منتدى الإمارات للأوراق المالية

هذا الموقع متخصص بأسواق دبي و أبو ظبي المالية و هو أحد مواقع شبكة منتديات Yahoo مكتوب. انضم الآن و احصل على فرصة متابعة أخبار و معلومات و تقارير الاسواق المالية المحلية و العربية و العالمية.



+ الرد على الموضوع
صفحة 1 من 2 1 2 الأخيرةالأخيرة
النتائج 1 إلى 10 من 12
Like Tree0Likes

الموضوع: رحلتي الى.... مكه المكرمه والطائف....صور

  1. #1
    متداول متميز FaHaD_82 is on a distinguished road الصورة الرمزية FaHaD_82
    تاريخ التسجيل
    Oct 2006
    المشاركات
    1,621

    رحلتي الى.... مكه المكرمه والطائف....صور

    السلام عليكم

    اليوم يايبلكم مجموعة صور من رحلتي لمكه لأداء العمرة ونفس الوقت خذيتلي جوله فالطائف بصراحه روووووووعه. لحسن الحظ يوم كنت ادور على (تاكسي) لقيتلي واحد باكستاني لكنه مولود في مكه وماطلع منها.. وماقصر وداني كل الاماكن تقريبا وساعدني في التصوييير خخخخخخ

    ما بطول عليكم اخليكم مع الصور

    اول شي طبعا سرت الطائف ....وهذي صورها

    شووووف سبحان الله كيف الصخور مرتبه تقول حد مصصفنها ومرتبنها!




    القرود على افا من يشيييل ههههههه شرات ماتشوفون القطاو عندنا هم نفس الشي بس قرود بالهبل فالشوارع



    هذي منطقة (الهدا) منطقة عاااليه جدا ومن فوق تقدر تشوووف مكه المكرمة بأكملها مثل ما واضح فالصور





    وبعدين الله يسلمكم سرت منطقة الشفا وهذي تقدر تقول جنة الله على الارض....طبيعه ما بعدها طبيعا تسمع اصوات الطيور والقروود وتشووف الخضرة في كل مكان ودرجه الحراره بحدود 19-20 درجة مئويه يعني شي خيااالي وفيها غابات رهيبه ....شوفو الصور والفيديوز


    طبعا وصلنا الساعه 3.30 الظهر والمطاعم اغلبها مقفله

    ومالقينا غير البقاله..هاذا الميراندا مالهم عجييييييييييييييييييييييييييييييييييب


    شوووف الجبال كيف على شكل طبقااات...سبحان الله




    شووف المنظر الرومانسي خخخخ





    طبعا هذه الفواكه كلها فرشششششش من المزارع

    واحلى شي عصير التوت يعصر التوت في دبه وتشربه فرشششششششششششششش لذييييييييييذ


    أم اربعه واربعين !




    هذه اشجار (البرشومي)طبعا موسمها فالصيف ..بس شكلها غريب !...وهذي كانت اخر محطة في الطائف

    [/img]https://uaesm.maktoob.com/up/uploads/049a040406.jpg[/img]





    ننتقل الى مكه المكرمة

    صوره الحرم من الخارج ..هذا بعد ماعتمرت تقريبا الساعه 3.30 الفجر





    صوووره الكعبه قبل صلاة الفجر بدقائق شوف ما اكثر الناس اللي يطوفون ما شاء الله









    وهذي صورة للكعبه المشرفه بعد صلاة الجمعه مباشرة والدنيا حرر نااار لكن مع ذلك في ناس يطوفون حواليها






    اليوم الثاني خذيتلي جوله في مكه والمناطق اللي حواليها

    اول شي عرفات




    بعدين جبل الرحمه




    شو رايكم فالحركه ...مدري ليش حسيت اني معرس في ايام الجاهليه خخخخخخخخ



    شووف الحجارة شكلها غريب ...سبحان الله



    بعدين كملنا مشوارنا على مزدلفة ومنى





    وآخر شي سرنا جبل النور



    طبعا هلكت وانا اصعد كل شوي اوقف اريح يمكن خذنا ساعه بس نصعد والله للحين ريولي تعورني...



    هذه قمة الجبل طبعا في ناس ساكنه هناك!



    لكن بعد التعب تشوف هالمنظر شو يستوي فيك؟



    طبعا هني مدخل الغار



    وكالعادة اصدقائنا موجودييين خخخخخخخ



    شو رايكم ؟



    تـــــــــــــــــــــــــــــــــــــــــــــــــ ـــــــــــــــــابع..................




