الموضوع: للبيع 3 صالونات حلاقة رجالية

للبيع 3 صالونات حلاقة رجاليه في مناطق مختلفة لعدم التفرغ...

ويعتبرون بداية لمن لديهم النيه فالدخول الى العمل الخاص وعلى فكره التكاليف بسيطه جدا
والصراحه كانت بدايتي بسيطه بالحلاقين والحين ابغي اطور عمري شوي وادخل مشاريع اكبر واتمنى افيد غيري مثل ما استفدت وفتحت لي باب رزق وباب دخول بسيط للتجارة..

وانا اتعامل بالشكل هذا مع المحلات ال3

انا اتكفل بالايجار والكهرباء والماء والمعدات وأدوات الحلاقه وتجديد الرخصه والعمال عليهم تجديد اقاماتهم كل 3 سنوات بالاضافه الى العمل واعطيهم نسبة 50 بالمائه من شغل كل واحد فيهم فالشهر...أقدر اعطيهم رواتب فقط فمنهم راتبه لا يتعدى 700 درهم بالاضافه الى 300 درهم سكن لكن انا ما ابا اقسي عليهم ومريح بالهم وبالي واعطيهم النص...
فيشتغلون بنفس والدخل زاد من عطيتهم ال50 بالمائه

1- الأول في الشارقة على شارع عام وفرعي طريق تجاري ومنطقة سكنيه ممتازه؛؛؛؛؛
ايجار المحل فقط 12000 درهم سنويا ويعتبر ارخص ايجار محل على الشارع العام فالمنطقه ويطل على أمارة عجمان ايضا به 3 حلاقين ممتازين وشغال منذ أكثر من 10 سنوات..دخل ممتاز...


2- الحلاق الثاني في منطقة النعيميه في عجمان بالقرب من مخبز الريم على شارع فرعي ويطل عالشارع العام بحوالى 30 متر...ايضا ايجاره رخيص جدا مقارنة بالمحلات اللي بالمنطقة 12000 درهم سنوي فقط
به 4 عمال بدرجه ممتاز 3 يعملون بالمحل وواحد يعمل معي كمندوب لكن فالاصل حلاق درجة أولى
وافضل الاحتفاظ به كمندوب لي يعني راح اشله من الرخصه للتوفير على المحل ايضا لان المحل يكفيه 3 حلاقين فقط...الحلاق قديم فالمنطقه وله زبائن ويعمل منذ اكثر من 12 سنه


3- الحلاق الثالث في عجمان ايضا خلف المحطه الكبرى بعجمان محل جديد افتتح منذ شهرين تقريبا في منطقه ممتازة بها عمارات سكنيه اغلبها عرب به 3 عمال بدرجة جيد جدا ولهم خبرة 3 سنوات بالدولة...ايجار المحل 18000 درهم سنوي فقط


للجادين فالشراء فقط هذا رقمي للاتصال

بوأحمد 0506266141

علما بأن سعر كل واحد غير عن الثاني حسب موقعه ومدة افتتاحه والدخل الشهري..

كم اسعارهم(البيع) وكم الدخل لكل محل اذا امكن

ولك منى جزيل الشكر

مرحبا أخوي...

المحل اللي فالشارجه دخله شهريا فوق ال10000 درهم ومرات يطوف ال11000

ومطلوب فيه 100 الف لان موقعه ممتاز وأجاره رخيص جدا 12000 بس

والمحل اللي فالنعيميه بقرب مخبز الريم مطلوب فيه 60000 درهم وايجاره 12000 درهم ودخله حوالي 8000 درهم شهريا

والمحل اللي خلف المحطه الكبرى بعيمان مطلوب فيه 40000 درهم وايجاره 18000 سنويا أما دخله بعده يديد أخوي صار له شهرين

والبيع بيكون شامل العمال والتأمين مالهم يعني كل واحد 3 الاف درهم الشيخ

أتمنى اني افدتك الشخ

مساءالخير
للحين العرض قائم لأن اللي اتصلوا مب جادين فالشراء........

أخي الكريم هل كم المطلوب في المحلات الثلاثه مع بعض
وهل يمكن تحويل الرخص باسم المالك الجديد
وهل هي عل وكيل خدمات واحد ؟ يرجى المراسله على الخاص

بالتوفيق اخوي في بيعتك بس عندي ملاحظة بيسطه

كيف تتكفل بالايجار والكهرباء والماء والمعدات وأدوات الحلاقه

انا عندي محلات حلاقة بس مب شراتك بالمعاملة انت تقول دخل المحل بحدود 10000 احسبها في السنه ونقص منها تكاليف الايجار والكهرباء والماء والمعدات وادوات الحلاقة يطلع ربحك السنوي الشي البسيط

نصيحه عيد الحسبه لو ما بعت والسموحه

المشاركة الأصلية كتبت بواسطة مضيع الدرب

مرحبا أخوي...

