منتدى الإمارات للأوراق المالية

هذا الموقع متخصص بأسواق دبي و أبو ظبي المالية و هو أحد مواقع شبكة منتديات Yahoo مكتوب. انضم الآن و احصل على فرصة متابعة أخبار و معلومات و تقارير الاسواق المالية المحلية و العربية و العالمية.



+ الرد على الموضوع
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 58
Like Tree0Likes

الموضوع: حقيقه عن السيارات الامريكيه

  1. #1
    مـتداول نشط AL-YASI is on a distinguished road الصورة الرمزية AL-YASI
    تاريخ التسجيل
    Sep 2006
    المشاركات
    588

    حقيقه عن السيارات الامريكيه

    اخواني واخواتي السلام عليكم حبيت اطرح لكم موضوع جامد جدا" وهو حقيقه عن السيارات الامريكيه واتحدا ان يكون هناك احد معارض على كلامي. اولا" دائما" نسمع ان السيارت الامريكيه مختلفه عن السيارات الخليجيه وانها ليست جيده للاستعمال في الخليج. وان هناك نقص في السيارات الوارده من امريكا مقارنه بالسيارات الخليجيه .انا اسف هذا الكلام غير صحيح وغير منطقي وخصوصا بعد ان جئت انا شخصيا في ولاية كاليفورنيا وولاية اريزونا وولاية تكساس واكتشفت هذا :

    1: الجو والله نفس الجو نفس الحر ونفس البرد يعني السياره تمشي عندنا في الخليج

    2: السياره فيها مواصفات اكثر من السياره الخليجيه من ناحيه القوه والمزايا يعني السيارة الامريكيه تسبق السياره الخليجيه وفيها اشياء اضافيه .وهذا له ثمن غير محسوب من قيمة السياره !

    3: السياره سعرها ارخص من السياره الخليجيه والسبب ما عندهم احتكار نفس عندنا مثلا" ابا لكزس هنا في امريكا 20 الف وكالة لكزس مب الفطيم وبهوان وبس وسبب الرخص الاقتصاد الامريكي نازل في الوقت الحالي يعني فرصه الشراء الحين

    4: السياره المستعمله تكون حالتها نظيفه جدا"من حالة السيارة المستعمله في الخليج لا ويوم تيي اتبيع ايقولك راعي المعرض هاذي مب خليجيه وانا شو ابا السيارة الخليجيه المكسره على السيارة الامريكيه النظيفه


    والله يا جماعه موضوع شيق لان تكتشف فيه التلاعب من اهل المعارض وخصوصا" من ناس غير مثقفين وظيفتهم في الحياة التلاعب بعقول الناس وسلب اموالهم على العموم انا عارض الموضوع لان هناك سبب وجيه يجعلني اعرض هذا الموضوع وهو ان الاقتصاد الامريكي في الحطيط وانا اقووول لاي واحد يبغي يشتري سياره سواء مستعمله او جديده اشتر سيارتك من امريكا والله انك ما بتندم ابدا" نصيحه مني لاخواني واخواتي اعضاء المنتدى .كل شي حلو وممتاز في السعر والمواصفات وقوة تحمل السياره للطقس وتضاريس الخليج بس المشكله هل تستطيع ان تصبر شهر لين توصل سيارتك ؟ اذا نعم اذا" امريكا لانها فرصه الكل مديون ويبغي يبيع . انا طالب في امريكا ادرس تجارة وحبيت افيدكم في هالموضوع اخوكم الياسي


    التعديل الأخير تم بواسطة AL-YASI; 08-10-2008، الساعة 12:46 AM سبب آخر: غلط املائي


  2. #2
    متداول almoot is on a distinguished road
    تاريخ التسجيل
    Sep 2008
    المشاركات
    102

    تسلم غلى الموضوع


    وانا عندي لكزس وارد امريكا استخدمها من سنتين وحمدالله ما اشتكيت من شي




  3. #3
    مـتداول نشط نشمي is on a distinguished road
    تاريخ التسجيل
    Apr 2008
    المشاركات
    540

    شيخي .. انا بنفسي وبغيت اشتري كامري وارد امريكي وكنت خلاص باخذها الا واحد قالي ترا هذي السيارة مقصوصة وتم تلحيمها وصبغها عدل .. وسرت لين راعي المحل وقلت له الموضوع قالي صح وقلت له ليش ما قلت لي قال انت ما سالتني شي .. عموما السيارات الوارد من امريكا الموجوده بالمنطقة العربية اعتقد انها 100% مدعومة وتعدلت يا اما هنا او هناك بامريكا ونادر جدا جدا جدا تجد سيارة غير مدعومة قادمة من امريكا .

