منتدى الإمارات للأوراق المالية

هذا الموقع متخصص بأسواق دبي و أبو ظبي المالية و هو أحد مواقع شبكة منتديات Yahoo مكتوب. انضم الآن و احصل على فرصة متابعة أخبار و معلومات و تقارير الاسواق المالية المحلية و العربية و العالمية.



+ الرد على الموضوع
النتائج 1 إلى 9 من 9
Like Tree0Likes

الموضوع: دخيلكم ابا مساعدتكم ضروري بخصوص

  1. #1
    عضو جديد الشحي2 is on a distinguished road
    تاريخ التسجيل
    Jan 2008
    المشاركات
    78

    دخيلكم ابا مساعدتكم ضروري بخصوص

    عندي لكزس 430 ls إلترا ومن يومين رفعت الهيدروليك ورديت نزلته بس أحس أن التاير إللي ورا عاليمين نازل زيادة والموتر مرتفع من جدام يعني الهيدروليك أخترب فبغيت حد يخبرني مكان يعرفون له يكون في الشارقة أو عيمان ولو حد عنده هيدروليك يبا يبيعه بعد ياريت يخبرني والسموحة منكم .
    أتمنى منكم أنكم ما أطنشون موضوعي
    أخوكم محمد




  2. #2
    متداول متميز الاماراتي is on a distinguished road الصورة الرمزية الاماراتي
    تاريخ التسجيل
    Oct 2005
    المشاركات
    2,270

    أن شاءالله أخوي محمد الشباب مابيقصرون




  3. #3


  4. #4


  5. #5
    مـتداول نشط BlowOff_Valve is on a distinguished road الصورة الرمزية BlowOff_Valve
    تاريخ التسجيل
    Jul 2006
    المشاركات
    722

    قبل لا توديها الكراج بس جرب

    (( أرفع الهيدروليك - بند السياره - أفصل البتري - خلها شوي ورد ركبه - شغل السياره ونزل الهيدوليك ))

    أنشالله تضبط معاك




  6. #6
    متداول اهم واحد is on a distinguished road الصورة الرمزية اهم واحد
    تاريخ التسجيل
    Aug 2007
    المشاركات
    246

    سعر الهيدروليك في وكالة بهوان 1600 درهم
    وتبديله ب 50 درهم عند اي واحد راعي جامبينات
    بس انتبه ترا اكثرهم ما يعرفون حق اللكزس
    يعني
    لازم اذا تريد تبدل الجامبين تفك الكرسي الي ورا واذا كانت كراسيها متحركه في الخلف بيكون صعب عليهم شوي
    بس هم طبعا ما بخبرونك انهم ما يعرفون لها
    بيقولون معلووووووووم
    وبخربون لك الدنيا
    بالتوفيق




  7. #7
    مـتداول نشط الفلاسي is on a distinguished road الصورة الرمزية الفلاسي
    تاريخ التسجيل
    Jan 2006
    المشاركات
    350

    Post

    السلام عليكم ورحمة الله وبركاته

    اشحالك الغااااالي ؟؟ عسالك بخير وسهاله


    الغااالي هل الهيدروليك الخلفي اللي عندك يوم ترفع السيارة يرتفع ( اذا يرتفع يعني انه شغال ) ولا يبغيله تبديل ولا شي

    الهيدروليك يبغيله ميزانية ( تقريبا كل 6 شهور لازم تعمل ميزانية للهيدروليك الخلفي ) والطريقة سهلة


    وهاي الطريقة لعمل ميزانة لهيدروليك اللكزس LS 430 ( قبل كل شي تأكد من الهوا في التواير كلهن 32 )

    1- وقف السيارة ع أرضيه مستوية عشان القياسات يطلعن صح ورا التاير بتحصل سنسر لميزانية الهيدروليك ( بتشوف الصورة تحت ) خل السيارة شغالة والهيدروليك NORMAL مب يكون الموتر مرفوع

    2- يبلك اسبانة رقم عشرة

    3- ارخي ع برغي السنسر الخلفي وحاول ترفع أو تنزل السنسر ( بتشوف السيارة ترتفع يوم ترفع السنسر وتنزل يوم تنزل الحدية مال السنسر )

    ضبط السنسرات الخلفية عدد 2 ورد رص ع البرغي وان شاء الله بتشوف الموتر واقف سيدة مب نازل من أي طرف واي استفسار نحن حاضرين مايردك غير لسانك








  8. #8
    عضو جديد الشحي2 is on a distinguished road
    تاريخ التسجيل
    Jan 2008
    المشاركات
    78

    مشكوريين أخواني ع ردودكم والله ماقصرتوا وفي ميزان حسناتكم إنشاء الله . وعن الهيدروليك وديته كراج تقي في الشاجة وسوالي ميزانية وضبطلي السنسرات وخذ عني 400 درهم ماعرف إذا السعر مناسب ولا لأ بس يالله الحمد لله




  9. #9
    عضو جديد bo maryam is on a distinguished road
    تاريخ التسجيل
    May 2008
    المشاركات
    20

    بالتوفيق ياخوي



    من مواضيع العضو
    تركشن ال Fj



معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك