كيفي بحرينية

السلام عليكم والرحمة وبركاتةاخواني انا ناوية اشتري سياره وبعد التلفف بين المعارضدخلت بخاطري اللكزس ls460 شنو رهيبه..وحصلتها من البريمي موديل 2009 305 الف درهم بعد ما تفاوضت ونشف ريجي مع الهنديوكنت مستانسة لان البنك عادي بيمولها لي..بس طلعت لي مشكله وهدت الاحلام الوردية لان اصلا عندي قرض شخصي والسيارة بتكون فوق اللمت وفوق نص الراتب وجان اصيييحالمهم بعد ما خلصت الزعل والقهر..رديت لفيت..وربيعتي نصحتني اخذ لي نيسان -باثفندر موديل 2010 بيكون تمويل على 3 سنوات..وبدفع وانا جدا مرتاحهسعر الفل اوبشن 143 الف درهم..قالت لي اولا نيسان واثنين فل اوبشن فيها كل التكنلوجيا ( جلد,فتحه,نفيجيشن,ديفيدي,سيدي,سماعة بلوتوث,في ناس بينصحوني بالاستيشن GXR V6 عسب تكون ارخص..بس مافيها شي لا نفجيشن ولا ديفيدي ولا بلوتوث ولا مفتاح التحكم عن بعد ولا اي مواصفات غير انها استيشن وغاليه سعرها بحدود 186 الف من البريميفانتوا تنصحوني اخذ الباثفندر؟؟ واذا لا شنو تنصحوني؟وهل تنفع للخطوط؟؟ مالي خص في البرور..بس اذا نصحتوني فيها بدخلها اجربهابس اهم شي قويه للخطوط ؟؟والسموحه طولت عليكماختكم

من اخر مواضيع العضو: كيفي بحرينية
* ارجو المساعدة منكم

Dubai_BoY595

اكيد اللكزس ملك الشارع ولو طلبتيه بدون جامبينات هايدروليك والرادار الي جدام بيطلعلج ب 288 الف درهم

اما عن الباثفايندر كل ربعي الي خذوه قالوا الquality من داخل تعبان وايد . . الستيشن فنان خذنا واحد للبيت بس الفل اوبشن 8 سلندر غالية شويه . . . ولكن فيه عندج البرادو وايد حلوه وحتى لو خذتيها بدون شاشه وكاميرا خلفيه . . تراج تقدرين تركبين عليها كل شئ نفس الوكاله (كاميرا خلفيه + شاشه + نافيجيشن + ديفيدي + فلاش ميموري port + شاشه في السقف + جلد) ب 2000 درهم


والله اعلم

بالتوفيج

تسقي الناس دمك

بالتوفيق اختي

في حالة الاستعمال وما يهمج سعر البيع الباتفندر حلوو وشكلها مناسب ومواصفاتها احسن من الاستيشن الجي اكس ار وفي حالة انج مستخدمه زمن بسيط وعقب تبيعين ابرك الاستيشن والحين الاسيتشن والبذات الجي اكس ار مب ذاك الوزد والطلب على الفي اكس ار او الفي 8

والنيسان حلو وعملي

والله يوفقج بما فيه خير اختي

من اخر مواضيع العضو: تسقي الناس دمك
* قصه" بـــدأت أخـرج مــع امـــرأة "

الكل في الكل

كل هذا بـ2000 أحس أني في تايلند مع ان عمري مازرتها

بومهره اليافعي

شووو ياااب اللكزس للباتفندر ..

لو تبين سياره فخامه والقيمه فيها ..

خذيلج لكزس 430 عندج وايد وايد حلوو ولكزس الصغير 300 حلو وعملي ورخيص ^^

او عندج الافلووون ^^ سعرها تقريبا 125 وفيها كل المواصفات الى تبينها ^^

ويوم بتين تبيعين سعرها فيها ^^

^_^

والله يوفقج يالغلا

الكل في الكل

نصيح إحنا في شهر 11 أنتظري 4 شهور بس وشوفي بتنزل أسعار السيارات موديل 2009 لان الوكالات عندهم أستوك وااااااااااااااااااااااااااااااااايد وخصوصا السيارات الأمريكيه يايه دفعه كبيره من موديلات 2009 وبتوصل بعد تقريبا شهر والوكالات مبتلشيين
وبعد 4 شهور بينزل الملك النيسان اليديد أنصحج فيه أكثر

بالنسبة للباثفندر سياره هجينه امريكيه يابانيه ولايغرج الجلد أمحق جلد لان الجلد جلد الماني والسياره من دخل ماتسر لرداءة المواد ،
تمهلي وبتفرحين

الاهمي

كل ها ب 2000 الشاشه بروحها ب 2800 ها اللي طريته كله يطلع فوق ال12000

spy4

السلام عليكم ورحمة الله وبركاته
انا افضل الصالون اقل صرفية في البترول ثانيا فيه سيارات كثيرة ادخلي على المواقع وشوفي السيارات وقارني فييها على
رايحتج .
مثال خذي 4 سيارات ولا خمس وشوفي المواصفات والاسعار وقطع الغيار والصيانة .
وبعدين ادخلي هنا وخلي الشباب يساعدونج
والله يوفقج ياربي

تحياتي

buhamdan79

أنا اتفق مع كلام الاخ بومهره

كيفي بحرينية

بالنسبة للفخامة الباثفندر صفر من الشمال لفخامة اللكزس..بس المشكلة ان قرض الشخصي ماكل 80 % من نصف راتبي يعني تم عندي 20 % من نص الراتب بسوانا ما كنت اعرف ان هذي سياسة البنوك تعطيني قرض بس لنصف الراتب..واللكزس اقدر اشتريها بس اقساط على مدة 7 سنوات وهالشي وايد..البنك بياخذ فوايد وايده مني..وانا اذا باخذ تمويل سياره افضل اخذ التمويل من 3 سنوات وبالكثير 4 بس..قلبي يعورني ادفع لهم فايدة كبيرة..وانا ما ادور صالون ادور فورويل..والصالون ياخذ بس اللكزس ls460 اما باقي اللكزسات اللي ذكرتهن ما عيبني..والسموحة

من اخر مواضيع العضو: كيفي بحرينية
* ارجو المساعدة منكم