    وبخصوص المواصفات بالفعل تجد مواصفات السيفتي للامريكي اقوى والمواصفات من الداخل افضل من ناحية السي دي للمسجل + التكييف شكله غير + الشكل من الداخل . اما الشكل الخارجي اعتقد الخليجي افضل يكون بفارق بسيط جدا اضافة الى ان الحرارة في الامريكي تلاحظ ارتفاع الحراة وايضا بعض قطع الغيار لا تجدها الا بالشارقة .

    والله اعلم




  4. #4
    مـتداول نشط alshamsi_473 is on a distinguished road الصورة الرمزية alshamsi_473
    تاريخ التسجيل
    Apr 2008
    المشاركات
    613

    عمي انا من تعلمت السواقه وانا اسوق امريكي ولو على الناس والله مابتوصل لمكان




  5. #5
    مـتداول نشط المهـ الدحيل ـيري is on a distinguished road الصورة الرمزية المهـ الدحيل ـيري
    تاريخ التسجيل
    Apr 2005
    المشاركات
    1,286

    مشكور اخوي الياسي على موضوعك الشيق

    وحبيت ازيد على كلامك من التجربه

    احد اصدقائي عنده بي ام 545 موديل 2006 واكتشف فيه نظام وهو مب عارف شو هذا

    المهم سرنا الوكاله عسب نتخبرهم

    قالوله هذا النظام يخلي الكمبيوتر يفصل كل الدوائر الكهربائيه عن السياره في حالة وقوع حادث قوي لاسمح الله عسب ماتتسبب في احتراق السياره

    ويوم سالناه هل الخليجي فيه هالنظام قال طبعا لا

    خلها على الله

    اسعار عاليه على الفاضي بس

    والأسم خليجي




  6. #6
    مـتداول نشط AL-YASI is on a distinguished road الصورة الرمزية AL-YASI
    تاريخ التسجيل
    Sep 2006
    المشاركات
    588

    الموت تسلم على المرور وانشالله يعطيك خيرها ويكفيك شرها يا الشيخ بس قول ماشالله ترى ما يحسد المال الا اصحابه الله يبارك لك فيها

    النشمي هذا موضوع ثاني انه غش في البيعه . الغش موجود في كل مكان يا خوي في امريكا او في بلادنا المهم كل واحد وضميره. في ناس عفنا الله ياكلون الحرام في بطونهم .يا بويه الحلال موجود والحرام موجود وكل واحد والي يبغيه المهم انته دخلتنا في موضوع ثاني الي هو غش في التجاره او البيعه انته لا تشتري شي الا وسأل عنه في كل شي وفاحصنه فحص جيد والله ساعات تشتري شي من ناس ثقه بدون فحص ولا شي وتكون سعيد بالشي الي اشتريته . على العموم لا تحط افلوسك الا مع الانسان الثقه يا النشمي والله يوفقك ومشكور على المرور




  7. #7
    مـتداول نشط AL-YASI is on a distinguished road الصورة الرمزية AL-YASI
    تاريخ التسجيل
    Sep 2006
    المشاركات
    588

    يسلمو يا الشامسي على المرور وما فيك حيله يا راعي الامريكي

    المهيري يسلمو على المرور وكلامك ما عليه غبار يا بن عمي السيارات في اوربا وامريكا يصنعونهن صناعه جيده اما الصناعه الخليجيه مال مش حالك والله اكتشفت شي الكروزر البيك اب والنيسان بترول ممنوع يدخل امريكا تعرف ليش لانه مافيه سيفتي سياره خطيره على الشارع ونحن في الامارت الا نيسان بترول وكروزر والله يرحم امواتنا




  8. #8
    عضو جديد dlhaikal is on a distinguished road
    تاريخ التسجيل
    Dec 2007
    المشاركات
    33

    معاك بس ....................

