منتدى الإمارات للأوراق المالية

هذا الموقع متخصص بأسواق دبي و أبو ظبي المالية و هو أحد مواقع شبكة منتديات Yahoo مكتوب. انضم الآن و احصل على فرصة متابعة أخبار و معلومات و تقارير الاسواق المالية المحلية و العربية و العالمية.



موضوع مغلق
صفحة 1 من 7 1 2 3 4 5 6 7 الأخيرةالأخيرة
النتائج 1 إلى 10 من 68
Like Tree1Likes

الموضوع: مشاريع تجاريه مربحه بدون راس مال

  1. #1
    مـتداول نشط نايف is on a distinguished road الصورة الرمزية نايف
    تاريخ التسجيل
    Dec 2004
    المشاركات
    862

    Forum New مشاريع تجاريه مربحه بدون راس مال

    السلام عليكم ورحمة الله وبركاته

    سيداتي سادتي ( حلوه صح يعني ان اجتماع هاليومين كله اسمع يقولونها في الاجتماعات مع ان احيان الاجتماع مافيه سيدات يكون كله ساده ) ادري مب وقته بس سمحوا لي من تعب الاجتماعات ايي اسولف معاكم هني

    عموما انا هاليومين غبت عنكم يومين وماتابعت المنتدى بس البركه في باقي الاخووات والاخوان اللي ماقصروا في مساعده بعضهم والتطوير والافكار الخياليه اللي طلعت اللي وايد استفدنا منها

    عموما بما اني غبت يومين قلت لازم اييب شي حلو لاعضاء المنتدى ماشالله عليهم وعلى تفكيرهم ورؤيتهم فبعطيكم بعض من المشاريع اللي سويتها وبعضهم مجربين وبعضهم توني فكرت فيهم وان شالله الكل يستفيد منهم

    الحلو فيهم ان بعضهم بدون راس مال والبعض الثاني براس مال صغير وايد وارباحه كبيره ...


    سمحوا لي على الاطاله بالمقدمه بس ان صار لي يومين ماكانت لي مشاركات تذكر فحبيت اعوض الحين

    بسم الله نبدا

    المشروع الاول : يعتمد على الرسايل القصيره ذات القيمه المضافه وهالمشروع انا مجربه اكثر من مره وبكل مره ماشالله يثبت نجاحه وبدون اي راس مال

    راس المال المتوقع : 0 - 4000 درهم ( طبعا اللي مايبى اي تعب يخلي هالراس المال الصغير واللي يبى يتعب شويييه بس بيكون بدون راس مال )

    الارباح المتوقعه: 15000 - 30000 درهم

    الفتره التشغيليه : شهر واحد

    هااا شرايكم اكمل ولا اخذ عليكم ضريبه

    آلية العمل : الاليه الله يسلمكم بسيطه بس اللي يحس انها صعبه عليها يقدر يسال مليون سؤال مو بس الف وحاضر له افااا عليكم بس من لنا غير اعضاء المنتدى

    شوفوا انا شسويت عشان ان يكون الموضوع مكتوب بمثال عملي عشان تكون الفكره اسهل وتوصل اوضح

    الله يسلمكم في يوم من الايام وانا اقرا بالمجلات الاعلانيه اشوف في شغلات كثيره ارسل رساله وقد تربح سياره او ذهب او مبلغ مالي او او او الخ .....

    المهم فكرت في النهايه توصلت لفكره ( شي طبيعي بتوصل لفكره بعد ماافكر صح )

    كلمت مدير اعمالي وقلت له يامدير اعمال عندي فكره ( ابي اراويكم اني رجل اعمال وعندي مدير اعمال )

    المهم قلت بسوي نفس هالمسابقات بس بطريقه خفيفه سهله وغير مكلفه ومربحه ومافيها خداع للمستهلك

    احس اني وايد طولت وانا عندي اكثر من فكره بس بوجز في هالفكره وبعدين ان شالله اقول الفكره الثانيه

    المهم كلمت احد الشركات اللي توفر خدمة القيمه المضافه وقلت لهم انا عندي مسابقه وبتكفل بالجائزه والمصاريف الاعلانيه مقابل ان انتوا توفرون لي رقم للخدمه مقابل نسبة 5% من الارباح فقالوا لي اوكي بس نبي 20% واخر شي استقرينا ان يكون لهم 10 %

    هني ضمنت الرقم اللي بتشتغل عليه المسابقه عقبها اتصلت لشركه اعلانيه وقلت لهم انا متعاون مع شركة تقدم خدمة القيمه المضافه وانا بتكفل بالجائزه بس ابيكم تخلون لي الاعلانات بالجرايد والمجلات مقابل نسبه واتفقنا بعد على 10%

    ( طبعا هالقسم الاعلاني في ناس مايحبون التعب فيقدرون ان يوفرون 2000 درهم ويتكفلون بالاعلانات بروحهم )

