خوي الموضوع طويل و إن شاء الله توصل المعلومة
الفرق بين المراوح (الرفاسات)
من أهم النقاط اللي يدور حولها هذا الموضوع هو ايجاد المقاس المناسب للمروحة (الرفاس) مكينة طرادك..
طبعا الكل يعرف أنه مصنعية كل مكينة يأتي معاها شروط للوصول بأداء المكينة الى أنسب أداء .. مثل الضغط المسموح او أعلى ضغط للمكينة يسمح به .. RPM
والمروحة (الرفاس) المناسبة لقاربك هي التي تسمح للضغط بالوصول الى الحد المسموح بالضبط
يعني .. اذا المصنع يقول مكينتك هذي تأدي أداءها كامل عند ضغط خمسة و نص بالضبط
يعني اذا القارب ماشي بأقصى دفع له .. عداد الضغط هذا لازم يكون حده خمسة ونص.. و شلون ممكن تزيد او تقلل من ضغط المكينة؟ طبعا عن طريق تبديل المروحة (الرفاس) بقياس اكبر او اصغر..
وهذه النقاط الأهم اللي يجب معرفتها عند استبدال المروحة (الرفاس) بمقاس آخر:
- زيادة انش بقياس المروحة (الرفاس) يؤدي الى خفض عداد الضغط من واحد الى واحد ونص.. يعني اذا كان حد الدوسه يوصل 6 الضغط معناته راح يصير بين الأربعه ونص , والخمسة
- تقليل المقاس انش واحد راح يزيد الضغط من واحد الى واحد ونص..
- اذا بتحول مروحتك (الرفاس) الى مروحة من 4 ريش .. راح يقل الضغط نص او واحد ..
والقياس اللي تكلمنا عنه و بنزيد او انقصه انش المروحة (الرفاس) هذا ليس قياس قطر المروحة (الرفاس)
هذا قياس ال pitch .. درجة انحدار او ميل وهو المسافة اللي تقطعها المروحة (الرفاس) خلال دورة واحدة كاملة.. ونقدر نتخيلها بهالطريقة .. نعتبر الpitch هذي هي السرعة
أي عادة كلما كبرت قيمة pitch المروحة (الرفاس) التي يستطيع المحرك لفها .. كلما كانت سرعة الطراد أكبر ..
- الفرق بين المروحة (الرفاس) الستيل و البروانة الألمنيوم:
معظم المكائن تأتي عليها مروحة (الرفاس) ألمنيوم راكبة من المصنع.. وهذي المروحة (الرفاس) الألمنيوم تكلفتها قليلة مقارنة مع الستيل و سهلة الفك والتركيب والصيانة وأداءها بوجه عام تقدر تقول جيد من كل النواحي ..
المروحة (الرفاس) الستيل أقوى على ا لأقل خمس مرات من الألمنيوم .. يعني قدرتها على تحمل اي مشكلة تحت الماء أفضل.. يعني تمر على خراب او عدة او شي فيه وزن وطافح ما يكسر ريشها بسهولة ..
- الفرق بين الثلاث ريش و الأربع ريش: المروحة (الرفاس) ذات الثلاث ريش جيدة للاستعمال عامة وقد تكون سرعتها غالبا اسرع من الأربع ريش.. يعني القارب يكون أسرع اذا مروحته (الرفاس) من ثلاث ريش.. و لكن المروحة (الرفاس) ذات الأربع ريش:
--- تساعد القارب انه يقط صدره أسرع بكثير.
--- على سرعات متوسطة القارب ماخذ خطه مضبوط وقاط صدره و أركد.
--- على نفس الضغط مقارنة مع الثلاث ريش و ضغط متوسط مو حد الدوسة .. سرعتك تكون اكبر.
--- يفز القارب و قومته اسرع بوايد من الثلاث ريش.
--- لها قدرة تثبيت للقارب أفضل من الثلاث ريش و يبين معاك بالموي العالي.
--- ما تبوش بره الماي اذا لفيت بسرعة الا نادرا مو مثل الثلاث ريش.
--- بالسرعات المنخفضة تقدملك قيادة ممتازة و راكده وتحكم أكثر بالسكان.
--- اذا قاربك كان يقط 45 ميل كسرعه قصوى .. راح يطيح مشيه على الأقل يصير 43
منقول
الرفاس: يعني بليدة أو ريشة المروحة
و السموحة عالتأخير
اخر المواضيع : 
08-09-2009, 11:04 AM
استفسار من اهل الخبره
