dubai007uae

شفرولية "كورفيت - Z06 "

موديل 2006
جديدة 0 كيلومتر وتحت ضمان الوكيل في الدولة
اللون أحمر
مواصفات خليجية
محرك 8 أسطوانات سعة 7 ليتر وبقوة 505 حصان
ناقل حركة يدوي ذو 6 سرعات
كاملة المواصفات بالأضافة لشاشة عرض تعمل باللمس ونظام ملاحة خليجي.
كراسي جلد لونين أسود وأحمر

التسليم في الوكالة وبعد شهر بالتحديد

السعر في الوكالة(285,000 درهم) السعر المطلوب 350,000 درهم ... السيارة ذات كمية محدودة جدا جدا

معلومات أضافية : التسارع من 0 - 100 كلم (3.7 ثانية) والسرعة القصوى 320 كلم، هذه السيارة لايوجد مايضاهيها بالتسارع من السيارات الأيطالية فراري سوى Ferrari Enzo

الصور المرفقة

	z06-1s.JPG‏ (30.3 كيلوبايت, المشاهدات 595)
	z06-3s.JPG‏ (29.9 كيلوبايت, المشاهدات 550)
	z06-6.jpg‏ (59.5 كيلوبايت, المشاهدات 576)
	Z06-RED-RED1-500.jpg‏ (41.0 كيلوبايت, المشاهدات 573)
	Z06-RED-RED2.jpg‏ (33.9 كيلوبايت, المشاهدات 575)

buali101

الله يوفك انشاء الله
بس شو السر انك تبيعها اغلا من الوكاله

dubai007uae

أخوي مافي سر طال عمرك،

السيارات اللي تم تسليمهن قبل 5 شهور كان 4 سيارات فقط،

وهذه المرة عدد السيارات اللي راح تتسلم للزبائن 4 وعدد الأشخاص في قائمة الأنتظار 22 !!!!


فهذا هو السبب

khalid911

لالالا مب لهلدرجه ... ال ZO6 سياره قويه صححح انا معاك لاكن مب لهل درجه عاد ...
ما عليك من كلام المجلات .. معضم هل مجلات امريكيه و يبغون يفتخرون بصناعتهم .. و على كلام بعض الشباب الامريكان الي جربو السياره .. انه هيه فعلن قويه .. لكن ما تنقبض .. يعني هيه ممكن تيب من الصفر الى ال 100 في 3.7 ثوان بسس لانها تحرق حرااق عل فاضي .. صعب تيب هل تسارع حتى من الماشي تحرق ..

بختصار .. السياره قويه .. بس ما تقدر اتحط قوتها على القااار
-----
شوي شوي على السيارات الايطاليه ترى انا مارضا عليهن ... ههههههه
<<>>> و ملاحضه: انا ما اخرب عليك بيعتك والله .. باعكس ياخي اتمنالك التوفيق .. بس ملاحضتك شوي يعني ههههههه c'mon man >>> italian cars is not ferraris only ...

GoodLuck ....

mazroe9111

dubai007uae

أخوي خالد،


أنا وضعت الموضوع هذا لبيع السيارة وليس لمناقشة كفائتها

بس ما يخالف ناخذ ونعطي وياك شوي،

اللي مايعرف الصقر يشويه !! أخوي أنت تعرف 3.7 ثانية شو تعني !! تعرف أن هذه السيارة تقدر تقطع ربع الميل في 11.50 ثانية وبسرعة 125 ميل Trap شو تعني !!

تعرف أن السيارة لو زودت بـ Headers بس تقدر تقطع ربع الميل في 11 ثانية شو تعني !!

عطني سيارة من السيارات الأيطالية غير Enzo ممكن توصل لربع الميل في 11.50 ثانية !!
فأذا أنت تقدر تخلي السيارة تصل لربع المايل بهذه السرعة أعتقد السيارة حاط قوتها عدل على الشارع ولا عندك رأي آخر.

عموما السيارة غنية عن التعريف .... وأسأل الشخصيات اللي طالبتنها !!

dubai007uae

أخوي خالد نصيحة،

أذا كنت تملك بورش توربو (مثل ما أشوف في المعرف مالك) حاسب تتسابق مع الكورفيت تراها ماتنقرب ... أعتقد عارف أي كورفت أقصد .... الكورفيت العادية أم 400 حصان !!

أما مع هذي فأنسى الموضوع


سوالف لا تزعل

flex

شي سيارات ايطاليه مثل اللمبرجيني مرشلاجو
فيراري 575 جي تي سي
و غير الايطاليه وايد

بس طبعا ماتقدر اتقارن عشان السيارات هذه اسعارهن اضعاف الكورفيت وسواقتهن غيييييرر
يعني اذا تبى اطيير خذلك سوبرا وزود مليون حصان
يوم عندك وشهر فالكراج وانسى التبات و الامان بس دوووس على شارع سيييده

الكورفت ZO6 عند ولد عمتي سياره قويه وعندنا فيراريات بنجرب انشاالله و بنخبركم
شوف الفيديو الكورفت ZO6 مع مرسيدس سي ال 65
المرسيدس يفوز خط
http://videos.streetfire.net/search/...36A73346FC.htm


والسموحه

dubai007uae

أخوي Flex

المرسيدس اللي في الرابط مزودة وليست وكالة ( على فكرة المرسيديس CL65 عليها محرك 12 سيلندر توين تيربو ). كذلك السباق كان على الماشي ومن سرعة 100 ولو تم على الواقف كان بيكون في كلام ثاني) لاتنسى مزودة !!

بالنسبة للمرسيلاجو، من الواقف الكورفيت أسرع عنها وبسهولة كبيرة ... الكورفيت تحتاج لسواق وترك الباقي عليها

ومثل ما ذكرت بالفعل هذه السيارات لا يمكن أن تقارن بالكورفيت من حيث الأسم والشكل وخصوصا لما نعرف أن اسعارها بالملايين.

بس المهم أن هذي السيارات مش للأستعمال اليومي !! أما الكورفيت " كابريس قدامهن" خذها وين ماتبى!!

عينك عليها وهي تصلخ اللمبورغيني المزودة:

http://videos.streetfire.net/search/...5231177C4A.htm

عموما شكلكم ما راح تخلون الواحد يبيع السيارة براحه ... أمزح وياكم

flex

لا اخويه بتوفيييج انشاالله
بس انا حبيت اوضح انه كلامك صحيح بالنسبه للسعر الكورفيت على هذا المشي
صراحه وايد سعره زين

بس الرابط اللي انته حاطنه هذا اللمبرجيني قلاردو 10 سلندر مب المرشلاجو 12 سلندر
القلاردو 500 حصان بالكورفيت العاديه امجربين وياها ماتمشي
ال ZO6 بتاكلها اكل

بتوفيج اخويه اذا عرضت الموتر قبل اسبوع كنا بنشتريها
بس انشاالله خير

والسموحه