي بس الموسم مب قصير على ما اظن انه يوصل الى 6 اشهر ومادام واحد من الأخوة مسوي المشروع من قلبي اتمناله التوفيق
ويا ريت اتخبره ان يعلن بطرق مناسبة بالعربي و الإنجليزي لأنه كثير من الأجانب بيستخدمون هالخدمة وبالتوفيق لك وللاخوه جميعا .

بالتوفيق والافكار الله يعينك ما عندي والله