  2. #2
    متداول متميز FaHaD_82 is on a distinguished road الصورة الرمزية FaHaD_82
    تاريخ التسجيل
    Oct 2006
    المشاركات
    1,621

    شوف الفتحه كيف ظيقة لكن سبحان الله مهما كان طولك او عرضك تقدر تطوووف !



    وبعد ماتطوف الغار بشوي توصل لحد الجبل وتقدر تشوووف مكه بكبرها ولو تلاحظوون حتى الحرم واااضح فالصوره منور!..سبحان الله






    وهذه كانت اخر محطه في مكه

    وبعدها رحت جدة ومن جده رحت الرياض بس ما صورت لاني ما طولت ساعات قليله ورجعت البلاد

    بس نصيحه للي لين الحين ما زار مكه اقوله روح اعتمر لان صدق تغير نفسية الانسان وتخليه يرجع لعقله ويفكر في اشيا كثيره ما كانت بالحسبان

    الحمدلله على كل شي عسى الله يكتبلي عمر واعتمر مرة ثانيه وثالثه ورابعه ...

    اتمنى الموضوع عجبكم وما ثقلت عليكم

    بس لا تنسوون ....جميع الحقوق محفوظة.....تصويري




  3. #3


  4. #4
    Banned FRESH is on a distinguished road
    تاريخ التسجيل
    Mar 2008
    المشاركات
    276

    يا سلااااام والله صور ولا احلى واماكن ولا اطهر منها

    والحمد لله على السلامة والله يتقبل الطاعات ان شاء الله




  5. #5


  6. #6
    مـتداول نشط مكتب استشاري is on a distinguished road
    تاريخ التسجيل
    Mar 2008
    المشاركات
    442

    مبروووووك عليك العمره

    وعقبال الحج ان شاء الله

    وحمدا لله ع السلامه


    ماشالله مشبع السبلان بيبسي وسفن أب


    افتقدناك ف المنتدى





  7. #7
    متداول فلان is on a distinguished road الصورة الرمزية فلان
    تاريخ التسجيل
    Apr 2005
    المشاركات
    217

    السلام عليكم

    الله يتقبل عمرتك يارب العالمين

    وماشاء الله تصويرك حلو ومع الصور حسينا الايام ترجعنا وتذكرنا بأيام الحرم لما كنا هناك

    الله يكتب لنا ان نزور الحرم مره الرابعه بإذن الله
    ويكتب لنا ان نحج الى بيته الكريم

    وعيبتني سالفت القرود صراحه طماشه ^_^


    اشكرك اخوي وماقصرت ونننتظر يديدك




  8. #8
    عضو متميز مضارب مغامر is on a distinguished road الصورة الرمزية مضارب مغامر
    تاريخ التسجيل
    Feb 2008
    المشاركات
    3,862

    تقبل الله طاعتك اخوي فهد ..



    لا عاد كله بصوب ولما يقول الجو حلو تسمع اصوات الطيور والقرود .. يعني من حلاه اصوات القرود خخخخخخخخ




    ما قلت لنا اخوي فهد وين سكنت ؟ وشو مكه هالوقت زحمه؟




  9. #9
    متداول متميز FaHaD_82 is on a distinguished road الصورة الرمزية FaHaD_82
    تاريخ التسجيل
    Oct 2006
    المشاركات
    1,621

    dubaieye

    تقبل الله منا ومنكم ان شاء الله

    شكرا عالمرور


    FRESH

    الله يسلمك اخوي

    تسلم عالمشاركه


    الفلاسي 1

    الله يسلمك الغالي وعقبال الحج مثل ما قلت

    شرفتنا بمشاركتك


    مكتب استشاري

    الله يبارك فيك عقبالك

    وعن السبلان ها ولا شي والله عندي فيديو عجيييب بس للاسف حاولت انزله ماستوى مادري ليش بحاول انزله عقب

    اشتاقتلك العافيه حبوب ونورتنا بمشاركتك

    فلان

    شكرا عالاطراء بس للاسف بعض الصور مب واضحه لان ها تصوير تلفون

    الحمدلله ان ذكرتك بشي زين يالله شد حيلك وسير

    شكرا عالمشاركه

    مضارب مغامر


    خخخخخخخخ انا يوم ذكرت اصوات القرود كنت اقصد ان الطبيعه فظيعه اشجار كبيره جبال عاليه والغيوم تحتك والقرود تاكل من ايدك والله كشخه

    تسلم على اثرائك للموضوع حبوب




  10. #10


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك