MoJaZeF

lets change the subject and congrats on the car you sold


MoJaZeF

من اخر مواضيع العضو: MoJaZeF
* الحبيب علي الجفري من مذهب الصوفيه الى الشيعيه؟
* Memory Card got locked :(

GOLD

الصور المعروضة ما تقيم الامان.....خالد اختار صور حوادث عادية وانت دورت حوادث موت....يعني الكورفت السودة لو مجلوبة السايق راح شاورما...الفكرة هي شوف :خامة البودي!

من اخر مواضيع العضو: GOLD
* recent photo
* لمن الاطفال عند الطلاق

khalid911

اوكي .... انا متعمد اعطيك صور الدعمات الخفيه .. لانه والله !! و انا اقول الله .. كنت متوقع انك انته اتعرف الموقع و راح تيب صور الفراري هاي و بالذات البورش الرصاصي ها

طبعاً اولاً الفراري هذا الحادث صاير من شهر او اقل طبعاً .. و السواق كان سكران .. و يتسابق مع SLR و صار الحادث على سرعه اكثر من 130 ميل ... و لو عندق الصور الباقيه بتعرف شو كثر شاحت و احترقت ... السواق و الراكب كلهم ما صارلهم شي ..

البورش الرصاصي .. وقت الحادث ال قيج كان عالق على 200 ميل ... ف ما اتصور انه هذي سرعه بسيطه ... ممكن الواحد ينجو منها .. و هو كان يسابق بورش ثانيه ..

اما الباقيات .. ف مادري عنهم .. بس حادث على جنب .. (Car side) و على سرعه ..

اما روح ركز على صور الكورفت .. انا اخترت حوادث عاديه ... مع انه كان في اشياء فضيعه .. بس انا اخترت هل صور لانه ... لو التلاحض ال C6 الموتر ضارب شيء من تحت في البمبر .. ركز و شوف .. هذي هي نقطة الضربه ... و النتيجه ؟؟؟ اليت و البمبر كله مطرطر .... و ال C5 السياره مضروبه من جدام و الباب طايح ....

يا ريال ... عل اقل البورش قطعه وحده و انكمشت .. الكورفت انفت ال 1,000 قطعه .....

و انا ارجع و اقول .. و اكرر .. لو كان الكورفت موتر يسوى .. لا ما فضلت انته ال M6 عليه ...

و بعدين .. يا عزيزي يا Dubai007 صدقني .. والله .. لو ابا الكورفت والله ما بيغلى عليي 280 مقدور عليها و الحمد الله ... بس باجر ب 80,000 محد يباه عنك .. و البورش موديل 1996 Carrera 993 الي كان ينباع ب 275 هذيج الايام ... اليوم بعده .. 120-150 الف اييب .. و التوربو 220 اييب ...

...



PEACE

فرعون السوق

يا شباب ...

بعدكم تتحرطمون على السيارة،

كل واحد منكم عنده حق البورش موتر عملي وممتاز. وشركة البورش دائما ما تكون رائدة في مجالات البحث والتطوير ولا تنسون أن جل تركيزها كان صناعة السيارات الرياضية فالحق ينقال أذا الواحد تخير بين الفراري واللمبرجيني والبورش للأستخدام اليومي أكيد هي الأفضل من جميع هذي النواحي.

يكفي أخوي أنك تعرف أن هذه الهندسة المتطورة قدرت تعصر 360 حصان على قولتك من محرك سعته 3.6 لتر. كذلك لاتنسى الأسطورة كريرا GT2 .

الكورفيت، أخويه بكل تأكيد أن الموديل الأخير C6 تم تطويرة لدرجة أن أصبح يضاهي البورش من حيث المتانة والدقة، بس اللـه يكرهم الأمريكان صحيح أنهم عدلوا فيه وايد ومن جميع النواحي ، المحرك، الناقل، نظام الثبات (وعلى فكرة يا أخوان نظام الثبات في الكورفت ممتاز وعن تجربة شخصية قدرت مرة أن أدفع السيارة لحدود 1.01g دون أن يزل التاير) لاكنهم أسترخصوا وايد في الديكور الداخلي.