    لان طبعا شركات تقديم الخدمه هذا شغلها وطريقتها فعلى طول بتوافق بس الشركات الاعلانيه مش هذا شغلهم وشغلهم اساسيا على النقد فعشان جذي بيكون في تعب او الواحد مثل ماقلت لكم يوفر هالشي بنفسه

    المهم بعدها اتصلت لمحل تقديم الجائزه المختاره وقلت له اني متعاون مع شركة تقديم القيمه المضافه للمسجات ومتعاون مع شركة اعلانيه متفقه مع مجلات وبنقدم جائزه وفي حال حبيت ان تكون الجائزه مقدمه من عندك وماراح تكلفك الا 2000 درهم لان قيمة الجائزه كانت 2000 درهم

    وبالمقابل بنخلي ان الجائزه مقدمه من محلك وغير جذي بعد بعطيك نسبه 5 % طبعا امشي واوزع بالنسب لاني ماراح اخسر شي اساسا

    وطبعا اللي يحس ان هالجزء صعب عليه يقدر بروحه ياخذ الجايزه 2000 درهم بس عاد انا ماشجع بهالشي لان المفروض الواحد يزيد علاقته ويوسع افاقه عشان يربح ويفكر اكثر

    المهم بعد الاتفاقات كلها وماخذت اكثر من اسبوع نزلتها المسابقه على فتره شهر وكانت الارباح تفوق 60000 بكثير

    طبعا شركة الاتصالات الام تاخذ النص من الارباح وتقريبا بقى 35000 وبعد توزيع النسب اللي اتفقنا عليها ان تكون من 35000 يعني بعد ماتاخذ الشركه الام نصيبها

    في النهايه طلعت لي بقريت 30000 بدون اي راس مال

    يعني كان راس المال 0 والارباح مايقارب 30000

    ولاتقولون لي صعب لاني شخصيا مجرب هالموضوع اكثر من مره ولو اني مادخلت لكم بالتفاصيل بنوع الجوايز وطريقة تقديمها وتسويقها اللي خلت عليها هالاقبال من الجمهور

    عموماا احس اني وايد كتبت كلام هني فبكتب فكره ثانيه في الرد عشان لاتصير زحمه والاعضاء يضيعون

    وبالتوفيق ان شالله واتمنى ان احد يطبق هالفكره لان بيربح منها بدون تعب وبدون راس مال


    يمكنكم مشاهدة الكثير من المواضيع عن مشاريع صغيرة مربحة على هذا الرابط:
    مشاريع تجارية صغيرة رابحة - مشروع مربح




  2. #2
    مـتداول نشط نايف is on a distinguished road الصورة الرمزية نايف
    تاريخ التسجيل
    Dec 2004
    المشاركات
    862

    مرحبااا مره ثانيه

    طبعا مثل ماقلت لكم فصلت الموضوع عشان لاتصير زحمه لان هناك تكلمت وايد

    ندخل في الموضوع مباشره عشان ماتقولون شفيه غاب يومين وخزن الكلام كله ويانا يقوله ورا بعض

    المشروع الثاني الله يسلمكم هو عباره عن مشروع خدماتي يعني تقديم خدمات

    راس المال المتوقع : 5000 - 20000 درهم

    الارباح المتوقعه : 1000% سنويا بس يبى لها شغل يعني ماراح توصلون لهالارباح براس المال الصغير بدون شغل صح فديتكم

    آليه العمل : هذا الله يسلمكم مشروع مادري اذا هو موجود عندكم او لا بس حتى اذا موجود ماراح ياثر لان كل شخص على تسويقته والية عمله

    تحتاج اول شي الله يسلمكم مكتب صغير + عامل + سائق بسياره صغيره (ويفضل سياره مستاجره بنظام شهري مايتعدى قيمة اجارها 1500 )

    المشروع بيكون عباره عن تقديم خدمات على الطريق طبعا كلنا نعرف هالموضوع بس عشان ندخله بتفصيله اكثر ان يكون المشروع بنظام الاشتراك اووكي

    يعني تقدم خدمة مساعده على الطريق مثلا تغيير الاطارات خبركم هاليومين حتى الشباب صاروا مايحبون يبدلون التواير خايفين على كشختهم مو بس البنات ترى

    واحد ضاع مفتاحه او نساه بالسياره او سياره متعطله وتحتاج سحب

    او شخص صار معاه حادث وماعنده سياره توفر له سيارة مدة اسبوع لاقصى حد

    او فضت البطاريه او مثلا خلص عليه البترول يعني باختصار كل خدمات الطريق + توفير سياره في حال الحوادث

    طبعا بتقولون لي هالخدمات تقدمها شركات التامين بس نادر ان نشوف شركات التامين تسوي هالشي وعموما مع الدعايه والتسويق الكبير الناس بتتجه لك تعرفون ليش

    لان بيكون سعر الخدمه 1 درهم في اليوم

    طبعا بتقولون لي من وين الارباح وكيف بيكون التسويق وشسالفه الحين فبقول لكم ماراح اكمل لازم تفكرون شوي ونشوف افكاركم وكيفية الوصول لارباح توصل 1000% سنويا وتسويق المنتج مع ان سعر الخدمه وايد رخيص