    اخوي انا معاك في هاالكلام لكن بعض قطع الغيار تختلف في السيارات الوارد . صح ان المواصفات احسن بس في مشكله عدم توفر قطع الغيار مثلا اذا اخترب الهيدروليك في الكزس ls400 موديل 1992 ما بتحصل سامانه لان الخليجي ما في هيدروليك وانتظر القطع الغيار لين ما توصل من امريكا او اذا اخترب الكمبيوتر للكزس الواردls400 ما تقدر تركب كمبيوتر خليجي لان المواصفات الوارد احسن احيانا تحصل كراسي فيها تدفئه او فيها تيلفون او هيدروليك وكل هذا وزيادة في الوارد بس المشكله الوحيده هي



    قطع الغيار




  9. #9
    مـتداول نشط safsuf is on a distinguished road الصورة الرمزية safsuf
    تاريخ التسجيل
    Oct 2007
    المشاركات
    416

    Uae99

    اقتباس المشاركة الأصلية كتبت بواسطة dlhaikal مشاهدة المشاركة
    اخوي انا معاك في هاالكلام لكن بعض قطع الغيار تختلف في السيارات الوارد . صح ان المواصفات احسن بس في مشكله عدم توفر قطع الغيار مثلا اذا اخترب الهيدروليك في الكزس ls400 موديل 1992 ما بتحصل سامانه لان الخليجي ما في هيدروليك وانتظر القطع الغيار لين ما توصل من امريكا او اذا اخترب الكمبيوتر للكزس الواردls400 ما تقدر تركب كمبيوتر خليجي لان المواصفات الوارد احسن احيانا تحصل كراسي فيها تدفئه او فيها تيلفون او هيدروليك وكل هذا وزيادة في الوارد بس المشكله الوحيده هي




    قطع الغيار
    شي محلات قطع غيار اصليه للخليجي والامريكي وبنفس السعر
    انا استخدمت كامري امريكي وجي اس امريكي وكل القطع متوفره




  10. #10
    متداول السكب is on a distinguished road الصورة الرمزية السكب
    تاريخ التسجيل
    Oct 2007
    المشاركات
    108

    السلام عليكم ورحمة الله وبركاته .


    في البداية أتشكرك أخوي الياسي على طرح مثل هذا الموضوع فهو بالفعل السيارات الأمريكية بغض النظر عن ما اذا كانت مستعملة أو يديدة من المصنع فهي أحسن بكثير عن السيارات الخليجية وبالأخص سيارات الاماراتية لأن لو ترجع لدول الخليج وتقارن المواصفات السيارات الخليجية الأخرى مع سيارات الامارات بتلقى أن هناك مواصفات موجودة في السيارات الخليجية مثل قطر والسعودية وعمان وأخص بالذكر ( وكالة بهوان) ومب موجودة في سيارات الاماراتية .


    أما بالنسبة للسيارات الأمريكية فأرى بأنها تتميز كل التميز عن السيارات الخليجية من ناحية المواصفات الالكترونية وفي المقام الأول الأمان الللي متوفر فيها ما تلقاه في الخليجية . والسعر طبعا مفروغ منه .


    قبل 4 شهور طلعنا على وكالة المزيراتي عشان سيارة التوريزوم الباب واحد اليديدة ... فعرضت الوكالة علينا بسعر 620 ألف درهم طبعا مب لي لأخوي ...فقام الشقيق بصرف النظر عن موضوع الشرا من الوكالة فقام وسوى طلب من المصنع في أمريكا مع ان السيارة إيطالية فلقى ان المواصفات أحسن بكثير عن مواصفات اللي هنا في البلاد ( tuch screen الشاشة - بلوتوث - الالوان المختارة في السيارة لون الخيط والكراسي - حتى لون الصفايف من اختيارك ) المهم السيارة وصلت البلاد عالزيرو مع الشحن ورسوم التأمين بــــــــــــ 485 ألف درهم . ومن ثم راح للوكالة وفتح ملف للسيارة بـــ 15 ألف درهم

    فشو رايكم بهالسيناريو كله .620ألف ناقص 480 ألف = 135 ألف درهم الشقيق ربح من ورا توريد السيارة من أمريكا وهو يالس في البيت ريل على ريل .

    ما أبغي أطول عليكم لأن موضوعي بياخذ مجراه في التعليق من خلالكم


    وموفق أخوي الياسي




معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك