منتدى الإمارات للأوراق المالية

هذا الموقع متخصص بأسواق دبي و أبو ظبي المالية و هو أحد مواقع شبكة منتديات Yahoo مكتوب. انضم الآن و احصل على فرصة متابعة أخبار و معلومات و تقارير الاسواق المالية المحلية و العربية و العالمية.



+ الرد على الموضوع
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 46
Like Tree0Likes

الموضوع: كيف تبدأ تجارتك ؟ عندك مبلغ بسيط ؟ تفضل !!

  1. #1
    مـتداول نشط مغرور بس معذور is on a distinguished road الصورة الرمزية مغرور بس معذور
    تاريخ التسجيل
    Jun 2008
    المشاركات
    371

    كيف تبدأ تجارتك ؟ عندك مبلغ بسيط ؟ تفضل !!


    بسم الله الرحمن الرحيم
    السلام عليكم والرحمه

    أكيد طبعا اللي داش هالقسم يدور على المشاريع وطرق لزايده راس ماله،،، والأغلب يدورون على مشاريع براس مال بسيط كبدايه يعني من 10.000 الى 50.000 ألف ...
    /
    \
    لكن انا مستغرب من اللي عنده مبلغ 20 الف // ولا عارف شو يسوي فيه ويقولك مافي مشروع يبتدي ب 20 ألف !
    غلطان // × \\ غلطان
    نحن مشكلتنا نشوف أصحاب المشاريع الكبيره ونحاول ندخل تجارتهم !!
    لكن ما فكرنا ؟
    \
    /
    كيف اصحاب المشاريع الكبيره وصلو الى هالمستوى ؟؟!!
    ما فكرنا كيف بدأوا مشاريعهم وكم عانو وتعبو ؟
    في ناس ضربت عندهم الصدفه وطلعو مره وحده !!
    وهذا مب حظ لان هذا توفيق من الله والله يزيدهم من خيره
    /
    \
    كلامـ ــ ــ ـ ـــي للي حاب يبتدي تجاره ولا عارف من وين ؟؟!!
    - أول شي حط في بالك ان راس المال مب أول شي تفكر فيه
    - ثاني شي في عمليه لازم تكون متوافقه مع بعض وهي ( ميولك التجاري ) + ( حركه السوق )
    .......* يعني مب واحد ما يخصه في الأرقام يقولك انا بتاجر في الأرقام لان سوقهم ماشي !! وما عنده ادنى فكره عنهم !!
    .......* او شخص يفكر بتجاره بضاعه حركه السوق فيها تعبان !!
    // لازم نربط بين العاملين الميول التجاري وحركه السوق عشان كل واحد يحب الشغله اللي يتاجر فيها ويحاول يطور فيها بالمستقبل لانه يحبها //
    - ثالث شي وأعتبره أهم شي هو (( التسويق )) كيف نوصل البضاعه للاشخاص المناسبين ؟
    كيفيه وضع اعلانات ؟ في المنتديات المواقع في بوسترات في اماكن مناسبه ؟
    صدقوني العامل الأخير هو أهم عامل وبقولكم ليش تحت ...