    وبقول لك ان شالله شلون على اخر اليوم او بكره بالكثير وبتشوفون ان الموضوع سهل ان شاء الله بس هالمشروع نحتاج للتسويق اكثر شي والاداره الماليه صح عشان توصلون لهالارباح ان شالله بهالراس المال الصغير جداااا

    وللحين باقي مشاريع بدون رؤوس اموال او برؤوس اموال صغيره وبعضها مجرب وكل فتره بقول واحد منهم عشان مايصير تشتتيت

    وبالتوووووووفيق ان شالله اخووواتي واخواني




  3. #3
    متداول AD- is on a distinguished road
    تاريخ التسجيل
    Mar 2007
    المشاركات
    51

    يعطيك العافيه اخوي نايف

    الفكره الاولى ممتازه

    الفكره الثانيه مقبوله نوعا ما
    بس بننتظر النهايه




  4. #4


  5. #5


  6. #6


  7. #7
    مـتداول نشط الرشيد is on a distinguished road الصورة الرمزية الرشيد
    تاريخ التسجيل
    Apr 2007
    المشاركات
    1,458

    كلام جميل بس ممكن اسالك اي شركة اعلانات لي توافق انها تعطيك اعلانات على النسبه اذا ممكن ادلني عليهم




  8. #8
    عضو جديد كاشخ is on a distinguished road الصورة الرمزية كاشخ
    تاريخ التسجيل
    Jan 2007
    المشاركات
    17

    [align=center]السلاااام عليكم[/align]
    [align=center]الأخ المبدع نـــايــف .. مشكور فديتك على أفكارك ومشاريعك الخارقه [/align]

    المشروع الأول: فعلآ رائع ويستحق عناء التجربه
    لكن عندي استفسار ؟؟ لو بغيت أنفذ المشروع .. كيف بوصل لشركات القيمه المضافه وشركات الإعلان ( ماعرف حد يشتغل هالشغله ) .. يعني نبا منك دعم معلومات

    وبالنسبه للمشروع الثاني : أيضآ رائع كفكره .. وأتصور ان الخطه هي : انك تجمع أكبر عدد من المشتركين وكل مشترك يدفع باليوم 1 درهم حتى لو ما احتاج المساعده
    يعني !! : لو مثلآ صار عندك من خلال الإعلانات 2000 مشترك .. صار دخلك اليومي 2000 درهم يعني شهريآ 60000 درهم ..
    والمصاريف هي : اجار المكتب وراتب الموظف وتكاليف خدمة المشتركين .. وعلى فرض انه كل يوم واحد من هالألفين مشترك بيستوي عنده مشكله ..
    يعني المصاريف اليوميه كالتالي :
    150 درهم يوميآ اجار المكتب ( على فرض انه الاجار السنوي 60000 تقريبآ )
    160 درهم يوميآ راتب الموظف ( على فرض ان راتب الموظف 5000 شهريآ )
    300 درهم يوميآ لخدمة المشتركين (مع اني لاأتوقع انها توصل للـ 300 .. أتوقع تكون أقل )
    90 درهم مصاريف نثريه ( يعني فاتورة تيلفون وشاي وقهوه هههه .. الخ )
    وبهالشكل بتكون أرباحك اليوميه تقريبآ 1300 درهم .. يعني شهريآ 39000 درهم ( أرباح وااايد زينه )
    شوو رايك بالخطه ؟؟ صح ولا غلط ؟؟؟
    تحياااااتي لك .. واتريا منك الرد


  9. #9
    متداول ذهبي مستثمر ظبياني is on a distinguished road الصورة الرمزية مستثمر ظبياني
    تاريخ التسجيل
    Mar 2007
    المشاركات
    2,716

    السلام عليكم

    رك انا حاضر وعلى اوسع لو حبيت



    اخوي نايف بخصوص الموضوع الاول تبا نتشارك انا حاضر وعلى اوسع لو حبيت


    اما بخصوص الموضوع الثاني انا اشتغلت فيه وفكرت مثل ما انت فكرت لكن صدقني ما نفع

    والسموحه




  10. #10
    مـتداول نشط ابو احمد 25 is on a distinguished road الصورة الرمزية ابو احمد 25
    تاريخ التسجيل
    Apr 2005
    المشاركات
    1,090

    مبدع ما شاء الله عليكم
    انا عندي استفسار بخصوص المشروع الاول
    1)ماهي شركت الاعلان
    2)كيف حجز الرقم من الاتصال
    وكيف اعرف عدد المسجات التي وصلت على المسابقه
    وكم سعر المسج الواحد

    تحياتي
    بو احمد


    لا اله الا الله محمـــــــــــــد رسول الله


موضوع مغلق
صفحة 1 من 7 1 2 3 4 5 6 7 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك