الموضوع: ايهما افضل مستشفى الامريكي او بانكوك

السلام عليكم ورحمة الله وبركاته عساكم الا بخير


عندي الوالده الله يشافيها ويشافي الجميع عندها مشاكل شوي في الظهر فشو احسن مستشفى الامريكي او الملكي من حيث العلاج وابا حد عن تجربه ولا اذا حد عنده مسشتفى او مكان ثاني زين العلاج يقرقشنا معلومه تنكتب له حسنه ان شاء الله



وتسلمي وتسلم اصبوعكم اذا كتبت رد وتسلم عيونكم لو قرت بس كثرو من الرد اللي فيدنا

الله يشفيها ويعافيها يارب قبل متسافر شوف دكتور اسمه شرين في مركز علاج في الشارجه

الملكي جربت علاج و فحص زينين بس الامريكي مارحتله

في المانيا في اخن في مستشفي اسمه كلنكم كان الوالد يتعالج فيه عن السكر وبلصدفه شفت شباب موطنين كانو يايبين واحد يتعالج طايح من فوق مبنا وكان عنده كسر في العامود وتعالج ورجع يمشي الحمد الله

الأخوان مابيقصرون انشاء الله

موفق بإذن الله ... لك مني أجمل تحية .

مسيت بالخير يالغالي

سلامت الوالده يارب من كل شر وعسى الله يعافيها من كل شر

بالنسبالي ياخوي أنا أشوف مستشفى بانكوك ماعليه كلام وممتاز فوق ماتتصور

عندي عمي كان تعبان من ويع الظهر وسرتبه هالمستشفى لي هوه مستشفى بانكوك

وما شاء الله عليهم باشروا معاه العلاج الطبيعي لمدة 10 أيام ولله الحمد لين يومك الريال بخير وسهاله


والله يشافي الوالده من كل شر

و إن شاء الله حد من الأخوان يفيدك بعد أكثر

الغالي بخصوص العظام مستشفي وشتاني في بانكوك و انا من كم يوم امودي الوالده و عندها فقرات الظهر الرقبه و اسفل الظهر و قال الدكتور ان شاء الله 90 نجاح ......و يوم توصل بانكوك نفس الشي السفاره تمدح مستشفي وشتاني و انا الحين في بانكوك ... بس الوالده رجعت اتفكر اسوي ولا لاء .... دكتور شاي وت يمدحونه ...... بس الحين مش موجود لمده اسبوع تقريبا .زو ها مترجم الدكتور لو حاب اتكلمه من الامارات 0066879868166 اسمه فيصل ...و السموحه

.

.

.

الله يشفيها و يعافيها

يعطيها ربي العافيه وترد أحسن ع أول

الله يشفيها و يعافيها يا رب

اخوي الاراء بتختلف ... في الي بيمدح لك مكان لانه تعالج عنده و نفعه ، و حد بيذم لك مكان لانه ما انتفع

فالافضل تتوجه لوزارة الصحه و هم بينعتون لك الاماكن الزينه

اسأل و استفسر عن مصحات المانيا ( علاج + نقاهه + دقه و جوده )

مستشفيات تايلاند استوت تجاريه ..

في تايلاند سوو حق يدتي عمليه فالركب و خربوها لها . ولين يومك ما تروم تمشي وايد ( الله يهافيها يا رب )

ونشوف آراء البقيه

الله يشفيها ان شاء الله

ما يحتاي اتوديها بانكوك ودها مستشفى زايد العسكري فبوظبي

عندهم دكتور مواطن اسمه عادل المروي ( استشاري جراحة المخ والأعصاب ) وااايد زين ومعرووف

واحد من الاهل سوا العملية عنده والحمدلله بخير الحين

كان بيسووها في بانكوك بس قالوله العلاج بيطول شهرين وثلاث

رجع البلاد وسواها في زايد العسكري