    أكيد للحين في أشخاص بعد هالكلام يتساألون كيف ابتدي !!
    معقوله ؟؟
    انا بقولكم
    أكيد معظمكم يعرف ان الاسعار خارج الدوله ارخص بكثير وانا اتكلم بالتحديد عن امريكا
    وكتجربه البضاعه اللي تنباع هني ب 2500 درهم يكون سعرها في امريكا 500 درهم !! ( طبعا مب كل البضاعات ولكن اغلبها )
    تقولون معقوله يعني فايده الشخص 2000 درهم من كل قطعه اقولهم هيه 2000 درهم ولكن لازم نحسب الشحن كم بيكلف ؟ طريقه الاعلان كم بتكلف ؟ طريقه توصيلها كم بتكلف ؟
    ولكن في النهايه نحن مستفيدين طبعا
    الحين بقى شي واحد عرفنا ان السعر بالخارج ارخص وبالدوله اغلى بفارق كبير
    كيف نقدر نوصل للبضاعه ؟
    في طريقتين :-
    1- نتعامل مع شخص ايبلنا البضاعه ولكن لازم يكون موثوق منه
    2- نطلب البضاعه عن طريق النت ويكون عندنا بريد في امريكا ،،،، البعض يقول السالفه معقده اقولكم //لا\\ ،، سيرو اقرب فرع اراميكس وقولولهم نبي بريد خارج الدوله بيعطونكم بريد في امريكا وبريد في بريطانيا وباقل عن 200 درهم رسوم الاشتراك
    طيب خلصنا من سالفة البريد ؟ بقى ندخل موقع موثوق منه ( وبصراحه انا تعاملت مع وايد مواقع ولا اعرفها وما حصلت قصور منهم ) ونطلب منه البضاعه المناسبه ونعطيهم البيانات اللي في امريكا او بريطانيا
    خلال 5 ايام بالكثير بيتصلون عليك اراميكس ويقولون لك في بضاعه وصلتك
    واخيرا نسوي اعلانات حلوه وفي مكان مناسب

    -----------------------


    والحين بتكلم عن تجربتي
    من 8 أشهر تقريبا حصلت شخص يوفرلي بضاعه الكترونيه مستهلكه من قبل الشباب بسعر حلو
    والبضاعه متميزه
    في البدايه كنت متخوف وما كان عندي راس مال غير 7000 درهم قلت بغامر
    واشتريت بضاعه بالمبلغ اللي عندي
    وشوية دعايا والبضاعه ما كملت 3 ايام !! وانباعت !!
    فايدتي كانت في البدايه من كل قطعه300 درهم والـ 5 قطع اللي اشتريتهم انباعو في يومين !!
    يعني 1500 فايده يومين !!
    الحمدالله الحمدالله المدالله

    على نفس الموال اشتريت بضاعه وما كملت يومين وانباعت !!
    كملت اسبوع على هالحاله !! وعدد القطع زادو عندي وعدد الطلب زاد !!
    والبضاعه قمت ايبها بسعر ارخص عن قبل يعني فايدتي صارت 400 من كل قطعه !!
    والحمدالله خلال شهر صار عندي راس مال محترم
    والحمدالله من بعد اول شهر ما صرت اصرف من راتبي درهم واحد !!
    /
    قلت دام الله انهم علي بالخير لي ما افيد غيري وبنفس الوقت استفيد ؟
    قلت بشغل ربعي في التجاره !! طيب كيييف ؟ هم مستعدين يدفون المال بس يشاركوني ،، لكن انا مب ناقصني المال !!
    ناقصني تسويق !!
    قلت لهم اللي ييبلي زباين اعطيه نسبه من الارباح ( من كل قطعه )
    الموضوع مشا والحمدالله وكل يومين يدقون في عندنا كذا زبون ،،
    يعني باختصار نظام الشبكه
    /
    طبعا هذا كله من بضاعه وحده !!
    واكيد تبون تعرفون شو البضاعه؟ اقولكم الدور الاساسي مب في نوع البضاعه الدور الاساسي اني ربطها مع وضع الطلب وحركه السوق وسويتلها اعلانات
    على سبيل المثال بنكلم عن نظاره تنباع في كارفور وسعرها بـ 100 درهم وشكلها حلو وممكن تعجب ناس كثار
    طيب ليش ما ناخذ لنا حبه كتجربه ونصورها وشويه اعلانات ونبيعها ب 150 او 200 ؟؟
    تقولون موجوده في السوق شو الفايده ؟
    مب كل الناس يسيرون كارفور ،، ومب كل شخص يسير كارفور يشوف النظاره
    وفي النهايه هذي تجاره يعني اللي يقولك والله حصلتها ارخص قوله توكل واشترها هذي تجاره وكل شخص يستفيد من وراها
    \
    اللي ابي اقوله مب كل شي ينباع الناس يعرفون من وين ؟!!
    /
    لكن ظلت في مشكه بسيطه
    نفرض ان في شخص ياب نفس البضاعه ويبيعها ارخص يعني بفايده اقل !!
    شو الحل ؟
    نتواصل معاه طبعا ونحاول نوحد الاسعار
    وفي النهايه الرزق على الله
    والله بيبارك في حلالنا وفي تجارتنا

    لا تقولون 100 درهم شوي لكل قطعه وفايده قليله
    لو نحسبها ونشد حيلنا ونبيع 3 قطع كل يوم
    يعني كل يوم فايده 300 درهم × 30 يوم = 9 آلاف درهم شهريا !!
    نقول 2000 درهم شهريا للاعلانات او في الويكن ما نبيع !!
    يعني 7000 درهم شهريا من بضاعه وحده
    تقولون مستحيل كل يوم 3 قطع تنباع اقولكم بتي ايام تبيعون فيها 10 قطع كل يوم والله يعينكم كيف بترتبون جدولكم
    شو رايكم انوع في البضاعه ؟ وعدد القطع يزيد ؟
    اترك الحساب عندكم

    شدو حيلكم شباب
    حبيت افيدكم
    وهذا اللي عندي اليوم
    وان شاء الله المره اليايه بتكلم عن المصانع

    دمتم بوده






  2. #2
    مـتداول نشط طرق اللعب is on a distinguished road الصورة الرمزية طرق اللعب
    تاريخ التسجيل
    Aug 2005
    المشاركات
    614

    تسلم حبيبي وما تقصر ومشروع ناجح بعون الله,,,,,,

    انا اعرف اشخاص تاجروا بالسيارات على ايامها وحققوا ملايين من ورائها بسبب الرخص في الخارج من راس مال تقريبا 50 الف .....

    بالفعل كلامك جميل ......




  3. #3


  4. #4
    مـتداول نشط راقي وانيق is on a distinguished road الصورة الرمزية راقي وانيق
    تاريخ التسجيل
    Sep 2007
    المشاركات
    443

    جزاك الله خير ومشكور وان شاء الله تعم الفايده
    وانكون دايما متعاونين مع بعض ومانبخل على بعض بالافكار الجديده والمفيده




  5. #5
    متداول ذهبي أسير بوظبي is on a distinguished road الصورة الرمزية أسير بوظبي
    تاريخ التسجيل
    Mar 2005
    المشاركات
    4,266

    من احلى الافكار ماشالله

    واتمنى اكون وياكم في مشروعك لو ماعندك مانع




  6. #6


  7. #7
    متداول روتس بوظبي is on a distinguished road
    تاريخ التسجيل
    Aug 2008
    المشاركات
    243

    مرحبا اخوي مغرور بس معذور عسا الله يباركلك في تجارتك وموضوعك وايد مفيد الصراحه وانا اترياك في موضوعي لاتنسا هههههههههههههه




  8. #8
    متداول N.Alshehhi is on a distinguished road الصورة الرمزية N.Alshehhi
    تاريخ التسجيل
    Apr 2008
    المشاركات
    200

    اللـــــه يوفقــك اخويـــه

    ومشششكور على الموضوع المفيـد


    وان شاء الله في ميزان حسنـاتك




  9. #9
    مـتداول نشط ملون المعاني is on a distinguished road الصورة الرمزية ملون المعاني
    تاريخ التسجيل
    May 2006
    المشاركات
    1,476

    وفقك ربي لكل خير و رزق حلال ..

    يا ليت استفيد منك و اقتبس من خبرتك في التجاره .. لأني بصراحه مب عارف شلون أبدأ !!

    نتريا المزيد من أقتراحاتك و أرائك ^_^




  10. #10
    عضو جديد مصطفى العراقي is on a distinguished road
    تاريخ التسجيل
    Jan 2009
    المشاركات
    14

    ساعدني الله يخليك عندي مبلغ 10000 درهم كيف ابدي برايك ارسلي رسالة على الخاص


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 0 (0 من الأعضاء و 0 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك