السلام عليكم اعضاء و زوار المنتدي الكرام

اليكم ما في جعبتي من قصه موضوع سالفه حقيقيه حصلت لي شخصيا

في ظهيرة يوم من ايام الصيف قبل عشر سنوات

كنت يالس اشرب جاي بعد الغدا دشت على الخادمة تقولي بابا في ريال يبيك برع انا قلت من ها يايني من الظهر ( بيزات وما عندي روحي هاكي الايام كنت امص الملح ) المهم ظهرت برع شفت واحد يالس في التكسي بو الشباب يالس يتهوا المهم نزل من التكسي اول ما شافني انا ماعرفته سلمت عليه وقات له تفضل الميلس قالي لا مشكور بس بغيتك بموضوع لزمت عليه ( ولا منه ) المهم الريال قالي انته محمد الشحي قلت له نعم انا محمد الشحي قالي انا ياينك ناس موصيني عليك وان شاء الله ما بنردني خايب ( انا قلت هذا يبا سلف لايكون انا بنك متحرك وما ادري ) المهم قالي الريال انه يبا



يشتري زارك ( الزار ) انا يتني الضحكه بس استغربت منه ونه شلي في الزار ومال الزيران فيني انا اصلن اسمع سوالف الجن ما يني رقاد اتم خايف وتخيل تخيلات غريبه عجيبه

قلت له يا اخي الكريم هل تعي ماتقول قالي هي انا ابي اشتري زارك ( هو الزار ينشرى وينباع شو ) قلت له انا ما فيني زار يا خوي (هههههههههههههههه والله يتني الضحكه اذكر الموقف) قالت له يمكن انته غلطان في العنوان مب انا المقصود قالي بله انته والريال مدليني بيتكم من يومين ونه يتك الحين خذيت وعطيت وياه في الرمسه ما فاد فيه يا ربي شو اسوي فيه هذا الولد الحين وفجأة عرض علي خمس الاف ياي بحطهااا بايدي وقالي هذا مقدم ويوم بيركبني الزار ( الجني ) بعطيك الخمس الباجيه انا هني عصبت عليه قلت الله اذكر الله وروح الله يخليك لا تخليني ارتكب فيك جريمه وفجاة طلع ابوي يوم سمع الحشره برع وقلت له السالفه وراح الريال حق ابوي يترجه ان يكلمني عشان ابيع زاري ( خخخخخ ) ابوي خخخخخخخخخخخخخ تم يطالعني ويطالعه وجان يقوله اي انته صاحي وله شو فيك اذا ما رحت من هني ببلغ عليك الشرطه يالله سير اركب التكسي اللي ياي فيه


وراح الريال وتمينه نضحك انا والوالد


شو رايكم في ناس جي في ها الزمن اونه بيشتري الزار

خخخخخخخخخخخخ

هذا الخبال بعيينه


بس سؤال يطرح نفسه: شو يبا بالزار؟؟

هههههههههههههههههههه حلووووووووووووووووووووه هههه

ياااااااااالله يااااااااااالله ههههههههههههههههههههههههههههههههه مت مت مت والله والله بطني عووووووووووني من الضحك على كل كلمة كتبتها هني يا شحي والله انك رااااااااعي سوالف قال شو ياي يشتري ززززززززززززززار خخخخخخخخخخخخخ ليكون يبا يسرق البنك المركزى بزززززززززززززااااااااااررررررررررررر ههههههههههه

يمكن يقصد وزارك اخوي ههههههههههههههه

السؤال اللي يسدح نفسه سدحا عرضيا : منو اللي موصيه عليك وكيف عرف اسمك ؟؟؟؟؟؟

شـكــ وبارك الله فيك ـــرا لك ... لك مني أجمل تحية .


هذا ينطبق عليه المثل : يجيك من يبتليك

شكله في حد يكرهك مطرشنه عشان اييب زارك و يسوي عليك سحر