kalidad

موضوع يستحق الطرح
انا من رأيي انه يرسله عالخاص ويتفاهم معاه يكون افضل أو انه يتصل به تلفون
بس المشكلة للي يطلبون اسعار خياليه
واللي يمدحون السيارة اكثر من اللازم وتطلع في الاخير السيارة فيها عيب

من اخر مواضيع العضو: kalidad
* دليل المسافر عن طريق البر

ريكوبا

اشكرك على التنبيه على هذي النقطة
واذا اي شخص عندك راي ثاني ويشوف سعرها مرتفع او....... الخ ,يراسل صاحب السلعه على الخاص.

crower4

بارك الله فيكم على طرح هذا الموضوع

يا اخوان يرجى الانتباه من موضوع تقيم السيارات

واتمنى من اي واحد يقيم سيارته يكون عارف السوق على الاقل مب ايي واحد ثاني ويقيم له السيارة تقيم غير صحيح

مثال سيارته ما تسوااا 20 ايي واحد ويقوله 50 الف بعد فتره اتشوف الريال عارض 40 الف يقول ما بطمع

انزين هذاك قص علييييك في التقيم ...!!!

وتلقى واحد خاطره يشتري السيارة ويقوله نقص نقص والله انها غاليه وايي واحد ثاني سوسه يقوله صح تسوا 35 الف لا تستعيل في البيعه ويقول حق الثاني لا

تبخس سعر الريال

دمر على البائع وعلى الي في خاطره السيارة

ياليت كل واحد يقيم سيارته بنفسه ويحط سعره هذا اهم شي اشوفه ويناقش السعر مع الاخرين

وشكرا

RFID

مشكور ع القرار المناسب

لكن سؤال هل يشمل الرسايل الخاصه ؟

alfaris

العفو طال عمرك وهذا لمصلحة الجميع،

لا يا أخوي، ما يشملها، لأن الرسائل الخاصة بين البائع والمشتري، وهذا عرض وطلب،

وحتى لو أضاف السعر اللي هو يناسبه وبيلتزم به وبيشتري فيه على العام ما فيها شيء،

لكن بشرط انه يكون مقارب وفي حدود المعقول ( يعني نسبة وتناسب مع السعر المعروض )

الهدف من الموضوع الله يسلمك انه ما يي فلان من الناس ويقول: غاليه والا ما تسوى والا فلان عارض سيارته بكذا ألخ ..........

او بمعنى آخر تجنب ( الرأي العام )، لأن السلعة هنا معروضة للبيع وليست للتقيم عشان يي كل واحد ويبدي وجهة نظره في السلعة المعروضة ويتفلسف فيها حسب مزاجه وهواه، ومن منظوره الخاص

اتمنى تكون الفكرة واضحة

__________________

توقيع alfaris

بابيرو

احب اشكر اخوي الفارس على اهتمامه بمشاكل القسم وطرح هالمشكله القديمه المتجدده.

لاحظو ان بعض الشباب ينظر للمنتدى على انه مهرب من غلا السوق, و(الاخوان لازم يتعاونون)
ومن الجهه الاخرى اغلب التجار فالمنتدى بكل بساطه همه الربح اكثر من بناء علاقات وتوسيع شبكه عملائه. (ومن حقه هو واختياره)

عن نفسي احس بصعوبه اني اعرض سياره فالمنتدى مثلا سعرها فالسوق 100 الف خوفا من حد يقول( اخوي اذا بتبيع 25 الف راسلني)

لا بعد يقولك( اخوي لا تزعل) يعني يعرف انها وقاحه منه. والله قهر. يعني ودك ترد عليه بكلام ترشك الاداره ب باند 6 شهور. وعروضه المعفنه مع اعحترامي في اغلب موضوعات البيع بتحصلها, ماعنده شغله ولا يخصه فالسيارات غير هالعروض البايخه.

ياخي ماطلبت منك تقيم سيارتي ولا اريد منك عرض اسعار. وتكون انته عارض سياره والله ورده ونظيفه ومافيها شي.

Connected

الف شكر لك مشرفنا العزيز على القرار المناسب
شـكــ وبارك الله فيك ـــرا لك ... لك مني أجمل تحية .

الغدير

شـكــ وبارك الله فيك ـــرا لك ... لك مني أجمل تحية .

شاعردبي

السلام عليكم ... انا مع اخونا المشرف... كل شخص ادرى بسلعته والمفروض ان الانسان يقول كلمة خير او يسكت وما في شخص هالايام ما يعرف باسعار السيارات..واللي بيشتري عن غباء يتحمل مسؤولية افعاله.. المفروض المشتري يسأل عن السلعه ويفحصها قبل ما يدفع فلوسه ..

alzeer

بسم الله الرحمن الرحيم
السلام عليكم ورحمة الله وبركاته
مبين عندك