السلام عليكم

الرجاء من الاخوان ان يفيدونا - جزاكم الله الف خير

من هو اقل بنك اسلامى في نسبة المرابحة السيارة بدون تحويل راتب ؟؟؟!؟

شكرا

السلام عليكم اخوي ...

(( كل البنوك الاسلاميه نسب مرابحتها متقاربه جدا وهي بين 4 الى 5 ونص ) في اغلب البنوك في حال عدم تحويل الراتب .. وهالنسبه ما راح تفرق وياك وايد في الاستقطاع الشهري .. لانها بتكون بالعشور او بالكثير باقل من 200 لة تكلمنا عن سياره قيمتها مرتفعه ...


من وجهة نظري الشخصيه ... الاهم من النسبه هو الخدمات المضافه والتسهيلات في البنك نفسه اللي بتتعامل معاه ..

من امثلة الخدمات :

- كم فترة السماح قبل البدء باول قسط ( شي بنوك من اول شهر .. وشي بنوك خلال 45 يوم . وشي بنوك تعطيك 3 شهور )

- الحد الاعلى للتمويل .. شي بنوك اسلاميه حتى لو معاشك ينزل عندها ما يمولون لك سياره اغلى من 250 الف .. وشي بنوك توصل لل350 الف لو الراتب ما يتحول ..ويوصل لك لين 700 الف لو راتبك محول عنده..

- كم قسط يحق لك تأجيله في كل سنه ( طبعا التأجيل في البنوك الاسلاميه ماعليه فوايد ) ( شي بنوك قسطين بس في مدة التمويل كله ...يعني ..مثلا قسطين في 4 سنوات بس ...شي بنوك كل سنه تأجل لك قسطين .. شي بنوك 3 اقساط .. وشي بنوك تأجل لك بس في شهر الاعياد )

- سهولة التعامل والخدمات المرتبطه في البنك على جدام . مثل :

* العروض المضافه على القرض : بطاقة ائتمان مجانا .. تسجيل في برنامج تكافلي ..الخ
* خدمة العملاء سواء بالاتصال او في الحضور في البنك.. سعة انتشار الفروع وقربها منك.
* استصدار اوراق خاصه بالقرض : براء الذمه - شهادة مديونيه ..شي بنوك تعطيك اياه بلاش وشي بنوك تاخذ عالشهاده الوحده 500 درهم !!
* الدفع المبكر ... شي بنوك لو بتدفعها دفع مبكر ماياخذون عنك نسبة من الارباح المتبقيه

تقدر تتصل في البنوك الاسلاميه المعروفه وتسألهم عن هالاشيا وتقرر على حسب احتياجاتك وتوكل على الله

شكرااااا اخوي

هلا اخوي

انا طلعت موتر من بنك اسلامي..
شفت الويل..شهر كاااامل..لين ما استلمته ..
والله هلكت..

تبا نصيحتي..عليك مصرف بوظبي الاسلامي..<شكلك فهمت منو اطري لوول>

والله البنك اللي تعاملت وياه ..على خبرته وعمره لكن والله كنت اسبهم وانا استلهم السيارة وادعي عليهم..

مصرف بوظبي الاسلامي

الهلال

نور الاسلامي

* الدفع المبكر ... شي بنوك لو بتدفعها دفع مبكر ماياخذون عنك نسبة من الارباح المتبقيه


اي بنك ماياخذ ارباح في حالة الدفع المبكر ؟

يعني اذا بمول لمده 3 شهور قول في حدود ال 500 الف .. وبعد 3 شهور بدفعلهم كاش .. بيشلون الفوايد ؟

بسم الله الرحمن الرحيم

3.95 % مصرف عجمان

بوغلا

نصيحتي

مصرف عجمان اقل نسبه وشروط حلوه

اليديد3.99
المستعمل 4.5

اتصل على هالرقم 0503666506 اسمه سيف بيخلص كل شي لك قوله من طرف أنس

مصرف عجمان بدون تحويل الراتب النسبة >>>>>>>>>> 4.75%

أبو ظبي الإسلامي بدون تحويل الراتب النسبة >>>>>>> 4.5%

بنك دبي الإسلامي بدون تحويل الراتب >>>>>>>>>>> ولا تحلم تمول من عندهم

مصرف بوظبي الاسلامي

تعامل طيب + خدمات + سرعة الشراء + ما ياخذون ارباح في الدفع المبكر + نسبة معقوله + تاجيل القسط بدون فوايد + واذا صادف العيد رواحهم يتصلون فيك تبى تاجل ولا لا عشان ما تتوهق في مصاريف العيد+ خدمة البرق بالتيلفون تدفع فواتيرك (اتصالات -كهرباء وماء-وغيره) وتحويل اموال بين حساباتك ولا حساب حد عندك فالمصرف وخدمات ثانية ما اعرفها

وانا اتكلم عن تجربة

ويقولون مصرف الهلال زين بس انا ما جربته الاخوان بيفيدوونك