المحل اللي فالشارجه دخله شهريا فوق ال10000 درهم ومرات يطوف ال11000

ومطلوب فيه 100 الف لان موقعه ممتاز وأجاره رخيص جدا 12000 بس

يعني نقول الغالي انه دخله 10000 درهم يعني ينعطون العمال ...5000 درهم اذا انته تقول انه نص تعطيهم اياه ..=5000 لي ضرب 12 شهر =60000 - الاجار 12000 يساوي درهم48000 زاد يمكن اشياء يحتاجها المحل او مكائن او هذي الاشياء من ناحيت ترتيب او تجديد او او الخ.... -9000درهم طول السنه=39000 الف

زائد 3000 درهم تحويل كل عامل مع تأميناته ....9000 درهم -39000=30000 .....غير الكهرباء والماء ..يعني يمكن يطلع عليه صافي الربح 20000 الف الى 25000 الف سنوي .........هذا اذا ماوجهت مشاكل وبخصوص التذاكر السفر والطيران اذا بيسافرون وبيردون على حسابي ولا على حسابهم وهل مره من المرات يعني عطيهتهم راتب معين وقدرته لهم وكان فيه دخل جيد او شو الي يستوي بالضبط لانه بهاي الحسبه الواحد مايعرف يقدر بالضبط مثل ماتكون معين لهم راتب معين ....وياليت توضح سكنهم وين ولا هل لهم مسكن مأجر في نفس مكان الصالون او ماخذ لهم سكن وياريت توضح اذا موجود لهم سكن كم أجار سكنهم ......والسموحه الغالي ...

والمحل اللي فالنعيميه بقرب مخبز الريم مطلوب فيه 60000 درهم وايجاره 12000 درهم ودخله حوالي 8000 درهم شهريا

والمحل اللي خلف المحطه الكبرى بعيمان مطلوب فيه 40000 درهم وايجاره 18000 سنويا أما دخله بعده يديد أخوي صار له شهرين

والبيع بيكون شامل العمال والتأمين مالهم يعني كل واحد 3 الاف درهم الشيخ

أتمنى اني افدتك الشخ

ياليت توضح بس دخل اخر محل على حسبتك له شهرين عشان نعرف نتخذ قراار لانه المحلات مايتفوتن الغالي وبالتوفيق ......وتوضح سبب البيع .......

المشاركة الأصلية كتبت بواسطة face to face

بالتوفيق اخوي في بيعتك بس عندي ملاحظة بيسطه

كيف تتكفل بالايجار والكهرباء والماء والمعدات وأدوات الحلاقه

انا عندي محلات حلاقة بس مب شراتك بالمعاملة انت تقول دخل المحل بحدود 10000 احسبها في السنه ونقص منها تكاليف الايجار والكهرباء والماء والمعدات وادوات الحلاقة يطلع ربحك السنوي الشي البسيط

نصيحه عيد الحسبه لو ما بعت والسموحه

انزين ممكن تخبرني انته شقايل تتعامل مع العمال وكيف حسبتك لطفا

اخوي face to face اتمنى تتواصل وياي على رقمي 0506266141
وممكن تخبرني حسبتك وطريقة معاملتك للعمال وكيف تدير محلاتك اذا تكرمت لطفا
وان شاءالله نستفيد منك
أخوي المبتدء
المحل الثالث توه يديد صاره شهرين هذا الشهر الثاني يعني فتحناه تقريبا 20/6 يعني 10 اخر 10 ايام فشهر 6 واشتغلوا تقريبا 1300 درهم وتعرفا لمحل يديد ويبي وقت لين ما يكون زباين ومن هالشهر اتوقع بيزيد الدخل وانا مريت وجيكت من يومين لقيت الشغل زاد وانا متفائل انه بيوصل للحد المطلوب...اما كم بيكون الدخل فعلم الغيب وهذا رزق من رب العالمين

اتمنى اني افدتكم ومشكورين عالردود والمشاركه

أخوي ممكن تقولي كيف تقسم النص على النص مع العمال ..؟؟

بسألك ليش ما تعاملت معاهم انهم يعطونك شهريا مبلغ معين و هم يتكفلون بالايجار و التجديد و ادوات الحلاقه و انت تشل نفسك من هذا كله بمبلغ شهري يوصلك شهريا

و بدون لا تعور مخك .؟؟

اتريا ردك في هذا الموضوع