بالنسبة للكورفيت اللي كان عارضنها الأخ ، الصراحة تنقال أنها سرقت الأضواء من العديد من السيارت الرياضية أو بالأحرى سوبر رياضية. محرك قوي فوق العادة، والعجيب ان مستوى أستهلاك الوقود منخفض بشكل جعلها تعفى من ضريبة السيارات المستهلكة للوقود في أمريكا !! وانا حصلت لي الفرصة لتجربة سيارة صاحب الوكالة في دبي ... يا أخواني الموتر مرعب بكل ما تحمل الكلمة من معنى، صوت وقوة تخليك تنسى الطبلون ما الكابريس اللي في السيارة ... لاتفهمني أخوي غلط ... الديكور الداخلي في السيارة لابأس به أذا خذت في الأعتبار الشكل بس المواد المستخدمه في صناعته تعيسه. الشئ الآخر الموتر على قوته مريح بدرجة معقولة وعملي للأستخدام ولايفرق عن البورش الكريرا العادية من حيث العملانية. والأحلى المكيف ثلاجه تبارك اللـه. بالنسبة لأمور الآمان ، لاأعتقد أي موتر رياضي صغير الحجم بأمكانه أن يتحمل أي صدمة أذا كان ينقاد بسرعة عالية دون أستثناء. كذلك افضل طريقة لمعرفة قدرة هيكل السيارة في تحمل الصدمات هو العودة لمواقع الهيئة الأمريكية للسلامة على الطرق حيث أنها تقوم يتقيم علمي دقيق لقياس مستوى الأمن في السيارة ويعطي فكرة أفضل من هذه الصور المرفقه. كذلك هذا الموديل يستخدم الكاربون فايبر في العديد من مسطحات السيارة ، وهذه الماده ذاتها تستخدم في صناعة أسطح العديد من السيارات الرياضية الغالية مثل البورش كريرا جي تي فالسيارة مش كلها فيبر جلاس. كذلك يجب أن نعطي المهندسين لهذه السيارة حقهم فوزن السيارة يدل على مدى حرصهم على أستخدام أفضل التقنيات والمواد في صناعة السيارة لدرجة أنها تقل بمقدار 100 كلجم عن الكوفت العادية واقل عن البورش كريرا.
بأختصار، لايمكن أن تقنع من يقود البورش بأي سيارة أخرى والأمر نفسة ينطبق على مالك الكورفت.

بس، لايمكن أن تقاوم الحضور و القوة الشرسة والتي تمنحك أيها الكورفت Z06 مهما كان ذوقك في السيارات ... السيارة كاملة من جميع النواحي وأن عابها الديكور الداخلي.

أتمنى لو تحصلون فرصة لتجربتها وأعتقد أنكم راح تغيرون رايكم بكل تأكيد كما وصف الأخ.

وبكل تأكيد السعر لايمكن أن يصدق ... بس المشكلة المصنع مش قادر يورد كميات معقولة للدولة ، رحت للوكيل وتخيلو شو قالي " ماندري متى راح تأتي الدفعة الثانية، وكنت أود أن أدفع مقدم، فقالي، قد لا تحصل على السيارة قبل نهاية السنة لأن الويتنج ليست طويل جدا !!"

khalid911

مشكور اخوي على ردك .... .. كلامك سليم و في محله .. جزاك الله خير ...

انا اتاحت لي الفرصه اني اجرب الكثير من انواع السيارات .. الامانيه و الايطاليه و اليابانيه و الامريكيه ... جربت .. معضم انواع البورشات و من البي ام جربت ال ام سيريس جميع انواعها و من المرسيدس جربت فئة ال Amg .. و مافي سياره تقدر اتقول عنها هيه الكل في الكل ..
ف كل سياره فيها ايجابيات و سلبيات ...

و بخصوص الويتنج ليست .... كل السيارات عليها ويتنج !!! دايمن ...

مادري ليش يعني .... بس حتى التيوتا و النيسان .. ويتنج ...
و على نهايت السنه بسيطه يا ريال ..... الفراري اصبر 3 سنين !! اذا طلبت اليوم !!!!

بو_سعيد

يا جماعة الخير والله حيرتونا ناس يمدحون البورش وناس تمدح الكورفت عني انا اذا باخذ البورش باخذ 911 العاديه واذا باخذ الكورفت باخذ الc6. الحين كل السيايير عمليه وللاستعمال اليومي بس لازم اتحط في بالك كم سنه تبغي اتخلي الموتر

GOLD

والله انا اشوف لو تاخذ 10 كورولا انت الربحان بيتمون عيال عيالك يكرفون عليهم وبيدعولك

من اخر مواضيع العضو: GOLD
* recent photo
* لمن الاطفال عند الطلاق

ddxxbb

السلام عليكم

الصراحة الكورفيت انا ما اعترف فيها ابدا

لو انا ابغي سيارة قوية بشتري ميستبيشي ايفو 9 وقيتها 145 الف درهم ونص سعر الكورفيت


والي حاب يشوف الكورفيت مع الايفو مع البورش مع الجيتي في نفس الحلبة

هذا الفيديو http://video.google.com/videoplay?do...4890&q=EVO+JDM


تنبيه : الكورفيت الي في الفيديو 350 حصان (هي ليست السيارة التي تتحدثون عنها)
الكورفيت الي عرضها صاحب الموضوع لو وصلت 1000 حصان ما تقدر تلحق سيارة دفع رباعي مثل الايفو وقوتها 280 حصان بس

ddxxbb

انا اتكلم عن الحلبة طبعا .. وخاصة الحلبات الي فيهم وايد منعطفات

عشان محد يفهمني غلط

العيناويون

البووووووووووووووورش فقط