السلام عليكم

حتى الان افضل فكرة موجودة هي فكرة الشراكة في محل ... عندنا وايد اشخاص ما يقدرون يستأجرون محل باجار مرتفع وما يعرفون هل بتمشي بضاعتهم ولا لا ... خاصة انهم معتمدين على دخل بضاعتهم في عملية التسويق ... انا منهم هالاشخاص ...

لو فكرنا فيها من الناحية التسويقية .... القرية العالمية زوارها في ازدياد ... يعني الي ما تمشي بضاعته بتمشي .
وفي نفس الوقت الايجار بيكون مقسم على الجميع وكل شخص بيشارك بيكون له كاونتر تسويقي يعرض بضاعته فيها وكلنا تحت اسم منتدى الامارات للاوراق المالية أو الرخصة التجارية للاخ الي اشار بالفكرة بارك الله فيه

في هالحالة احنا استفدنا عدة امور :
قمنا بنوع من الدعم والتشجيع بين صفوف الشباب والشابات الي يبون يتطورون بتجارتهم .
خففنا عبئ الايجارات والي هي اول شي يفكر فيه الشخص قبل ما يخوض هالتجربة .
تغلبنا ... ولا اقصد الجميع ... تغلبنا على التردد السائد بيننا ( بعض الشباب احسهم بيستحون يعرضون بضاعة لكن لو شافو اخوانهم وياهم بيتشجعون ) وهالشي لو نظرنا له على المستوى البعيد ... نقدر نتقدم على بعض الاعراق الي استلمت التجارة ببلدنا وما بيكون تجارة الموبايلات محصورة على حد ولا تجارة الحلويات ولا الاقمشة ولا غيرها .
وفوق كل ها اعدنا الثقة للناس ان شباب البلاد متقدمين بجميع النواحي وكل ما دخلو مجال بينجحون فيه .

اليوم هو يوم افتتاح القرية العالمية ... لو جهزنا مسودة للفكرة هاي عسب نطبقها السنة الياية باذن الله ... صدقوني بندخل للسوق بقوة ...

اتمنى من الاشخاص الي الفكرة هاي ببالهم يتناقشون بكل شفافية

والاخوة الي مجربين وداخلين هالتجربة لا يحرمونا من معلوماتهم القيمة ... ويعتبرونا تلاميذهم

واخيرا اتمنى لو احد المشرفين الموقرين يشجع هالفكرة بفتح موضوع مثبت يتحدث عن هالفكرة فقط ...

ولي عودة

بالتوفيق لشباب وبنات الامارات